Vətən Müharibəsi Qəhrəmanı şəhid Nudirəliyev Zaur İsmayıl oğlunun xatirəsinə həsr edilən anım mərasimi keçirilib.
Bu barədə APA-ya Müdafiə Nazirliyindən məlumat verilib.
Bildirilib ki, Müdafiə Nazirliyinin əməkdaşları, ictimai nümayəndələri, şəhidin ailə üzvləri və döyüş yoldaşları şəhidin məzarını ziyarət ediblər.
Tədbirdə Ulu Öndər Heydər Əliyevin, eləcə də Vətən uğrunda şəhid olanların xatirəsi bir dəqiqəlik sükutla yad edilib. Azərbaycan Respublikasının Dövlət Himni ifa edilib.
Çıxış edənlər Müzəffər Əli Baş Komandanın rəhbərliyi ilə Azərbaycan Ordusunun Vətən müharibəsində qazandığı tarixi qələbədən, eləcə də digər uğurlu döyüş əməliyyatlarında igid oğullarımızın göstərdikləri qəhrəmanlıq və şücaət nümunələrindən danışıblar.
Vətən Müharibəsi Qəhrəmanının ailə üzvləri və yaxınları onlara göstərilən diqqət və qayğıya, eləcə də də şəhidlərimizin xatirəsinin hər zaman tutulduğu üçün Azərbaycan Respublikasının Prezidenti, Silahlı Qüvvələrin Əli Baş Komandanı İlham Əliyev və Birinci vitse-prezidenti Mehriban xanım Əliyevaya, həmçinin Müdafiə Nazirliyinin rəhbərliyinə minnətdarlıqlarını bildiriblər.
Xülasə — davamını mənbədə oxuyun.
