2026-cı ildə Azərbaycanın həm dövlət, həm də ictimai-siyasi, həm də mədəni və media həyatında bir sıra mühüm qurultaylarla necə başlayacaq. Nizamnamə müddətləri və əvvəlki qurultayların keçirilmə tarixləri göstərir ki, bu il hakim Yeni Azərbaycan Partiyasının (YAP), həm Vətəndaş Həmrəyliyi Partiyasının (VHP), Azərbaycan jurnalistlərinin növbəti qurultayının keçiriləcək. Modern.az adları çəkilən qurumların növbəti qurultaylarının nə zaman keçiriləcəyi ilə bağlı araşdrıma edib.
YAP-ın VIII qurultayı keçirilməlidir
Diqqət mərkəzində olan əsas siyasi toplantı hakim Yeni Azərbaycan Partiyasının növbəti qurultayıdır. YAP-ın sonuncu, VII qurultayı 5 mart 2021-ci ildə keçirilib. Həmin toplantıda partiyanın yeni Nizamnaməsi qəbul olunub, 40 nəfərdən ibarət İdarə Heyəti, 13 nəfərlik Təftiş Komissiyası və 35 nəfərlik Veteranlar Şurası formalaşdırılıb. Partiyanın hazırkı Nizamnaməsinin 7.2-ci bəndində isə açıq şəkildə göstərilməlidir ki, YAP-ın qurultayı İdarə Heyəti tərəfindən beş ildə bir dəfə az olmayaraq çağırılmalıdır. YAP Nizamnaməsinə görə, qurultay partiyanın ali rəhbər orqanıdır. Partiya sədrinin seçilməsi, İdarə Heyəti, Təftiş Komissiyaları və Veteranlar Şurasının tərkibinin müəyyənləşdirilməsi, bu qurumların üzvlərinin seçilməsi kimi məsələlər qurultayın səlahiyyətlərinə daxildir. İdarə Heyəti və digər seçilmiş strukturların üzvləri beş il müddətinə seçilir. Hakim partiyanın qurultayının oktyabrda keçiriləcəyi də müzakirə olunur. Deputat Əkimovanın açqılamasına bura əlavə edək
Jurnalistlər də bu il qurultaya toplaşmalıdır
2026-cı ildə qurultayı gözlənilən digər böyük ictimai platforma Azərbaycan jurnalistləri və Mətbuat Şurasıdır. Azərbaycan jurnalistlərinin sonuncu qurultayı 24 sentyabr 2022-ci ildə keçirilib. Həmin qurultayda Azərbaycan Mətbuat Şurasının hesabat dövründəki fəaliyyəti qiymətləndirilib, Nizamnaməyə dəyişikliklər edilib və Şuranın yeni rəhbər orqanları formalaşdırılıb. Rəşad Məcid Mətbuat Şurasının sədri seçilib. Mətbuat Şurasının hazırkı Nizamnaməsinə görə, İdarə Heyəti üzvlərinin səlahiyyət müddəti 4 ildir. Şura üzvləri 4 il müddətinə seçilir. Nəzarət-Təftiş Komissiyasının səlahiyyət müddəti də dörd ildir. Beləliklə, 2022-ci ilin sentyabrında formalaşdırılmış rəhbər orqanların dördillik səlahiyyət müddəti 2026-ci ilin sentyabrında tamamlanır. Mətbuat Şurasının sədri Rəşad Məcid verdiyi verdiyi açıqlamada IX qurultayın keçirilməsinin gündəmdə olduğunu təsdiqləyib. O bildirib ki, Mətbuat Şurasının İdarə Heyətinin iclasında qurultayın vaxtı və digər prosedur məsələləri müəyyən ediləcək. Rəşad Məcid qurultayın əvvəlki toplantı kimi sentyabrın üçüncü ongünlüyünə təyin edilməsinin mümkün olduğunu söylədi. Qurultay baş tutarsa, Mətbuat Şurasının növbəti dördilliki dövrü üçün İdarə Heyətinin tərkibi formalaşdırılacaq və Şuranın sədri seçiləcəkdir.
Sabir Rüstəmxanlinin partiyasında da 5 illik müddətə bitib Bu il qurultay müddəti tamamlanan siyasi təşkilatlardan biri də Vətəndaş Həmrəyliyi Partiyasıdır. VHP-nin sonuncu VIII qurultayı 14 fevral 2021-ci ildə keçirilib. COVID-19 pandemiyası səbəbindən onlayn formaatda keçirilən toplantı. Partiyanın qurultaylar arası fəaliyyəti və siyasi-siyasi vəziyyətinin müzakirəsi aparılıb, təşkilat məsələlərinə baxılıb. Səsvermənin nəticəsinə əsasən Sabir Rüstəmxanlı yenidən VHP sədri seçilib. VHP-nin Nizamnaməsində də qurultayın keçirilməsi üçün konkret müddət müəyyənləşdirilib. Nizamnamənin 6.1-ci bəndinə əsasən, VHP-nin ali idarəetmə orqanı olan qurultay 5 ildən bir Ali Məclis tərəfindən çağırılır.Sonuncu qurultayın 14 fevral 2021-ci ildə keçirilməsi nəzərə alınarsa, partiyanın IX qurultayının müddəti 2026-cı ilin fevralında tamamlanıb. Bu səbəbdən VHP-nin Nizamnaməyə uyğun olaraq növbəti qurultayını bu il keçirməsi mütləqdir.
Xülasə — davamını mənbədə oxuyun.
