SEPAH: İordaniyadakı ABŞ bazası ballistik raketlərlə vurulub

İran İslam İnqilabı Keşikçiləri Korpusu (SEPAH) İranın cənubundakı Sirik şəhərində toy mərasiminə ABŞ tərəfindən həyata keçirilən hücuma cavab verildiyini açıqlayıb. APA-nın Tehran bürosunun məlumatına görə, bu barədə SEPAH-ın yaydığı bəyanatda bildirilib. Bəyanata görə, SEPAH-ın Aerokosmik Qüvvələri İordaniyada yerləşən ABŞ dəniz piyadalarının “Camp Titin” bazasına ağır ballistik raket zərbələri endirib.

SEPAH iddia edib ki, Əqəbə körfəzi sahilində yerləşən bazaya hücum nəticəsində çox sayda ABŞ hərbçisi öldürülüb, bir neçə mühüm hərbi obyekt və hücum helikopterləri məhv edilib. SEPAH qisas əməliyyatının davam etdiyini bildirib.