Sentyabr ayı üçün yeni temperatur rekordu

Fransada sentyabr ayı üzrə yeni temperatur qeydləri qeydə alınıb.

Modern.az xəbər verir ki, bu barədə məlumatı "Le Figaro" nəşri "Meteo-Fransa" meteorologiya agentliyinə istinadən yayıb.

Məlumata əsasən, dünən Fransının cənubunda yerləşən Tarn departamentində hərarəti 40.3 dərəcəyə çatıb.

Bundan əvvəlki sentyabr rekordu 2022-ci ildə müşahidə edilmişdir 40.2 dərəcə isti hesab olunurdu.

Hazırda Fransada cənub və cənub-şərq bölgələrində yenidən kəskin isti hava şəraiti hökm sürür. Altı departamentdə hava şəraiti ilə əlaqədar yüksək, yəni "narıncı" təhlükə səviyyəsi elan olunub. Bu gün bəzi ərazilərdə hava temperaturunun 39 dərəcəyə çatdıracağı barədə məlumat yayılmışdı.