18-20 sentyabr 2026-cı il tarixlərində Bakıda I Türk Dünyası Bəstəkarları Qurultayı keçiriləcək. Modern.az xəbər verir ki, qurultay XVIII Üzeyir Hacıbəyli Beynəlxalq Musiqi Festivalı çərçivəsində Azərbaycanın Mədəniyyət Nazirliyi, Türk Mədəniyyəti və İrsi Fondu tərəfindən İSESCO-nun Bakı Regional Ofisi, Azərbaycan Bəstəkarlar İttifaqı və Azərbaycan Milli Konservatoriyasının birgə təşkilatçılığı ilə baş tutacaq.
Qurultay Birinci Türkoloji Qurultayının 100 illiyi, Nizami Gəncəvinin 885 illiyi və Əlişir Nəvainin 585 illiyi həsr olunub.
Türk Mədəniyyəti və İrsi Fondundan verilən məlumata görə, Azərbaycan, Qazaxıstan, Qırğızıstan, Türkiyə, Özbəkistan, Makarıstan və Türkmənistanın musiqi dünyasının tanınmış nümayəndələri iştirak edəcəklər.
Qurultayın zəngin proqramı müxtəlif görüşlər, elm müzakirələri və musiqi tədbirləri əhatə edəcək. Üç gün ərzində bir sıra klassik, beynəlxalq səviyyəli dəyirmi masa, tematik sərgilər, həmçinin simfonik, kamera və ənənəvi musiqi konsertləri keçiriləcək.
Qurultayın əsas nəticələrindən biri Türk dünyasının bəstəkarları, musiqişünasları, ifaçıları və aparıcı musiqi təşkilatlarının nümayəndələrinin bir araya gətirəcəyi Türk Dünyası Bəstəkarlar Birliyinin (TUC) yaradılması olacaq.
19 sentyabr tarixində Türk Mədəniyyəti və İrsi Fondunun baş qərargahında Türk Dünyası Bəstəkarlar Birliyinin ilk rəsmi iclası keçiriləcək. İclas çərçivəsində TUC-un yaradılması haqqında Bakı Bəyannaməsinin imzalanması, həmçinin yeni beynəlxalq peşəkar platformanın Nizamnamə layihəsinin müzakirəsi nəzərdə tutulur.
Xülasə — davamını mənbədə oxuyun.
