Pakistanın Azərbaycandakı səfiri Qasım Mohiuddin Pakistan, Səudiyyə Ərəbistanı və Türkiyə arasında müdafiə sazişini yüksək qiymətləndirdi. "Report" xəbər verir ki, səfir bunu Pakistanın Müstəqillik Gününə həsr olunmuş tədbirdə jurnalistlərə açıqlayıb. Qasım Mohiuddin qeyd edib ki, regionda davam edən gərginlik fonunda Pakistan sabitliyin təmin edilməsində mühüm rol oynayır və münaqişələrin dinc yolla həlli üçün səylərini davam etdirir.
"Bu yaxınlarda Səudiyyə Ərəbistanı, Türkiyə və Pakistan arasında müdafiə sazişi bağlanıb. Pakistan Səudiyyə Ərəbistanının təhlükəsizlik təminatçısıdır. Regionda mövcud gərginlik fonunda Pakistan mühüm rol oynayır.
Bizim səylərimiz sayəsində İran və İsrail arasında müharibəni dayandırmaq mümkün olub və biz dinc həll yolunun tapılması üzərində işləməyə davam edirik", - diplomat bildirib. O, həmçinin Pakistanın iqtisadiyyatının sabitləşdirilməsi istiqamətində hökumətin səylərini qeyd edib. "Bizim iqtisadiyyatımız artıq sabitləşib və indi biz irəliyə doğru hərəkət edirik.
Pakistanın çox böyük gələcəyi var", - Mohiuddin əlavə edib.
Extract — continue reading at the source.
