The Israeli army killed 4 commanders of the "Nukhba" special unit in Gaza

İsrail Müdafiə Ordusu Qəzza zolağında HƏMAS qruplaşmasının "Nuxba" bölməsinin bölük komandirini və üç taqım komandirini öldürüb. "Report" xəbər verir ki, bu barədə ordunun mətbuat xidməti məlumat yayıb. "Əl-Şati rayonuna endirilən zərbə zamanı İsrail ordusu HƏMAS təşkilatının hərbi qanadının Beyt-Lahiya taborundan dörd "Nuxba" komandirini məhv edib", - bəyanatda deyilir.

İsrail ordusunun məlumatına görə, öldürülmüş yaraqlılar arasında "Nuxba"nın bölük komandiri Məhəmməd Həmdi Əhməd Əl-Məsri, xüsusi təyinatlı bölmənin taqım komandirləri Samed Samir Hərb Əbu Həbəl, Məhəmməd Əttar və Məhəmməd Fəthi Hüseyn Naser var. Onlar İsrail hərbçilərinə qarşı terror aktlarının hazırlanmasına cavabdeh idilər.