Zimbabve hökuməti avqustun 11-də Kariba su anbarında baş verən bərə qəzasının səbəbini araşdırmağa başlayıb. "Report"un ZBC telekanalına istinadən məlumatına görə, bu barədə nəqliyyat və infrastrukturun inkişafı naziri Feliks Mhona açıqlama verib. Öz növbəsində Qərbi Maşonalandın əyalət məsələləri üzrə dövlət naziri Marian Çombo batmış bərədəki sərnişinlərin qohumlarını onların taleyi barədə səlahiyyətli şəxslərə məlumat verməyə çağırıb.
Onun sözlərinə görə, gəmidə olan 67 nəfər xilas edilib. Kariba su anbarında axtarış-xilasetmə əməliyyatı davam edir. Bərədəki sərnişinlərin dəqiq sayı hələ rəsmən müəyyən edilməyib.
İlkin məlumatlara görə, sərnişinlərin sayı təxminən 160 nəfər olub, lakin sonrakı qiymətləndirmələrə görə, bu rəqəm 100-dən çoxdur. Qəza nəticəsində ölənlərin sayı 84 nəfərə çatıb.
Extract — continue reading at the source.
