Neftçala Rayon İcra Hakimiyyətinin başçısı 2025-2026-cı tədris ilində Respublika ali təhsil müəssisələrinin rayonlarında qəbul imtahanlarında yüksək bal toplayan məzunlarla görüşüb.
Modern.az xəbər verir ki, görüşdə Neftçala Rayon İcra Haikimiyyətinin başçısı Mirhəsən Seyidov, Rayon İcra Hakimiyyətinin məsul şəxsləri, Neftçala rayon üzrə Təhsil Sektorunun müdiri, məktəb direktorları, müəllimlər, imtahanlarda yüksək nəticə göstərən məzunlar və onların valideynləri iştirak ediblər.
Neftçala Rayon İcra Hakimiyyətinin başçısı Mirhəsən Seyidov təhsil müəssisələrinin qəbul imtahanlarında yüksək nəticə göstərən, həmçinin tələbə adını qazanan bütün məzunları, onların valideynlərini təbrik edib, müəllimlərə təşəkkürünü bildirib. Müasir dünya elm və təhsil hər bir ölkənin inkişaf səviyyəsini müəyyən edir. Təhsilin sosial-iqtisadi və mədəni inkişafda rolu hər gün daha da artır. Ümummilli Liderimiz Heydər Əliyev təhsilin vacibliyini önə çəkərək deyirdi ki, İndi dünya intellektual dünyadır, elmi-texniki tərəqqi dünyasıdır. Azərbaycanın elmi-texniki inkişaf səviyyəsində inkişaf etdirilməsi üçün şübhəsiz ki, yüksək təhsilə nail olmalıyıq.
RİH-in başçısı Prezident cənab İlham Əliyevin və Birinci vitse-prezidenti Mehriban xanım Əliyevanın Ölkə təhsilinə göstərdiyi diqqət və qayğısından, bu qayğının nəticəsi olaraq rayon ümumtəhsil məktəblərində aparılan yenidənqurma işləri haqqında ətraflı məlumat verdi.
Yüksək bal toplayan məzunlar, müəllimlər və valideynlər Prezident cənab İlham Əliyevə və Birinci vitse-prezident Mehriban xanım Əliyevaya təhsil sahəsinə göstərdikləri diqqət, qayğıya görə minnətdarlıqları və təşəkkürlərini bildiriblər.
Məlumat üçün bildiririk ki, 2025-2026-cı illərdə Neftçala rayon ümumtəhsil məktəblərindən məzun olan 722 nəfər şagirddən 416 nəfəri ali məktəblərə qəbul üçün müraciət edib. Tələbələrin 269 nəfəri tələbə adını qazanıb.Tələbələrin 14 nəfəri 600-dən yüksək təhsil müəssisələrində iştirak edir.
Xülasə — davamını mənbədə oxuyun.
