Əməkdar incəsənət xadimi, musiqişünas Zemfira Qafarova APA-nın “Əsrin yaşıdı” layihəsində Dosye: 1942-ci ildə Bakı şəhərində xalq rəssamları Həsən Haqverdiyev və Güllü Mustafayevanın ailəsində doğulub. Azərbaycan Dövlət Konservatoriyasını bitirib, Bakı Musiqi Akademiyasının musiqi tarixi kafedrasının aparıcı müəllimi, professorudur. Üzeyir Hacıbəyovun "Koroğlu" operası üzrə tədqiqat işi və sonradan onun əsasında hazırlanan "Koroğlu" dərs vəsaiti Azərbaycan milli musiqisinin təbliğinə qulluq edib.
Əzəmətli villaların arasında nimdaş bir bağ evi. Buraların modern görkəminə uyğun gəlməyən qədimi darvazanın qabağında Zemfira xanım məni gözləyir. Görüşüb bağa keçirik, güclü külək əsir, deyəsən, Giləvardır, bəlkə də Xəzri, dəqiq deyə bilmirəm.
Zemfira xanım qoluma girib, həyəti gəzə-gəzə müsahibə üçün həm külək tutmayan, həm də koloritli yer axtarırıq, ancaq danışa-danışa bir də görürük ki, küləyə məhəl qoymayıb söhbətə başlamışıq. Uzunsov, dar həyətin ortasında köhnə daxma. Göstərib soruşuram: - Mənim xoşuma gəlir, təzə villalardansa, bu cür ənənəvi Abşeron bağlarını sevirəm: Qum, əncir, zeytun ağacları, ağ şanı, qara şanı, bir də xudmani daxma.
Amma orası da var ki, bu qədər villanın içində tək qalmısınız. Buranı nə vaxt almısınız ki? - 47-ci ildən... Yoldaşım rəhmətə getdi...
Türkiyədə günləri sayırdıq ki, haçan bağa gələcəyik - Çoxdan. İki oğlum da rəhmətə gedib, tək qalmışam. İndi mənim heç nəyə həvəsim qalmayıb...
Müsahibəyə də. - Onda torpağın xeyli hissəsini satmısınız, sizə də bu balaca yer qalıb? - Yox, mən satmamışam, yoldaşım satıb, bağ böyük idi, satsam buranı sataram... Mənim bir oğlumun övladları olmadı, böyük oğlumun... Kiçik oğlumun iki evlilikdən dörd uşağı var.
Extract — continue reading at the source.
