İran tərəfi bəyan edib ki, ABŞ müxtəlif ölkələrdə toy mərasimlərinə hücumları ilə bağlı dünya ictimaiyyətinə cavab verməlidir. Modern.az xəbər verir ki, bu barədə İran İslam İnqilabı Keşikçiləri Korpusunun (SEPAH) İctimaiyyətlə Əlaqələr İdarəsinin yaydığı bəyanatda qeyd olunub. Bəyanatda ABŞ Mərkəzi Komandanlığının (CENTCOM) sentyabrın 1-də İranın Hormozqan əyalətinin Sirik şəhərində toy mərasiminə hava zərbəsi endirdiyi bildirilib.
SEPAH-ın məlumatına görə, hücum nəticəsində mərasimdə iştirak edən 70-ə yaxın insan yaralanıb və ya zərər çəkib. Onlardan 4-nün öldüyü, 7 yaralının vəziyyətinin ağır olduğu bildirilib. SEPAH ABŞ-nin müxtəlif illərdə Əfqanıstan, İraq və Yəməndə də toy mərasimlərinə zərbələr endirdiyini bəyan edib və bir sıra hadisələri sadalayıb.
Həmin hadisələr arasında 2002-ci ildə Əfqanıstanın Uruzqan vilayətində toy mərasiminin bombalanması nəticəsində 100-dən çox insanın öldüyü, 2004-cü ildə İraqın Əl-Ənbar vilayətindəki Bəkər əl-Zib kəndində toy mərasiminə zərbə nəticəsində 42 nəfərin öldüyü, 2008-ci ildə Əfqanıstanın Nəngərhar vilayətində toy mərasiminə hücum nəticəsində 47 nəfərin, o cümlədən gəlinin öldüyü xatırladılıb. SEPAH həmçinin 2015-ci ildə Yəmənin Təiz vilayətində toy mərasiminə endirilən zərbə nəticəsində 131 qadın və uşağın öldüyünü iddia edib. Onlar müxtəlif ölkələrdə toy mərasimlərinə hücumlarla bağlı dünya ictimaiyyətinə cavab versinlər.
Bütün bu hadisələr təsadüf və səhv nəticəsində baş veribmi?” – deyə bəyanatda bildirilib. SEPAH bəyanatında ABŞ ordusu ilə bağlı sərt ifadələrdən istifadə edib və ABŞ xalqını ölkə ordusunun fəaliyyətinə qarşı çıxmağa çağırıb.
Extract — continue reading at the source.
