Rejissor Namiq Ağayev Vətən müharibəsi haqqında film çəkmək istədiyini bildirib. O bu barədə fikirləri "Report"a geniş müsahibəsində deyib. Rejissorun sözlərinə görə, Vətən müharibəsi mövzusunda insan hekayələri ilə yanaşı, sırf müharibənin özü də kinoya çəkilməlidir.
"Günü bu gün də bu mövzuda hərbçilərimizin çıxışlarına baxıram, dinləyirəm... Nə hekayələr var onların çıxışlarında... Bir-birindən tamamilə fərqli, ayrı xətt.
Özü də kifayət qədər ssenarilər var, bəli, insan hekayələri çəkilməlidir, vacibdir, razıyam, amma müharibənin özü də lazımdır axı. Cəbhə, cəbhənin içi, səngər, Şuşanın alınması, o əlbəyaxa döyüş, nə bilim, nələr, nələr. Bunları göstərmək lazımdır, əsgərləri dinlədikcə görürsən ki, təkrar olmayan necə mövzular var, səngər haqqında, düşmənlə münasibət haqqında.
Yenə də deyirəm, hamısını məmnuniyyətlə çəkərəm". Müsahibənin tam mətni ilə buradan tanış olmaq olar.
Extract — continue reading at the source.
