Azərbaycan Respublikasının Prezidenti İlham Əliyev və birinci xanım Mehriban Əliyeva sentyabrın 17-də Şamaxıda Meysari Grand Hotel & SPA kompleksinin açılışında iştirak ediblər.
APA xəbər verir ki, "Pasha Hospitality" şirkətinin baş icraçı direktoru Mehmet Balçik dövlətimizin başçısına və birinci xanıma Şamaxı rayonunun yeni inşa edilmiş Meysəri kəndində yeni inşa olunan "Meysari Grand Hotel & SPA" haqqında məlumat verərək dedi ki, kompleks çoxfunksiyalı turizm və istirahət məkanıdır.
Bildirildi ki, dəniz səviyyəsindən 1050 metr yüksəklikdə yerləşən kompleks özündə otel və kotteclər, restoranlar, konfrans mərkəzi, SPA və sağlamlıq mərkəzi, idman və istirahət zonaları, uşaq əyləncə mərkəzi, avtomobil dayanacağı və helikopter meydançasını birləşdirir.
Kompleksin əsas otel binasında müxtəlif kateqoriyalarda 88 otaq, kottec hissəsində isə 116 otaq olmaqla ümumilikdə 204 otaq mövcuddur. Bundan əlavə, kompleksdə yerləşən 3 villa var.
Burada fəaliyyət göstərən sağlamlıq mərkəzində qonaqların istirahəti, sağlamlıqların bərpası üçün geniş imkanlar yaradılıb.
Kompleksdə 3 hovuz, idman və pilates zalları, tennis kortu, futbol meydançası, padel kortu və uşaq əyləncə mərkəzi qurulub.
Xülasə — davamını mənbədə oxuyun.
