İsveçin hakim Mülayim Koalisiya Partiyası sentyabrın 13-də keçiriləcək parlament seçkilərində qalib gələcəyi təqdirdə Skandinaviya və Baltikyanı ölkələrlə birgə hava hücumundan müdafiə sistemi yaratmağı planlaşdırır. APA xəbər verir ki, bunu partiyanın nümayəndəsi, İsveçin xarici işlər naziri Mariya Malmer Stenerqard Latviyanın xarici işlər naziri Baiba Braje ilə birgə keçirdiyi mətbuat konfransında bildirib. Onun sözlərinə görə, Skandinaviya və Baltikyanı ölkələrin hava hücumundan müdafiə sistemləri bir neçə səviyyədən ibarət vahid inteqrasiya olunmuş sistemdə birləşdirilməlidir.
Nazir bunun regionun ballistik və qanadlı raketlərdən, eləcə də pilotsuz uçuş aparatlarından daha effektiv müdafiəsinə imkan verəcəyini düşünür. Buna görə də Skandinaviya-Baltik hava hücumundan müdafiə qalxanını görmək istəyirik”, – deyə Stenerqard bildirib. Nazir təklifə qonşu ölkələrin münasibətinin hələlik məlum olmadığını da qeyd edib.
Extract — continue reading at the source.
