İspaniya hakimiyyəti Seuta şəhərindəki miqrasiya böhranı fonunda əlavə olaraq 1 500 yer təmin edəcək dörd humanitar yardım mərkəzi yaradır. "Report" İspaniya mediasına istinadən xəbər verir ki, bu barədə ölkənin inteqrasiya, sosial təminat və miqrasiya məsələləri üzrə naziri Elma Saiz bildirib. Onun sözlərinə görə, qaçqınların qəbulu üçün üç müvəqqəti mərkəz hökumətin, biri isə muxtar icma hökumətinin tabeliyində olacaq.
Məntəqələr muxtar şəhər tərəfindən təqdim edilmiş dayanacaqda (Loma-Kolmenar), həmçinin dövlət mülkiyyətində olan üç sahədə: atçılıq-idman kompleksinin ərazisində, süvari kazarmasının keçmiş futbol meydançasının yerində və "Quano" (quş peyininin yığıldığı ərazi) ərazisində yerləşdiriləcək. Həmçinin bildirilib ki, İspaniyanın Baş naziri Pedro Sançes Seutadakı mövcud vəziyyətlə bağlı videokonfrans rejimində koordinasiya müşavirəsi keçirib və bu müşavirədə onun kabinetinin bir neçə naziri iştirak edib. Bu, iyulun 30-u və 31-də 80 min miqrantın Seutaya gəlməsinin səbəb olduğu miqrasiya böhranından sonra Sançesin keçirdiyi sayca ikinci onlayn iclasdır.
Extract — continue reading at the source.
