Bu gündən "Bakı Metropoliteni" QSC Qırmızı və Yaşıl xətlərin ayrılması layihəsinin əsas tikinti mərhələsinə başlanılıb. "Report" xəbər verir ki, tikinti işləri zamanı "28 May–Nizami" stansiyaları arasında sərnişindaşıma dayandırılıb. Bakının nəqliyyat mənzərəsinin dəyişməsi Bu dövrdə "İçərişəhər" stansiyasında gücləndirilmiş iş rejimi tətbiq olunmaqla qatarlar "İçərişəhər–Əhmədli" marşrutu üzrə 2 dəqiqə 30 saniyəlik intervalla hərəkət edəcək ("Əhmədli–Həzi Aslanov" mənzilində təmir başa çatanadək məkik hərəkət üzrə mövcud interval saxlanılacaq).
Qatarlar "Dərnəgül–Nizami" marşrutu üzrə 3 dəqiqə 30 saniyəlik intervalla fəaliyyət göstərəcək. "Cəfər Cabbarlı–Xətai" mənzilində isə məkik hərəkət rejimi dəyişməz qalacaq (interval 7 dəqiqə). "Xocəsən–8 Noyabr" marşrutu üzrə 8 dəqiqəlik interval qüvvədə saxlanılacaq.
Qeyd edək ki, Qırmızı və Yaşıl xətlərin ayrılması layihəsinin əsas tikinti mərhələsində işlər təxminən 10-11 ay davam edəcək. Tikinti işləri başa çatdıqdan sonra Qırmızı ("İçərişəhər–Həzi Aslanov") və Yaşıl ("Dərnəgül–Xətai") xətlər sərnişinlərə tam müstəqil infrastrukturla xidmət göstərəcək. Belə ki, Yaşıl xətt üzrə qatarların hərəkəti "Dərnəgül" stansiyasından başlayaraq "Cəfər Cabbarlı" vasitəsilə "Xətai" stansiyasına qədər davam edəcək və Yaşıl xətt üzrə interval 3 dəqiqə 30 saniyə olacaq.
Beləliklə, "Cəfər Cabbarlı-Xətai" sahəsində mövcud olan 8 dəqiqəlik gözləmə intervalı tarixə qovuşacaq. Növbəti mərhələdə Y-15 stansiyasına qədər tunellər və dönmə infrastrukturu tamamlandıqdan sonra isə Yaşıl xətt üzrə intervalın 2 dəqiqəyədək azaldılması mümkün olacaq. Qırmızı xətt üzrə isə "İçərişəhər" dönmə kamerasının tikintisi davam edir və layihənin 2028-ci ilin ikinci yarısında tamamlanması planlaşdırılır.
Bu infrastrukturlar tam istifadəyə verildikdən sonra hər iki xətt üzrə intervalların 2 dəqiqəyədək azaldılması mümkün olacaq. Məmmədov qeyd edib ki, "İçərişəhər" stansiyasında tətbiq edilmiş gücləndirmə mexanizmləri, xətt üzrə bir sıra optimallaşdırma tədbirləri, həmçinin əlavə İçərişəhər stansiyasında ehtiyat maşinistlərin ayrılması ilə stansiyanın qatarları daha operativ tərk etməsi təmin olunub: "Nəticədə artıq interval 3 dəqiqə 30 saniyə deyil, 2 dəqiqə 30 saniyə olmaqla təmin edilir. Hazırda yaşıl xətt üzrə Dərnəgül-Nizami stansiyaları arasında interval 3 dəqiqə 30 saniyə olsa da, Bakı Metropoliteni bu istiqamətdə də ilk optimallaşdırma tədbirlərini həyata keçirmək istiqamətində təhlillərə başlayıb və yaxın vaxtlarda bu istiqamətdə də ilk müsbət dəyişiklik olaraq intervalın azaldılması, qismən də olsa azaldılması istiqamətində tədbirlər görüləcək".
Onun sözlərinə görə, əsas hədəflərdən biri intervalların azaldılmasıdır: "Lakin buna qədər "Bakı Metropoliteni"ndə 7 mühüm layihə həyata keçirilməlidir. Onlardan biri artıq yekunlaşmış hesab olunur. Yəni Dərnəgül elektrik deposu birinci mərhələdə istismara verilib.
Extract — continue reading at the source.
