Fransanın şərqində yerləşən Strasburq şəhərində artıq üç həftədir ki, yerli istintaq təcridxanasının üzərində dronların aktivliyi səbəbindən tibbi helikopterlər gecə saatlarında xəstə və yaralıları birbaşa böyük xəstəxanaya çatdıra bilmir. "Report"un "France Presse" agentliyinə istinadən verdiyi məlumata görə, pilotsuz uçuş aparatlarından məhbuslara qanunsuz olaraq narkotik vasitələr, mobil telefonlar və silah çatdırmaq üçün istifadə edilir. Dronların aktivliyi səbəbindən təcili tibbi yardım və mülki təhlükəsizlik xidmətlərinin xəstəxanaya gecə uçuşları dayandırılıb.
Hazırda helikopterlər başqa aerodroma enir, bundan sonra xəstələr yerüstü nəqliyyat vasitələri ilə xəstəxanaya çatdırılır. Daha əvvəl "Figaro" qəzeti ölkənin şərqində beş nəfərin saxlanıldığını bildirmişdi. Həmin şəxslərin dronlardan istifadə edərək istintaq təcridxanasına narkotik vasitələrdən ibarət 1,8 mindən çox bağlama çatdırdıqları müəyyən edilib.
Extract — continue reading at the source.
