Hələ indi-indi festivallara travma mövzulu filmlər aparılır, halbuki dünya bu mərhələni çoxdan keçib. Bu fikirləri "Report"a müsahibəsində rejissor, aktyor Namiq Ağayev deyib. Rejissor Azərbaycanda festivallara yanaşma tərzinin doğru olmadığını bildirib.
"İstər kino, istər teatrı yaşadan həm də festivallardır. Çünki festival bazardır, bizdə festivallara yanaşma düzgün deyil. Festival elə gedib çıxış edib qayıtmaq demək deyil, sən uğurlu çıxış edirsənsə, səninlə müqavilə bağlanılır.
Özü də bizdə festivalla bağlı bir tendensiya yaranıb, hamı festivala travma aparır. Dünya bu prosesi çoxdan keçib, üstündən də su içib, biz amma travma ilə festival fəth eləmək istəyirik. Bəli, müəyyən təbəqənin rəğbətini qazanmaq olar, amma bu kassa gətirmir, üstəlik, səni əmin edirəm, o festivaldakılar da bezib artıq.
Bilirsən, bu artıq reseptdir: yaxşı əsər kütləvi olar. Homerdən tutmuş, Nizamiyə qədər, Gilqamışdan tutmuş Cek Londona qədər niyə uğurludur? Kino dili ilə desək, kassa gətirən.
Travma sənə necə kassa gətirə bilər axı?" Müsahibənin tam mətni ilə buradan tanış olmaq olar.
Extract — continue reading at the source.
