Genişmiqyaslı yanğından ən çox zərər çəkmiş Le-Porj şəhərinin (Jironda departamenti) yerli sakinləri Fransanın Baş naziri Sebastyan Lekornyunu fitə basıblar. "Report" xəbər verir ki, bu barədə Fransa mediası məlumat yayıb. Qara geyimli 200-ə yaxın insan bələdiyyənin meriya binası qarşısına toplaşıb, Lekornünün avtomobili binaya yaxınlaşarkən onu fitə basıb və alqışlayıblar.
Onlar genişmiqyaslı yanğından bir ay sonra onun departamentə gəlməsindən narazılıqlarını ifadə edərək, üzərində "Lekornyu və onun bütün dəstəsi" yazılmış boş stul qoyublar. Yerli sakinlər baş nazirin onlarla görüş keçirəcəyini və mövcud problemlərlə maraqlanacağını gözləyirdilər. Sakinlər ümid edirlər ki, hakimiyyət onlara yardım göstərmək üçün lazımi resursları təmin edəcək: "Biz sadəcə daşınmaz əmlak vergisindən azad olunmağı deyil, meşəni bərpa etməyə və hər şeyini itirmiş torpaq sahiblərinə kompensasiya ödəməyə kömək edəcək əhəmiyyətli maliyyə vəsaiti gözləyirik".
Qeyd edək ki, Jironda departamentində yanğın səbəbindən 42 000 hektar ərazi yanıb, 220 mindən çox insan təxliyə edilib, yüzlərlə tikili və ev dağılıb.
Extract — continue reading at the source.
