Sentyabrın 19-20-də Şamaxıda növbəti Üzüm və Şərab Festivalı keçiriləcək.
Kulis.az xəbər verir ki, festival Şamaxı Rayon İcra Hakimiyyəti, Abqora restoranı və Nəsimi bağları kompleksinin təşkilatçılığı ilə Şamaxı rayonunun Meysəri kəndində baş tutacaq.
Artıq 5 dəfə təşkil olunacaq festivalın məqsədi yerli üzüm və şərab istehsalının təşviqi, şərab məhsullarının ixrac potensialının artırılması, Azərbaycanda üzümçülük və şərab istehsalının tarixinin və bu sahədə görülən işlərin geniş ictimaiyyətə çatdırılmasıdır.
Meysəri kəndindəki Şirvan şərabları MMC-nin üzümçülük və şərabçılıq kompleksinin ərazidə təşkil olunacaq festivalı olacaq müxtəlif şərab brendləri qatılaraq öz məhsullarını təqdim edəcəklər.
Ziyarətçilər iki gün ərzində üzümçülük və şərabçılıq, Azərbaycanın turizm potensialı ilə daha yaxından tanış olmaq imkanı qazanacaq, müxtəlif əyləncə və şou proqramları izləyəcəklər. Tədbirin əyləncə proqramı yaxın günlərdə açıqlanacaq.
Xülasə — davamını mənbədə oxuyun.
