Latviyada Yol Hərəkəti Təhlükəsizliyi Müdiriyyətinə (CSDD) edilən kiberhücum nəticəsində cinayətkarlar təxminən 1,2 milyon insanın fərdi məlumatlarını əldə ediblər. "Report" xəbər verir ki, bu barədə LSM portalı məlumat yayıb. Qeyd olunub ki, cinayətkarlar CSDD tərəfindən son 18 il ərzində qəbul edilən ödənişlər barədə məlumatları ələ keçiriblər.
Latviyanın Baş naziri Andris Kulberqs jurnalistlərlə söhbətində konkret cinayətkar hələ müəyyən edilmədiyi üçün, söhbətin Latviyaya başqa bir dövlət tərəfindən həyata keçirilən kiberhücumdan gedə biləcəyini istisna etməyib. CSDD-nin İT departamentinin rəhbəri Maris Purinş həmçinin bildirib ki, kiberdələduzlar müştərilərin ünvanlarına və telefonlarına tam çıxış əldə edə bilməyiblər. O qeyd edib ki, ötən istirahət günlərində CSDD məqsədyönlü kiberhücumla da üzləşib, lakin təhlükəsizliyin gücləndirilməsi üzrə görülən tədbirlər sayəsində onu bloklamaq mümkün olub.
Latviya Prezidenti Edqars Rinkeviçs insidenti şərh edərək qeyd edib ki, kiberhücum və genişmiqyaslı məlumat sızması milli təhlükəsizliyə ciddi təhdid yaradır.
Extract — continue reading at the source.
