ABŞ administrasiyası müttəfiqlərə və tərəfdaşlara silah, o cümlədən raket satışına qoyulan köhnəlmiş ixrac nəzarəti məhdudiyyətlərini nəzərdən keçirməyi və aradan qaldırmağı planlaşdırır. "Report"un məlumatına görə, bu barədə ABŞ-nin Ağ Evin dərc etdiyi yenilənmiş elm və texnologiya üzrə Milli Təhlükəsizlik Strategiyasında deyilir. Sənədə əsasən, Amerika hakimiyyəti ABŞ şirkətlərinin innovasiya, rəqabət qabiliyyəti, beynəlxalq tərəfdaşlıqları təmin etmək və qabaqcıl texnologiyaların tətbiqini genişləndirmək qabiliyyətinə arzuolunmaz maneələrin yaranmamasını təmin etmək üçün hərbi texnologiya sektorunda köhnəlmiş nəzarət tədbirlərini aradan qaldırmaq və ya sadələşdirmək niyyətindədir.
Strategiyada vurğulanır ki, müvafiq mexanizmləri qoruyarkən yaxın müttəfiqlərin və tərəfdaşların genişləndirilmiş töhfələrini təmin etmək üçün raket texnologiyalarına nəzarət rejimi çərçivəsində milli siyasətlərə əlavə düzəlişlər etmək lazım ola bilər. Müvafiq qurumlar səylərini əlaqələndirməli, kollektiv müdafiənin təmin edilməsində müttəfiqlərin və tərəfdaşların iştirakı üçün daha əlverişli şərait yaratmaq üçün ixrac nəzarəti rejimlərini, xüsusən silah köçürmələrini tənzimləyənləri gücləndirmək və təkmilləşdirmək yollarını tapmalıdırlar.
Extract — continue reading at the source.
