Parlament Prezidentin geri qaytardığı qanunlara yenidən baxacaq

İyulun 14-də Milli Məclisin qəbul etdiyi vergi, miqrasiya və digər sahələrlə bağlı qanun yenidən parlament müzakirəsinə çıxarılır.

Modern.az xəbər verir ki, məsələ İqtisadi siyasət, sənaye və sahibkarlıq komitəsinin bu gün keçiriləcək iclasında müzakirə ediləcək.

Qeyd edək ki, Prezident tərəfindən imzalanmadan dəyişikliklərlə geri qaytarılan qanun Vergi və Miqrasiya məcəllələrini, həmçinin İctimai sığorta haqqında, Gömrük tarifləri haqqında, Lisenziyalar və icazələr haqqında və Dövlət satınalmaları haqqında qanunları əhatə edir.

İyulda qəbul edilmiş layihədə rəqəmsal texnologiyalar, süni intellekt, kibertə təhlükəsizlik və innovasiya sahələrində çalışan müəyyən şəxslər üçün vergi güzəştləri də nəzərdə tutulur.