Rusiyanın Rostov vilayətinə həyata keçirilən hava hücumu nəticəsində üç nəfər ölüb, bir nəfər yaralanıb. APA yerli mediaya istinadən xəbər verir vilayətin qubernatoru Yuri Slyusaranın məlumatına görə, yaralı xəstəxanaya yerləşdirilib və ona zəruri tibbi yardım göstərilir. Slyusarın sözlərinə görə, hücumun dəf edilməsi zamanı hava hücumundan müdafiə qüvvələri üç şəhər və doqquz rayon üzərində 150-dən çox pilotsuz uçuş aparatı və raketi məhv edib.
Kamenşk şəhərində bir neçə binanın dam örtüyünə ziyan dəyib, çoxmənzilli yaşayış binasında və dəmir yolu vağzalında şüşələr sınıb. Kamensk rayonundakı Staraya Stanitsa yaşayış məntəqəsində quşçuluq müəssisəsi zədələnib və ərazidə yanğın baş verib. Bundan başqa, Kamensk meşə təsərrüfatında yanğın qeydə alınıb.
Donetsk şəhərində isə fərdi yaşayış evinə ziyan dəydiyi bildirilib. Onu da qeyd edək ki, Moskva vilayətinin Ramenski bələdiyyə dairəsinə PUA hücumu nəticəsində 83 yaşlı kişi həyatını itirib. Pilotsuz uçuş aparatı fərdi yaşayış evinin ərazisinə düşüb.
Bu barədə Moskva vilayətinin qubernatoru Andrey Vorobyov məlumat verib. Hadisənin nəticələri ilə bağlı araşdırmalar davam etdirilir.
Extract — continue reading at the source.
