kurçulava

123 0 0 0

4. nəsil yazar

entry: 123

0 post son 1 ildə

Son 1 il 2026 2025 2024 2023 2022 2021 2020 2019 2018 2017 2016 2015

çox

0 gün

ardıcıl post

rekord: 11 gün

gecə quşu

Yeni

Səviyyə 1

0 / 100 XP

19.5K

təxmini söz yazıb

0.3 kitaba bərabər

Statistika

Nailiyyətlər 7 / 14

İlk Addımlar

Yazıçı

Əjdaha Balası

Oxunan

Veteran

Əbədi

Abidə

Qələm Ustası

Əjdaha

Karma Yığıcı

Tanınmış

Vikipedist

Bestseller

Həftəlik Seri

blok başlıqlarını gizlət postları gizlət
bütün zamanlarda yazdığı ən əjdaha entrylər:

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

xoşladığın qızın öncədən sekslə məşğul olmasını öyrənmək

+69 əjdaha

icazənizlə yaxşı kin qusmaq istədiyim başlıqdır. indidən spoiler verib deyim ki, əsəbisinizsə, dünya sizə dar gəlirsə, beyniniz çönürsə bu entryni oxumadan keçə bilər, rahatlıqla umbaylaya bilərsiniz. necə ki, mən yuxarıda yazılan entrylərin 70 faizini umbaylamışam. qorxmayın, rahat olun. indi isə getdik.

hər hansısa təsadüf nəticəsində azərbaycanda doğulan və doğulandan sonra ona aşılanan dəyərlərə ikiəlli yapışanlar varlıqlar, siz yuxarıda qeyd etmisiniz ki, bunu qəbul edənlər şərəfsizdir, nədir və s. yaxşı, mən sizinlə razı. bunu qəbul edənlər şərəfsizdir, dünyanın ən yaxşı yaşam səviyyəsinə malik ölkələrin insanları şərəfsizdir, afrikalılar, piqmeylər, eskimoslar, burkino fasolular, ümumiyyətlə sikimsonik islam mədəniyyəti xaricində qalan bütün insanlar şərəfsizdir, çünki onlar bunu qəbul edirlər. lap gözəl, lap əla. sizlər, içinizə soxanlar, ikiüzlülük edənlər, yaxınınız xəstəxanaya düşəndə əlacsızlıqdan kredit götürənlər, aldığı pensiya ilə dərman almağa pulu çatmayan yaşlıların nəvələri olan sizlər, pulları havaya sovrulan ölkənin insanları sizlər, rüşvətxorluğun hər tərəfdə tüğyan edən ölkənin vətəndaşları sizlər şərəflisiniz? nə vaxta qədər dəvəquşu kimi başınızı quma soxub götünüzü bayırda qoyacaqsınız? hər şeyə göz yumursunuz, içinizə soxunursunuz, cəmiyyətdə hər cürə oğraşlığın ayaq açmasına səsinizi çıxarmırsınız, amma kiminsə intim, bax burasına diqqət edin, intim deyirəm ha, yəni sizə girib-çıxanı olmayan mövzu haqqında insanları mühakimə edirsiniz? bəlkə gendən genə ötürülən şamtutanlıq fəlsəfəsini kənara qoyub, həyatda daha doğru-düzgün işlərlə məşğul olmağa başlayasınız? pis olmaz? hələlik, gələn görüşlərədək.

(baxma: açacağın başlığı sikim )

66 əjdaha! 12.08.2015 04:33, kurçulava

#177876 şikayət

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

acı uşaqlıq xatirələri

+21 əjdaha

həmişə bu başlığı görüb yan keçirdim, axır bugün, necə deyərlər özümdə qüvvə tapıb bu haqda yazmağı qərarlaşdırdım. əslində, bir xeyli belə xatirələr var, amma bu nədənsə ağlıma ilişib qalıb və məhz, bunu danışmaq istəyirəm. elə isə getdik.

balacayam, hardasa 10-11 yaşım olar, ya yox. soyuq qış günlərindən biridi, ayın tarixi 31 dekabrı göstərir. evdə atam yoxdu. yemək bişirmək lazımdı, amma qaz gəlmir. lənət sənə kor şeytan, tərslikdən propan balonda da qaz qutarıb və bunu doldurmağa aparmaq lazımdı. əlbəttə, məndən başqa kimsə gedə bilməyəcəyinə görə mən getməliyəm. propan doldurmaq üçün məntəqə uzaqdadı, avtobusla getmək lazımdı. propan dolu olanda güclə daşıyıram, yüngül olanda isə elə zənn edirəm ki, məndən daha güclüsü yoxdu. nəysə, evdən çıxdım, getdim düşdüm qazdoldurma məntəqəsinin qabağında. yağış da yağıb, bakını da özünüz bilirsiniz də, hər tərəf palçıqdı. güclə-bəlayla 4 cərgəlik yolu qorxa-qorxa keçmişəm. görürəm xeyli adam durub, mən də keçdim dayandım sırada. gözlə ki gözləyəsən, yağış da gah yağır, gah dayanır. yer bütün sudur, ayaqlarım islanmağa başlayıb, soyuq yavaş-yavaş iliyimə işləyir. insanların sırası isə azalmır, elə bil təkcə qazdoldurma məntəqəsində həmrəylik günü keçirdirik. yarım saat qırx dəqiqədən sonra 10 nəfər qalmışdı qabağımda, reski bir ortayaşlı kişi başladı mənimlə danışmağa. mən də başa düşmürəm bu nə danışır, qulaq asmıram. sonra üzümü çevirdim, sən demə kişi mənə deyirmiş ki, sən nə vaxtdan burdasan? sırasız gəlib girmisən. mən də gözlərimi zilləmişəm, heçnə başa düşmürəm. kişi deyir ki, gəlib dayananda demək lazımdır ki, axırıncı kimdirsə ondan sonra mənəm. mən indi bilmirəm nə edim, bu qədər vaxt gözləmişəm. axırda başqa bir kişi bu birinə dedi ki, uşaqdı da, bilməyib, bayaqdan gözləyir. yaxşı sıyrıldım, biraz daha gözlədikdən sonra doldurub ordan uzaqlaşdım. yolda gələn avtobuslar da balacayam, pul vermirəm deyə saxlamır. oturub dua edirəm ki, kimsə də gəlib məniynən dayansın, o əl eləsin, mən minim. yenə 30-40 dəqiqədən avtobusun biri saxladı. nəyi var islanmışdım, ayaqlarım yaş idi, lakin avtobusdan düşüb evə gedəndə özümü böyük bir qələbə qazanmış sərkərdə kimi hiss edirdim. o vaxtdan bəri həmişə hardasa gözləyirəmsə, kişinin dediyi sözləri deyirəm. tanımadığım digər kişi olmasaydı mən nə vaxta qədər gözləməli olardım bir allah bilir. həmin yeni il axşamı mənim yaşadığım ən kədərli və stressli axşamlardan biri oldu. amma nəhayət evdə yemək bişəndə özümü yaxşı hiss etdim və duyduğum kədər, əzginlik bir balaca da olsa azaldı.

21 əjdaha! 13.08.2015 00:25, kurçulava

#177922 şikayət

sözaltı sözlük e-kitab arxivi

+17 əjdaha

keçən səfər bir yoldaşın rt etməsiylə qarşılaşdığım möhtəşəm arxiv link

10 əjdaha! 02.06.2015 00:58, kurçulava

#168286 şikayət

bakı 2015 avropa oyunları könüllüləri

+17 əjdaha

19-20 yaşlarından köləliyin dibinə vurmuş insanlardır. məsələn, mən başqa ölkədə olan sevə-sevə gedib dünya ya da avropa çempionatında könüllü işləyərəm, çünki həm təcrübə yığaram, həm başqa yerləri görərəm, amma heç vaxt öz ölkəmdə bunu etmərəm. səbəb çox bəsitdir, sənin böyüklərinin 150-160 manat təqaüd aldığı ölkədə harana yaraşır pulsuz işləmək? guya bunların pulu yoxdu? amma yox, sistemli şəkildə yetişdirilmiş qoyunlar üçün bu fəxrdi. avropa oyunlarına görə nə qədər tələbə stipendiyanı gec alır, bunlardan elə biri sən özünsən, rayondan atan-anan səninçün ona görə pul göndərir ki, sən gəlib burda pulsuz kiminçünsə döydürəsən. yox, yox, əlbəttə, bu sənin azad seçimindi, cvində yazılacaq, sənə güzəştlər olacaq, əgər pul tapıb ingilis dili kursuba gesə bilsən, sənin haqqın olan dövlət proqramından sənə minnət qoyaraq pay ayıracaqlar, imtahandan keçəcəksən. diqqət et, gözəl insan, boynundan taxdığın vəsiqənin zəncirlərdən çox da fərqi yoxdu.

16 əjdaha! 06.06.2015 22:17, kurçulava

#169359 şikayət

gün keçdi

+20 əjdaha

arif babayevin rejissor işi, anarın gürcü familyası əsəri əsasında ssenarisi yazılmış, emin sabitoğlu bəstələriylə azərbaycan kinematoqrafiya tarixini düşmüş filmdir. baş rollarını həsən məmmədov və leyla şıxlinskaya oynamışlardır. film boyu flora kərimova ifasında eşitdiyimiz "bir axşam taksidən" mahnısının sözləri vaqif səmədoğlu na aiddir. filmi xarakterizə etmək üçün yol filmidir desək yeridir. burda biz yolu iki cür görürük: 1) bakının müxtəlif yerlərini gəzmələri və bakı panoraması 2) fonda olan bakının müşaiyəti ilə keçmişə olan səyahət.

--spoiler--

baş qəhrəmanlar keçmişdə bir yerdə oxumuş, bir-birlərini sevmiş,amma bəxtsizlikdənmi, ya da taleyin oyunundanmı deyək, yolları ayrılmış iki şəxsdir. illər sonra qadın (əsmər) bakıya qayıdır və onlar yenə görüşürlər. gəzdikcə onların indiki və keçmişdəki vəziyyətin görürük. məlum olur ki, qadının uşaqları, xoşbəxt ailəsi var, amma xoşbəxtlik üçün bəzən bunlar bəs etmir, nəsə əskikdir. kişi (oqtay) isə işi olan, amma evlənməyən, evlilikdən və bağlanmaqdan uzaq duran, uğurlu, ancaq xoşbəxt olmayan biridir. biz qadın və kişinin gəncliklərində dostluq və sevgi münasibətlərini görürük və hər şeyi kişinin susmağı pozubmuş. birlikdə kino izləyirlər və film ikinci dünya müharibəsi zamanı yapon kamikadzeləri haqqında olur. qadının diqqətini cəlb edir bu mövzu, sonra isə şəhəri tərk edərkən kişi yenə getmə deyə bilmir, axı ola bilməz ki, sənin ad günün üçün təyyarəylə gələn qadın sənə əhəmiyyət verməsin, getmə, qal desən, yanında qalmasın. bəli, kişi yenə gücsüzlük edir. sonra məlum olur ki, kişinin doğum günü sabahmış, qadın bir gün daha tez gəlibmiş, bunun səbəbi isə həyatının dönüş nöqtələrindən olan məzuniyyət günüylə eyni vaxtda olmasıdır. filmin sonunda qapını döyürlər, qapı döyülür və kişi açır. qonşu qız, ya da poçtalyon qız, axır hər kimdisə deyir ki, sizə gürcü familyasından teleqram var. qadın teleqramda deyir ki, ad gününü təbrik edirəm, səni çox sevirəm, imzada isə kamikadze yazmışdır. burda qadının təyyarəylə tərk etməsi, bu tərk edişin isə qadınçun ölümə bərabər olduğunu, kişinin necə aciz və axmaq hərəkət etdiyini göstərir, həm kişiyə, həm də izləyiciyə yaxşı şillə vurur.

--spoiler--
izləyin, izlətdirin.

19 əjdaha! 17.08.2015 01:44, kurçulava

#178269 şikayət

gözəl qızlar

+18 əjdaha

universitetin həyətində olan skameykada oturub yanda oturan qadına baxıram, daha doğrusu kitab oxuyuram, hərdən nə etdiyinə göz yetirirəm. diqqət etdikcə gözəlliyi bütün bədənimə hakim kəsilir, hər zaman gülümsəyən adam olan mən istər-istəməz ciddiləşirəm, çox ciddi mimikalarla baxıram, sonra yenidən kitaba qayıdıram. göz-gözə gəlirik, ciddiliyimdən narahat olduğunu anlayıram, amma gülə, ən azından gülümsəyə bilmirəm. bütün gözəlliyi, saçları, eynəyi, əlləri məni heyrətləndirir, bu varlığın nə düşündüyünü, hansı maraqları olduğunu, nəyi sevib-sevmədiyini, hansı havalarda sevinib, hansında özünü pis hiss etdiyini, necə bir uşaqlıq keçirdiyini öyrənmək istəyirəm, heç kim yoxdu aramızda, həm də sanki bütün bəşər tarixi də aramızdadı və mən bunu heç vaxt aşa bilməyəcəm. yenidən başımı aşağı salıb kitabımı oxumağa davam edirəm, o qarşımdan keçərək çıxıb gedir, utandığımdan heç başımı qaldırıb baxa bilmirəm. o nə ilk idi, nə də sondu, ancaq gülmək lazımdı, gülmək, bu təcrübəmdən bunu öyrənmiş oluram. yaxşı ki varlar və yaxşı ki tanrı belə möcüzələri yaradır.
not: gözəllik insandan insana dəyişən bir şeydi, yuxarıda sözükeçən qadın bəlkə də hazırda dəbdə olan gözəllik kriteriyalarına görə heç də gözəl deyil, amma bunlar boş şeydi. bir çox yerdə bizə itələnən gözəllik anlayışını lazım gələndə rədd etmək lazımdı, çünki şair demişkən, mən sevdim və sən indi dünyanın ən gözəlisən.

17 əjdaha! 18.10.2015 05:33, kurçulava

#184077 şikayət

gözəl qız və çirkin oğlan münasibəti

+13 əjdaha

bu çox məşhur bir hadisədir, illərlə feysbukun statuslarında aparılan sorğularla dərinliyinə enilmişdir, yenidən bu söhbətlərə edib başağrısı vermək istəmirəm, toxunacağım nöqtə başqadır.

münasibətdə olduğum insanlara qarşı çalışıram həmişə səmimi olum, amma onların mənə qarşı qeyri-səmimi davranışları, sözləri məni tam özümdən çıxarırdı. pis-yaxşı münasibətlərim oımuşdu, amma bir gün elə bir gözəllik sahibiylə münasibətə başladım ki, özünü artıq bu gözəlliyim altında əzilmiş kimi hiss edirdim. heç cürə anlaya bilmirdim ki, belə gözəl biri necə mənimlə münasibət qurub və davam edir. yox, başa düşürəm, adam düşüncəli, başa düşən, qayğıkeş, nə bilim bütün cəhətləri özündə cəmləyə bilər, amma bu fiziki olaraq qarşılıq tapmadığında istər-istəməz təəccüblənir. qarşı tərəfdən soruşduqda deyirdi ki, yox, sən özünü düzgün qiymətləndirmirsən, düşündüyün kimi deyil və s. bu sözləri mənə o qədər təlqin etdi ki, o vaxtdan bəri eqom aşağılara doğru enmir, qətiyyən çirkinlik barəsində düşünmürəm.

həmin qadına isə burdan demək istəyirən ki, adam bu qədər gözəl olmaz axı, indisə kimisə bəyənməkdə əziyyət çəkirəm.

12 əjdaha! 12.08.2015 19:09, kurçulava

#177905 şikayət

rus ədəbiyyatı

+12 əjdaha

bu ədəbiyyatın nümunələrini oxumaqla istənilən kəs özünə dünya ədəbiyyatına hakiməm deyə bilər. əlbəttə, biraz şişirdilmiş şəkildə dedim, amma bu həqiqətdir. istər nəsri, istər şeiri mükəmməldir. nə dərəcədə təsirli olduğuna dair balaca bir nüans: 20-ci əsr fransız dahilərindən olan albert camus və jean paul sartre öz ekzistenzialist fəlsəfəsini dostoyevski yaradıcılığından bəhrələnərək inkişaf etdiriblər. ümumiyyətlə, bir xeyli örnək vermək olar, amma deyəcəyim bu deyil. işin gözəl tərəfi bilirsiniz nədi? ya siz doğulduqdan sonra mühit elə olur ki, rus dilini bilirsiniz, ya da bilməsəniz də kitabxanada hardasa bütün məşhur rus yazarlarının tərcüməsini tapa bilirsiniz. hansı yazarları hansı dildə oxuyursunuzsa oxuyun, amma rusca bilmirsinizsə rus ədəbiyyatı əsərlərini mütləq azərbaycanca oxuyun. əsərlərin dili, ən çox da klassik əsərlərin dili elə zərif və incədir ki, istər-istəməz rus aristokratiyasının havasını duyursan.

10 əjdaha! 08.08.2015 01:56, kurçulava

#177426 şikayət

sergey bodrov

+11 əjdaha

1971-ci ildə doğulmuş, 2002-ci ildə faciəvi şəkildə vəfat etmiş aktyor, rejissor, incəsənət tarixçisi. rol aldığı ən məşhur filmlər brat və brat 2 filmləridir. bu filmlərdə səhnələdiyi rolla insanların hafizələrində özünə əbədi və xoş bir yer etmiş, unudulmaz performans sərgiləmişdir. debütü atasının çəkdiyi qafqaz əsiri filmiylə olmuşdur. moskva universitetinin incəsənət tarixi məzunudur.

--sitat--

incəsənət tarixi məzunu olmaq sizə nə qazandırmışdır? sualına, "siz bir şəhər getdiyiniz zaman o şəhərdə harda nə olduğunu, meydanları filan bilərsiniz, mən isə o şəhərdə olan muzeydə bütün gün boyu qarşısında duraraq vaxt keçirdə biləcəyim əsərin olduğunu bilirəm. həmin gün həyata dair bir gündür" demişdir.

--sitat--

rejissor olaraq isə ilk filmi "brat" seriyasının adəta davamı olaraq çəkdiyi syostrı filmidir. filmdə istifadə etdiyi viktor tsoi musiqiləri dahi tsoiya olan hörmət və pərəstişindən xəbər verir.

ölümü ikinci filmini çəkdiyi zaman qar uçqunu altında qalaraq gerçəkləşmişdir. meyiti tapılmamışdır. yaraşıqlı və xarizmatik bodrov əbədi olaraq "qafqaz əsiri"dir və onu qurtaracaq heç kim və heç nə yoxdur. təəssüf.

10 əjdaha! 11.08.2015 19:20, kurçulava

#177803 şikayət

otel otağı

+11 əjdaha

rasim ocaqov un anar ın ssenarisi əsasında çəkdiyi daha bir şedevr film. elə film başladığı zaman eşitdiyin tomaso albinoninin adagiosu sanki səni qarşıda çox çətin dəqiqələrin gözlədiyindən xəbər verir və film boyu davam edir. film indiyə qədər izlədiyim ən kədərli azərbaycan filmlərindən biridir, çox ağır havası var. klassik zaman anlayışı hakim olan filmlərdən deyil, tez-tez flashbacklər olur, lokomotiv rolunu oynayan təkrar səhnələr var. biz ta stalin dövründən müasir zamana qədər öz idealları üçün savaşan, elmin və savadın həqiqliyinə güvənən, insanlara yalnız yaxşılıq etməyin vacib olduğunu, ikiüzlülüyə və riyakarlığa qarşı üz döndərən azərbaycan ziyalısını görürük, amma o da bütün yaxşılıqlar kimi məğlubiyyətə uğrayır. qəhrəman heç cür bütün bunların insanların necə edə biləcəyinə, necə bu qədər tez sifət dəyişdirdiyinə, əliəyrilik etdiyinə inana bilmir, bu ona ağır gəlir. belə adamlar cəmiyyətdə hər zaman tənqid olunublar ki, bəlkə düz yola gəlsinlər, lakin heç bir xeyri olmayıb, əksinə indi ətrafımızda baxdığımız zaman vəziyyətin daha da pisləşdiyini görürük. bəlkə, problem fərdlərdə yox, məhz sistemin işləməsindədir? insanın dərin mənəvi iztirablarından və keçirdiyi sarsıntılardan, ələlxüsus keçid dövrü insanının nələr etdiyindən, qarabağ problemindən və s. genişmiqyaslı mövzulara toxunmuş filmdir. izləyin, izlətdirin.

--spoiler--

--spoiler--
o bəyazlar içindəki adamın israrlarına qulaq asmamaq, sonda hər şeyi anlamaq, lakin gec olduğunu dərk etmək, ifasını davam etdirən atanın qızı və susmayan, illər boyu da susmayacaq adagio.
--spoiler--

--spoiler--

necip fazıl kısakürekin bu misralarıyla entrymi sonlandırsam yeridir:

ağlayın, âşinasız, sessiz, can verenlere,
otel odalarında, otel odalarında!...

8 əjdaha! 10.08.2015 02:11, kurçulava

#177666 şikayət

jesse pinkman

+9 əjdaha

breaking bad serialında ən sevdiyim personaj. mükəmməl aktyorluq, mükəmməl səsləndirmə, məşhur bitch və s. walter whitedan fərqli olaraq pul və hakimiyyət onu dəyişdirmir, onu dəyişdirən təkcə ünsür bəzən qurşandığı narkotik olur ki, sağlam düşünməməsinə səbəb də budur. hərəkətləriylə, insanlara qarşı davranışı və vəfası ilə könülləri fəth etmişdir.

--spoiler--

ikinci sezonda qızla münasibət zamanı gözümdən düşmüşdür, yekə kişisən, ala, bir duduşuva yiyə dura bilmirsən kimi reaksiyalara səbəb olmuşdur və yalnız 3. sezonun sonlarında yenə yüksəlməyə başlamışdır. ayrıca qız öldükdən sonra durmadan qızın evinə zəng etməsi avtomatik cavabda qızın səsini dinləməsini, bu hərəkəti dəfələrlə etməsi mənə qaranlıq qalmışdır. beş altı dəfə təkrarladıqdan sonra sevgini bu qədər dərin və incə işləyən rejissor və ssenari heyətinə rəğbətim artdı. ayrıca maşının küllüyündə qızın çəkdiyi siqaret qalması və üzərindəki pomada izi məni məndən almışdır.

--spoiler--

jesse hər nə qədər pis davranışlar etsə də, sonradan bunu özünə etiraf etməsi və çəkdiyi həqiqi iztirabla özünü bağışlatdırmışdır.
ayrıca:
(baxma: soxum walter white'ın ağzına )

8 əjdaha! 12.08.2015 17:17, kurçulava

#177896 şikayət

brat

+8 əjdaha

1997-ci ildə aleksey balabanov un rejissorluğu ilə çəkilən rusiyanın müstəqillikdən sonra ortaya qoyduğu ilk kult filmi. baş rollarda sergey bodrov və viktor suxorukov oynayır, film boyu ifa olunan mahnılarn əksəriyyəti rus rok qrupu nautilus pompilius tərəfindən ifa olunur. sırf musiqiləri dəfələrlə dinlənəcək qədər gözəldir. bodrov bu filmdəki performansıyla əfsanələşmişdir. film kriminal janrındadır, post-sovet rusiyasında mafioz münasibətlər və insanların yaşadığı müxtəlif çətinlikləri göstərir.

--spoiler--

sergey bodrovun canlandırdığı danila baqrov obrazı əsgərlikdən gəlmiş, əsgərlik xatirələrindən sanki qaçan biridir, çünki o əsgərlik suallarını yola verir, nədənsə tam cavablamır, guya o təkcə yazı işi ilə məşğul olubmuş, daha sonra biz onun silahla davranışın gördükdə heç də belə olmadığını anlayırıq. evə gəldikdə anası ona deyir ki, get qardaşının yanına, sən də atana oxşayıb fərsiz olmusan deyir. brat 2 filmində digər qardaşa təxminən eyni sözü deyir qadın və biz rus qadının heç cür razı qalmadığını görürük, bu məni xeyli güldürmüşdür. qardaşının yanına gedən danila burda mafiyayla üz-üzə gəlməli olur, çünki qardaşı ondan bunu xahiş etmişdir. filmdə alman küçə ticarətçəsiylə köhnə kilsənin həyətinə getməsi və aldığı çörəyi bölməsi, daha sonra isə hamının əlində vodkayla duruşu bizə balabanovun "isa məsih də belə edərdi" dediyini göstərir. filmdə peterburqun atmosferi çox gözəl yansıdılmışdır, danilanın digərləriylə olab münasibəti, bəzən saflığı adamı güldürür. fahişə qızın prezervativ istəməsi, qardaşı ilə alman haqqında söhbəti və s. çox da süjeti açıqlamaq istəmirəm, son olaraq pul qazandıqdan sonra almana, sevdiyi qadına, fahişə qıza pul təklif etməsi və yalnızca bunlardan mcdonaldsda yemək yeyən fahişə qızın laqeydcəsinə və sevinərək qəbul etməsi soxulmuş mükəmməl pazdır.

--spoiler--
izləyin, izlətdirin.

ayrıca (baxma: brat 2)

8 əjdaha! 12.08.2015 22:52, kurçulava

#177915 şikayət

ata fiqurası olaraq timidusu görmək

+7 əjdaha

(baxma: şahmat fiqurası olaraq şahı görürəm)

7 əjdaha! 13.08.2015 23:29, kurçulava

#178007 şikayət

yazarların fetişi

+8 əjdaha

bayaqdan başımı sındırıram ki, görüm mənim nə fetişim var. maddi heç bir fetişim olmadığına qərar verdim. mənim fetişim xatirələrdi. indiki zamandakı heç bir şey məni qane etmir. bir insanın əlləri, qulağı, burnu və s. yalnız xatirəyə çevriləndə fetişə çevrilir. hətta sevdiyim insanların sevdiyi əşyalar da mənim üçün fetişə çevrilə bilər. nə bilim, nəsə özümü yaxşı ifadə edə bilmərəm. arifə bir işarə də kifayətdi.

7 əjdaha! 15.08.2015 01:56, kurçulava

#178109 şikayət

siqareti tərgitmək

+7 əjdaha

şəhərə uzun müddət yağış yağmadığında, həyatın nisbətən yoluna düşdükdə, ətrafdakılarla anlaşmağa başladığında və artıq həyatının dəyərli olduğunu, bu siqaretə xərclədiyini daha faydalı işlərə xərcləyə biləcəyini zənn etdikdə, bəzənsə sağlamlıq ucbatından atmağa məcbur olursan. elə ki, şəhərdə uzunmüddətli yağışlar başladısa, gecə erkən çökməyə başladısa, yenə öz yalnızlığına məhkum olunduğunu gördünsə, sağlamlığının da heç kimin, hətta özünün də vecinə olmadığını anladınsa, cibindəki pulun belə getməyə bir yeri yoxdursa, sən başını aşağı salıb yavaş addımlarla mağazaya gedər, ağlından keçən bir markanı deyib, özünü küçəyə atıb yağışlı və qaranlıq gecədə öz siqaretinlə qaranlığı aydınlatmağa çalışarsan. siqaret vərdişdir, ən pis vərdişimiz yaşamaq, ikincisi isə siqaretdi. hər ikisini də tərgitmək lazımdı.

6 əjdaha! 29.10.2015 18:30, kurçulava

#185290 şikayət

ata fiqurası olaraq timidusu görmək

+5 əjdaha

(baxma: yeni imperator olaraq aleksandrit lazer aparatın görürəm)

5 əjdaha! 13.08.2015 23:37, kurçulava

#178010 şikayət

cavid hüseynov

+5 əjdaha

rasim əliyevin öldürülməsində şübhəli bilinərək həbs olunan qəbələ futbol klubunun kapitanı. hə, daxili işlər nazirliyi açıqlamasında bildirib ki, prezidentə daimi məruzə olunur və vəziyyət nəzarət altındadı. indi bu xarabada hər şeyə "imenno" prezident baxmalıdır ki, kimisə həbs etsinlər? özümüzün sistemimiz normal işləməlidir, iki-üç il öncə araz abdullayev bir qadını vurmuşdu maşınla, sonra noldu? heçnə, qadın jurnalist deyildi, heç kimin diqqətini cəlb etmədi. nəysə. haqq-ədalət öz yerini tapacağına ümid edək.
(baxma: gelip bizi de dövmesinler, ali rza bey?)

5 əjdaha! 11.08.2015 17:42, kurçulava

#177797 şikayət

yaradıcı ağıllı gözəl insanların yalnız olması

+4 əjdaha

çox normal bir şeydir. yaradıcı insan özünü yazdığı, yaratdığı varlıqlar ilə təmin edə bilən, insanın nə qədər sevgiyə möhtac aciz varlıq olduğunu başa düşdüyü üçün bu ehtiyacı qırmağa çalışan, bir çox sevdiyini öz əlinin tərsiynən itələyən, çox zaman heç vaxt olmayacaq adama fikrini ilişdirən, ondan əl çəkməyən adamdı. ümumiyyətlə, bir insan cəmiyyətlə münasibətlərindən vazkeçib özünə qapa bilirsə, onun edə bilməyəcəyi şey yoxdu.

3 əjdaha! 31.05.2015 03:54, kurçulava

#167833 şikayət

rasim əliyev

+5 əjdaha

(youtube:

)

"Dünən futbolçu Cavid Hüseynovun qohumları tərəfindən döyüldüyünü iddia edən jurnalist Rasim Əiyev bu gün xəstəxanada dünyasını dəyişdi.
Avqustun 8-də reportyor Rasim Əliyev döyülüb. O, "Qəbələ" futbol klubunun oyunçusu Cavid Hüseynovun qohumları tərəfindən döyüldüyünü deyir. Nəticədə jurnalist 1 saylı Şəhər Kliniki Xəstəxanasına yerləşdirilib.
Rasim Əliyevin sözlərinə görə, Facebook səhifəsində yazdığı tənqidi statusundan sonra futbolçunun qohumları ona hədə-qorxu gəliblər. Bundan sonra Cavid Hüseynov zəng edib, amma mülayim danışıb və etdiyi hərəkətin səbəbini başa salıb. Amma qohumlarının hirsi soyumayıb: "Mənə zəng etdilər ki, bəs Cavidlə danışdıq, amma gəl görüşüb çay içək, razılaşdım. Bayılda görüşəndə düşdülər üstümə, 7-8 nəfər idi. Döyərkən telefonumu da sındırdılar. Hazırda xəstəxanadayam. Qabırğalarım sınıb və sol qulağım eşitmir"
Bu gün isə Rasim Əliyev dünyasını dəyişib."

yəni, görün vəziyyət gəlib haralara çıxıb, nə günlərə düşmüşük. ölmək və öldürmək necə basitləşib bizim üçün. getdikcə özümüzdən uzaqlaşırıq demək istərdim, amma nə vaxt yaxın olmuşuq ki?

5 əjdaha! 09.08.2015 13:21, kurçulava

#177575 şikayət

ludwig wittgenstein

+4 əjdaha

"ədəbi əsərlərin ortaq cəhətləri nələrdir" sualına cavab olaraq ailə bənzərliyi teoriyasını ortaya qoymuş filosofdur. teoriyanın əsas qayəsi budur ki, ailədə hamının bir-birinə konkret oxşarlığı olmasa da, bəzo xüsusiyyətlərdə bir-birlərinə bənzəyirlər. məsələn, ananın burnu qızında var, qızın qulağı isə qardaşın qulağına bənzəyir, qardaşın öz növbəsində üz cizgiləri atasına bənzəyir. bu mənada onların bir-birləriylə əlaqəsi birbaşa olmasa da, dolayısı ilə ədəbi mətinlər oxşardırlar. teoriya qəbul edilmiş və bir çox mövzuda tətbiq edilmişdir.

(baxma: terry eagleton - ədəbiyyat hadisəsi )

3 əjdaha! 02.06.2015 04:15, kurçulava

#168338 şikayət

xoşbəxtlik

+5 əjdaha

tam olaraq nə olduğunu hardasa izah etməyin mümkünsüz olduğu, şəxsə və situasiyaya görə dəyişən varlıqdır. telefonunuza gələn qısa bir mesaj da sizi xoşbəxt edə bilər, istədiyiniz adamla evlənəndə də xoşbəxt ola bilərsiniz, hətta avtobusda gedərkən balaca bir qızın ətrafına qarşı laqeydliklə ifa etdiyi mahnı da sizi xoşbəxt edə bilər. məsələ, xoşbəxt olmaqdan daha çox xoşbəxt olduğunun fərqinə varmaqdır, lakin təəssüf ki, çox zaman hadisələr xatirələrə çevrildiyində daha çox xoşbəxtlik hiss edirsən, çünki mahiyyət etibarı ilə gijdıllağıq, şadlığımıza şitlik edirik və ən xırda detallara ilişərək yaxalıdığımız o möhtəşəm sakitlik və xoşbəxtliyi öz əlimizlə məhv edirik. ümid edirik bundan sonra eyni səhvləri etmərik.

5 əjdaha! 11.08.2015 22:44, kurçulava

#177837 şikayət

nyu york trilogiyası

+3 əjdaha

paul austerin 1987-ci ildə çap edilmiş əsəridir ki, bura "şüşə şəhər", "qarabasmalar" və "qıfıllı otaq" romanları daxildir. janr etibarı ilə postmodern detektiv olan əsər, öyrəşdiyimiz detektiv əsərlərdən tamamilə fərqlənir. əsər postmodern tərzdəki romanlar arasında öz xüsusi çəkisiylə diqqət çəkir. mətnin üstqurmacası, əsərin müxtəlif yerlərində mətndaxili göndərmələr açıq-aşkar zövq mənbəyədir. romanlardakı xarakterlər sanki bir-biri ilə iç-içə keçmişdir və modern dünyanın xaotikliyi, şəxsiyyətin itirilməsi, nəyin gerçək, nəyin qurmaca olması məsələsini yenidən ələ alır və dəyərləndirir. müasir insanın texnologiyanın inkişafıyla birlikdə getdikcə dəyərsizləşməsi və dünyada öz yerini tapmaq cəhdləri bizi detektiv janrının axıcı ilə birləşdirib nyu york küçələrini gəzdirir. ilk romanda müəllif özü qarşımıza personaj kimi çıxır və baş qəhrəmanın pol osterlə (personaj olanı ilə) don kixot haqqında olan müzakirəsi insana ədəbi zövq verir. pol oster deyir ki, don kixot real şəxs olmuş ola bilər, çünki o mətni özü yazmış, sonra servantesə tərcümə edə bilərdi, axı o çox ağıllıydı.

siz bu əsəri oxusanız, siz də bu əsərin müəllifi ola bilərsiniz, çünki heç də don kixotdan az insan deyilsiniz, pol oster sizə müəllif şansı verəcəkdir, qatilin tapılması isə çətin məsələdir. bir-birini izləmək üçün tutulmuş iki adamın heç birinin xəbəri yoxdur ki, hər biri digərini izləmək üçün tutulmuşdur, sizsə bu kitabı oxumaq üçün yaradılmısınız. qəribədir.

oxuyun, oxutdurun

2 əjdaha! 26.08.2015 03:20, kurçulava

#179120 şikayət

ast telman

+7 əjdaha

azərbaycanda yaşasa və yazıçı olsaydı böyük ehtimalla "mənim hüzünlü petuxlarım" adlı əsərin müəllifi olardı.

7 əjdaha! 31.05.2015 22:26, kurçulava

#168026 şikayət

ən cındır sinif yoldaşı

+6 əjdaha

mənim indi danışacağım insan xüsusi biridir, cındırlıqda tarix yazmışdır. söhbətlər vaqeə olur doqquzuncu sinifdə. qanımız qaynıyan vaxtdı, eləmədiyimiz pox yoxdu. gic-gic işlərlə məşğuluq, gündəlik sinifdə qumar oynayırıq. indi cavanıq da, xoşumuza gəlməyini qapazlayıb uduruq. bir nəfər sinif yoldaşımız, adı qanturalı olsun məsələ, veçni uduzan tip idi. bizimlə bir hərəkıt edirdi guya, özü də oxuyan uşaq idi, amma sonradan gicləməyə başlamışdı. digər sinif yoldaşlarının arasını vurmağa çalışırdı. gəlib deyirdi ki, del piero, nedved yaxşı oğlan deyil, bizi yoldan çıxarır, onunla oturub durma. sonra nedvedə delpiero haqda eyni şeyi deyirdi, sonra da trezeguetə nedved və delpieronu pisləyirdi. axır bir gün xəbərimiz oldu, ibrahimoviç bunu çəkdi qırağa, dedi belə belə demisən ya yox? o da ilk öncə qəbul etmədi, bir partiya söyüldükdən qəbul etdi və ibrahimoviç də ağır cayıldı axı, təsbehi qanturalının başına vurdu. söhbətdə mən olmamışam, videosuna baxmışdım, biz onda leylaların dalıyca qaçırdıq bamsı beyrəklə. nə başınızı ağrıdım, səhər məktəbdə gəlib dedilər ki, capello sizi otağına çağırır. bir var-yox adam (10 nəfər olardıq) yığışıb getdik. qanturalı qazanxanı və qəbiləsini yenə pis vəziyyətdə qoyub, bütün yediyimiz poxları direktora danışıbmış. söhbətdən ən təmiz çıxan özüm oldum, amma o qanturalını bir də danışdırmadıq. bəlkə nə vaxtsa bu entryni oxuyub özünü görər və utanıb xəcalət çəkər. yekə kişisən, ala, adam heç öz anasına "elə olmayıb, yalan danışır." deyər?

5 əjdaha! 01.06.2015 01:44, kurçulava

#168069 şikayət

eynək taxmağın verdiyi inanılmaz kayf hissi

+4 əjdaha

uzağı yaxşı gördüyümü inana bilmirdim və tez-tez köhnə sovet azərbaycanı filmlərindəki kimi eynəyi aşağı endirib baxırdım, sonra yenidən eynəyə dönəndə necə gözəl gördüyümü görüb zövq alırdım. çox maraqlı icaddır, allah yaradanın balasın saxlasın.

4 əjdaha! 28.05.2015 04:36, kurçulava

#167121 şikayət

Notice: Undefined variable: user_id in /var/www/soz6/sds-themes/vengeful-light/profile.php on line 3409

blok - başlıqlarını gizlət
Notice: Undefined variable: user_id in /var/www/soz6/sds-themes/vengeful-light/profile.php on line 3416

kurçulava

son bəyənilənlər:

oxuyucuların bəyəndikləri:

kurçulava

Post Ardıcıllığı

Yazı Saatları

Səviyyə Sistemi

Yazı Statistikası

son bəyənilənlər:

oxuyucuların bəyəndikləri: