Özbəkistan Respublikası Prezidenti Administrasiyasının rəhbəri Səidə Mirziyoyeva Azərbaycanın Birinci vitse-prezidenti Mehriban Əliyevaya doğum günü münasibətilə təbrik məktubu ünvanlayıb. Sizi ad gününüz münasibətilə ürəkdən təbrik edirəm. Bu əlamətdar gün Sizin müstəsna insani keyfiyyətlərinizə, xalqın mənafeyi naminə çoxşaxəli fəaliyyətinizə, xeyirxah əməllərinizə bir daha dərin ehtiramımı və səmimi heyranlığımı ifadə etmək üçün gözəl fürsətdir.
Dövlət məsuliyyətini ana məhəbbəti və ailə dəyərləri ilə harmonik şəkildə birləşdirən Sizin kimi müdrik rəhbərin nəcib keyfiyyətləri xüsusi təqdirə layiqdir. Özbəkistandakı görüşümüz məndə unudulmaz və xoş təəssürat yaratdı. Söhbətimiz zamanı mən sizin səmimiyyətinizin, ölkəmizə məhəbbətinizin bir daha şahidi oldum.
Fürsətdən istifadə edərək, Sizə uzun ömür, möhkəm cansağlığı, məsuliyyətli fəaliyyətinizdə böyük uğurlar, ailə səadəti arzulayıram. Qoy həmişə evinizə firavanlıq və bərəkət dolsun, qəlbinizdə daim sülh və əmin-amanlıq hökm sürsün. Qoy yaxınlarınızın və bütün Azərbaycan xalqının sonsuz məhəbbəti Sizə tükənməz güc və ilham bəxş etməkdə davam etsin”, - məktubda deyilir.
Mənbə: https://www.trend.az/azerbaijan/politics/4218411.html © 2026 Trend İnformasiya Agentliyi.
Xülasə — davamını mənbədə oxuyun.
