Sabir Rüstəmxanlının 80 illik yubileyi münasibətilə ədəbi-bədii gecə keçirilib

Sabir Rüstəmxanlının 80 illik yubileyi münasibətilə ədəbi-bədii gecə keçirilib Mədəniyyət siyasəti 27 may, 2026 00:19 Azərbaycan ədəbiyyatının görkəmli ictimai-siyasi xadimi, Xalq şairi Sabir Rüstəmxanlının 80 illik yubileyi münasibətilə Azərbaycan Dövlət Akademik Milli Dram Teatrında möhtəşəm ədəbi-bədii gecə keçirilib."Report" xəbər verir ki, tədbirdən əvvəl Azərbaycan Milli Kitabxanası tərəfindən teatrın foyesində geniş kitab sərgisi təşkil olunub.Sərgidə Sabir Rüstəmxanlının müxtəlif illərdə nəşr edilmiş bütün kitabları nümayiş etdirilib. Eyni zamanda yubilyar haqqında son günlərdə çap olunan dörd yeni kitabın təqdimatı keçirilib. Kitab sərgisi ilə tanış olan mədəniyyət naziri Adil Kərimli nəşrləri Sabir Rüstəmxanlıya təqdim edib.Tədbirdə Prezident Administrasiyasının şöbə müdiri Ədalət Vəliyev, Baş nazirin müavini Samir Şərifov, mədəniyyət naziri Adil Kərimli, Azərbaycan Təhlükəsizlik Şurasının katibi Mədət Quliyev, millət vəkilləri, alimlər, yazıçılar, ictimai xadimlər və mədəniyyət nümayəndələri iştirak ediblər.Gecə Sabir Rüstəmxanlının həyat və yaradıcılığını əks etdirən videoçarxın nümayişi ilə başlayıb.

Daha sonra Baş nazirin müavini Samir Şərifov çıxış edərək Baş nazirin yubilyara ünvanladığı geniş təbrik məktubunu tədbir iştirakçılarının diqqətinə çatdırıb. Məktubda Sabir Rüstəmxanlının həm Azərbaycan ədəbiyyatı və mədəniyyəti, həm də ictimai-siyasi həyatındakı mühüm xidmətləri xüsusi vurğulanıb.Ardınca millət vəkili, akademik Rəfael Hüseynov məruzə ilə çıxış edərək Sabir Rüstəmxanlının yaradıcılığının milli düşüncənin formalaşmasında rolundan danışıb.Sonra AMEA-nın prezidenti, akademik İsa Həbibbəyli çıxış edərək yubilyarın Azərbaycan ədəbi-mədəni fikir tarixindəki yerini yüksək qiymətləndirib.Millət vəkili, professor Fəzail İbrahimli isə çıxışında Sabir Rüstəmxanlının milli ideyaların və istiqlal düşüncəsinin təbliğindəki xidmətlərindən bəhs edib.Türkiyədən gələn qonaq, yazıçı İmdat Avşar çıxış edərək Sabir Rüstəmxanlı haqqında Türkiyədə nəşr olunan kitabını təqdim edib və yubilyarın türk dünyası üçün önəmindən danışıb.Azərbaycan Yazıçılar Birliyinin katibi Səlim Babullaoğlu isə çıxışında müxtəlif türk respublikalarının və xarici ölkələrin Yazıçılar birlikləri rəhbərlərinin təbriklərini çatdırıb.Moskvadan tədbirə qatılan professor-alim Abuzər Bağırov çıxış edərək Rusiyadakı ədəbi çevrələrin salamlarını Sabir Rüstəmxanlıya çatdırıb, həmçinin yubilyara diplom və xatirə hədiyyələri təqdim edib.Şair və publisist Aqşin Yenisey də çıxış edərək Sabir Rüstəmxanlının Azərbaycan ədəbiyyatında və xüsusilə gənc nəsil yazarların formalaşmasında mühüm rol oynadığını bildirib.Tədbirin bədii hissəsində Sabir Rüstəmxanlının şeirləri səsləndirilib, onun sözlərinə bəstələnmiş mahnılar ifa olunub. Əməkdar artist Elnar Qarayev "Yandırar məni" və "Anaya məktub" şeirlərini təqdim edib.

Xalq artisti Mehriban Zəki, Kamran Yunus, Sabir Məmmədov və Tural Əhməd yubilyarın şeirlərindən nümunələr səsləndiriblər.Əməkdar artist Laləzar Mustafayeva da gecədə çıxış edərək Sabir Rüstəmxanlının bir neçə şeirini təqdim edib.Xalq artistləri Ağadadaş Ağayev, Faiq Ağayev və Aynur İsgəndərli Sabir Rüstəmxanlının sözlərinə bəstələnmiş mahnılarla çıxış ediblər. Gecədə həmçinin xorun ifasında "Millətəm" mahnısı səsləndirilib.Əməkdar artist Hüsniyyə Mürvətova "İnansa Təbriz deyil" şeirini canlı musiqi müşayiəti ilə təqdim edib. Gecədə Atatürk Liseyinin şagirdlərinin ifasında "Qarabağa dönüş" kompozisiyası nümayiş olunub.Tədbir çərçivəsində ssenari müəllifi Sabir Rüstəmxanlı olan "Cavad xan" filmindən bir hissə nümayiş etdirilib.

Sonra Sabir Rüstəmxanlının nəvələrinin şeir təbriki dinlənilib.Sonda Sabir Rüstəmxanlı çıxış edərək yubiley tədbirinin təşkilatçılarına və iştirakçılara təşəkkürünü bildirib.Gecə "Zəfər" rəqsi ilə yekunlaşıb. Sabir Rüstəmxanlı Rusiya Federasiyası Azərbaycan Respublikası Prezidenti Administrasiyası (PA) Moskva Azərbaycan Milli Elmlər Akademiyası (AMEA) Mustafa Kamal Atatürk Azərbaycan Respublikasının Təhlükəsizlik Şurası Yubiley tədbiri Ən son xəbərləri bizim "Instagram" səhifəmizdə izləyin Müəllif Xəbərlər Şöbəsi Sosial şəbəkələrdə paylaşın Скопировано (function () {var rand = Math.floor(Math.random() * 1e9);var adv_1164_iad_div = document.createElement("div");adv_1164_iad_div.setAttribute("id", "adviad-zoneid-1164" +rand);adv_1164_iad_div.style.cssText = "display: flex !important; justify-content: center !important;";document.currentScript.parentElement.appendChild(adv_1164_iad_div);var adv_1164_iad = document.createElement("script");adv_1164_iad.setAttribute("zoneid", 1164);adv_1164_iad.src = "https://newmedia.az/nativebanner/get_ads.js?v=" + new Date().toJSON().slice(0,10).replace(/-/g,'.');adv_1164_iad.async = true;document.currentScript.parentNode.appendChild(adv_1164_iad);})(); USD - 1.700 EUR - 1.959 TRY - 0.036 GEL - 0.649 RUB - 0.021 UAH - 0.038 Bakı 27° C Son xəbərlər 07:50 Beş rayonda elektrik enerjisinin verilişində fasilələr yaranacaq Energetika 07:12 Şimali Koreya Yaponiyanı hərbi potensialını artırmaqda ittiham edib Digər ölkələr 06:46 Rusiya Zaporojyeyə zərbə endirib, beş nəfər həlak olub Digər ölkələr 06:25 Zukerberq süni intellektin mərkəzləşdirilməsindən imtina etməyə çağırıb İKT 05:52 Venesuela Kolumbiyaya xilasedicilər və humanitar yardım göndərir Digər ölkələr 05:23 WSJ: Tramp İrana qarşı genişmiqyaslı zərbələri bərpa etməyə tələsmir Digər ölkələr 04:49 Suriyadakı məxfi obyektdən çıxarılan nüvə materialları BAEA-ya təhvil veriləcək Digər ölkələr 04:18 Video Kolumbiyada zəlzələ nəticəsində ölənlərin sayı 132-yə çatıb - YENİLƏNİB-8 Digər ölkələr 03:48 Venesuelada zəlzələ nəticəsində ölənlərin sayı 6300-ü keçib Digər ölkələr Bütün Xəbər Lenti