ABŞ Prezidenti Donald Trampın amerikalılar arasında dəstək reytinqi 33 faizə düşüb. Bu, onun ikinci prezidentlik müddətinin əvvəlindən bəri qeydə alınan ən aşağı göstəricidir. "Report"un " " və "Ipsos"un keçirdiyi sorğunun nəticələrinə istinadən verdiyi məlumata görə, respondentlərin 33 faizi Trampın prezident kimi fəaliyyətini dəstəkləyir, 64 faizi isə onun fəaliyyətini bəyənmir.
Qalan respondentlər bu suala cavab verməkdə çətinlik çəkib. Bununla yanaşı, sorğuda iştirak edənlərin 80 faizi ABŞ və İran arasındakı münaqişənin uzun sürəcəyini düşünür. Respondentlərin daha 16 faizi isə münaqişənin bir neçə həftə ərzində başa çatacağını hesab edir.
" " və "Ipsos"un əvvəlki sorğularına əsasən, Trampın ikinci prezidentlik müddətində dəstək reytinqi 34 faizdən aşağı düşməyib. Bu göstərici 2026-cı ilin aprel və iyun aylarında qeydə alınıb. Trampın dəstək reytinqi ən yüksək səviyyəyə 2025-ci ilin yanvarında çatıb.
Həmin vaxt respondentlərin 47 faizi onun prezident kimi fəaliyyətini müsbət qiymətləndirib. Trampın ilk prezidentlik müddətində də reytinqi 33 faizə qədər enib. Bu göstərici 2017-ci ilin dekabrında qeydə alınıb.
Sorğu avqustun 14-dən 17-dək ABŞ-da yaşayan 1 166 yetkin respondent arasında keçirilib.
Extract — continue reading at the source.
