İran müsəlman ölkələrinin liderlərini, xüsusilə Qərbi Asiya dövlətlərinin və Fars körfəzi ətrafında yerləşən ölkələrin liderlərini birləşməyə çağırır. Bunu İranın ali dini lideri Seyid Müctəba Xamenei bu gün, avqustun 30-da İranda Birlik Həftəsi ilə bağlı müraciətində deyib. İranın ali dini lideri Qərbi Asiya ölkələri və Fars körfəzi ətrafında yerləşən dövlətləri düşmənlərini tanımağa və onlarla mübarizə aparmağa çağırıb.
ABŞ və İsrail təkcə İrana deyil, həm də Qərbi Asiya və Şimali Afrika xalqlarına qarşıdır. Hətta bəzi müsəlman ölkələrinin rəhbərlərini nəzərdə tutanda hörmətsiz ifadələr işlətdikləri də unudulmayıb”, - deyən Xamenei qeyd edib ki, elm, təhlükəsizlik və rifah sahələrində müsəlmanlar arasında birlik, müxtəlif məsələlərdə əməkdaşlıq müsəlman ölkələrinin inkişafına şərait yaradacaq.
İranın Ali Rəhbəri İran vətəndaşlarını iranlıların özləri arasında fikir ayrılıqlarına və anlaşılmazlıqlara səbəb ola biləcək addımlar atmamağa çağırıb. Fevralın 28-də İranın keçmiş ali dini lideri Ayətullah Seyid Əli Xamenei ABŞ və İsrailin İrana endirdiyi hərbi hava zərbələri nəticəsində öldürülüb. Onun oğlu Seyid Müctəba Xamenei Ekspertlər Məclisinin qərarı ilə Əli Xamneyinin yerinə təyin edilib.
Mənbə: https://www.trend.az/iran/politics/4218921.html © 2026 Trend İnformasiya Agentliyi.
Xülasə — davamını mənbədə oxuyun.
