Azərbaycan Dövlət YUĞ Teatrında yeni teatr mövsümünün ilk iclası baş tutub. Kulis.az xəbər verir ki, teatr kollektivinin iştirak etdiyi görüşdə direktor Əməkdar mədəniyyət işçisi İslam Həsənov yeni mövsümdə teatrın fəaliyyəti haqqında planlardan danışıb.
Belə ki, yeni teatr mövsümü çərçivəsində V.Şekspirin Otello (quruluşçu rejissor Günay Səttar), Ç.Aytmatovun Cəmilə (quruluşçu rejissor Həmzə Honov) əsərləri əsasında və Kitabi-Dədə Qorqud dastanının Duxa Qoca oğlu Dəli Domrul və Qanlı Qoca oğlu Qanturalı oğlanları əsasında tamaşalar hazırlanacaq.
İclas zamanı YUĞ Teatrının mövsüm çərçivəsində beynəlxalq teatr festivallarında və xarici qastrol səfərlərində iştirak edəcək qeyd olunub.
Önümüzdəki aylarda teatrın Mən-Dədə Qorqud: Epizod 1. Başlanğıc tamaşası ilə Türkmənistan və Qazaxıstanda keçiriləcək beynəlxalq teatr festivalında, Elçilik tamaşası ilə isə Özbəkistan qastrol səfərində gözlənilir. Qeyd edək ki, YUĞ Teatrı yeni mövsümü 30 sentyabr tarixində Xalq yazıçısı Anarın hekayəsinin motivləri əsasında rejissor Əbdülqəni Əliyevin quruluşunda hazırlanmış Asılqan tamaşası ilə açacaq.
Səhnə əsərində aktyorlar Elşən Əsgərov və Nigar Mürsəlova çıxış edir. Tamaşanın quruluşçu rəssamı Əfşan Əsədova, rejissor köməkçisi isə Məryəm Qələndərovadır.
Xülasə — davamını mənbədə oxuyun.
