Azərbaycanın qızlardan ibarət U-15 millisi iştirak etdiyi UEFA İnkişaf Turnirində zəngin təcrübə qazanıb. Bunu "Report"a açıqlamasında komandanın baş məşqçisi Rövşən Qasımov deyib. Mütəxəssis yeni formalaşan kollektivin turnirdə çıxışını dəyərləndirib: "Yeni yığılmış komandayıq.
Bu yarış futbolçularımız üçün çox yaxşı təcrübə oldu. Belə turnirlərdə çıxış etmək oyunçuların həm fərdi, həm də komanda keyfiyyətlərinin inkişafında böyük rol oynayır". R.Qasımov heyətdə azyaşlı futbolçulara şans verildiyini diqqətə çatdırıb: "Turnir 2012-ci il təvəllüdlü futbolçular arasında keçirilirdi.
Turnir iştirakçıları arasında təkcə biz komandaya 2013-cü il təvəllüdlü futbolçular dəvət etmişdik və onlardan ikisi hər oyunda start heyətində meydana çıxırdı. Bu isə bizə yığmanın gələcəkdə daha yaxşı çıxış edəcəyinə və uğurlu nəticələr qazanacağına ümid verir. Unutmayaq ki, əsas məqsəd milli komanda üçün oyunçu yetişdirməkdir".
Qeyd edək ki, U-15 yığması UEFA İnkişaf Turnirində 3 matç keçirib. Komanda Qazaxıstana 1:2, Rusiyaya 0:13, Belarusa 0:5 hesabı ilə məğlub olub.
Extract — continue reading at the source.
