Azərbaycan və Ukraynanı birləşdirən əsas elementlərdən biri ərazi bütövlüyü prinsipinə sədaqətdir. Bunu Azərbaycanda səfərdə olan Ukraynanın sabiq prezidenti Viktor Yuşşenko “Vesti.az”-a açıqlamasında deyib. Yuşşenkonun sözlərinə görə, dövlətin ərazi bütövlüyünün toxunulmazlığı müasir beynəlxalq təhlükəsizlik sisteminin əsasını təşkil edir, bu, beynəlxalq təhlükəsizlik konsepsiyasının bir nömrəli bəndidir.
Qalan hər şey diplomatiya yolu ilə həll oluna bilər”, - Ukraynanın sabiq Prezidenti vurğulayıb. O bildirib ki, Azərbaycan və Ukraynanın təcrübəsi sadəcə iki ölkə üçün yox, həm də beynəlxalq ictimaiyyət üçün vacibdir. Belə ki, bu, İkinci Dünya müharibəsindən sonra sərhədlərin toxunulmazlığı prinsipinə əməl olunması məsələsidir.
Dərs ondan ibarətdir ki, İkinci Dünya müharibəsindən sonra yaranan sərhədlər toxunulmazdır. Bu, müasir təhlükəsizliyin tarixidir. Azərbaycanda bu məsələ həll olunub, Ukraynada isə son mərhələlərdədir”, - Yuşşenko vurğulayıb.
Ukraynanın sabiq Prezidentinin fikrincə, 2008-ci ildə keçirilən NATO sammitində hazırkı müharibənin qarşısı alına bilərdi. Bu, Putinin ən çox istədiyi şey idi - bizim Qərb dünyası tərəfindən inkar edilməyimiz”, - Yuşşenko deyib. Yuşşenko Gürcüstanda 2008-ci ildə baş verən müharibəni də bununla əlaqələndirib.
Sabiq prezident Gürcüstan və Ukraynanın NATO üzvü kimi qəbul edilməməsini ciddi siyasi səhv adlandırıb.
Extract — continue reading at the source.
