Trend in müxbiri xəbər verir ki, Ziraat Bank Azərbaycan tərəfindən buraxılmış istiqrazların uğurla yerləşdirilməsi bank, ölkənin kapital bazarı, onun iştirakçıları və investisiya şirkətləri üçün mühüm hadisədir. Bunu “PAŞA Kapital”ın baş icraçı direktoru İsi Mustafayev “Ziraat Bank Azərbaycan” istiqrazlarının Bakı Fond Birjasında ticarətə buraxılması münasibətilə keçirilən “Açılış zəngi” mərasimində deyib. Onun sözlərinə görə, bu qəbildən olan layihələr nəinki bazarda yeni maliyyə alətləri yaradır, həm də onları daha geniş sərmayəçilər üçün əlçatan edir.
Bu münasibətlə Ziraat Bank kollektivini təbrik edirəm. Ümid edirəm ki, bank ənənəvi maliyyələşdirmə kanalları ilə yanaşı, kapital bazarlarını da özünün əsas maliyyə mənbələrindən biri kimi seçəcək”, - deyən Mustafayev qeyd edib ki, “PAŞA Kapital”ın əsas məqsədi bazarda daha çox maliyyə alətləri yaratmaq və investorların kapital bazarına marağını və inamını artırmaqdır.
Əsas səbəblərdən biri odur ki, ənənəvi kanallarla yanaşı, istiqrazların yerləşdirilməsi də elektron platforma vasitəsilə həyata keçirilib. Prosesin elektron platforma vasitəsilə aparılması daha geniş spektrli investorların və ictimaiyyət nümayəndələrinin iştirakına şərait yaratdı”, - deyə baş direktor bildirib. Mustafayev bildirib ki, eyni yanaşma əvvəllər PAŞA Bankın səhm və istiqrazlarının yerləşdirilməsində də tətbiq edilib.
Qarşıdakı layihələrimizdə də ictimaiyyətin bu proseslərdə daha fəal iştirakını təmin etməyi qarşımıza məqsəd qoymuşuq”, - deyə o əlavə edib.“PAŞA Kapital”ın baş icraçı direktoru Ziraat Bankı, PAŞA Kapital və Bakı Fond Birjasının komandalarına, eləcə də prosesdə əməyi olan hər kəsə təşəkkürünü bildirib.Mənbə: https://www.trend.az/business/4218020.html Trend © 2020
Xülasə — davamını mənbədə oxuyun.
