sözaltı art

gördüm çıtayı yüksəltmisiz, mən də endirməyə gəldim.

işəyarayan android və ios proqramları

volume booster - telefonun səs səviyyəsini əvvəlkinə nisbətən 10-20% artırır.
netguard - proqramların internetə çıxışını bağlayaraq megabaytlara qənaət etdirir.
colorize - rəngsiz(ağ-qara) şəkilləri rəngləndirir.
WTMP - telefonda kilid ekranının kodunu səhv yığdıqda yığan şəxsin neçə dəfə, nə vaxt, saat neçədə səhv etdiyini göstərir və şəklini çəkir.
remini - keyfiyyətsiz, bulanıq şəkillərin keyfiyyətini artırır.
-alternativi üçün: echance it
parrot - telefon danışığını səsli olaraq qeyd edir.
2ndline - kanada kodu ilə saxta nömrə alaraq, sosial şəbəkələrdən istifadə imkanı yaradır.
-ənənəvi versiyası üçün: textnow
natureID - istənilən bir bitkinin şəklini çəkdikdə, onun haqqında ətraflı məlumat verir.
diskdigger - bir neçə il qabaq silinən şəkilllər də daxil olmaqla, bəzi silinən şəkilləri geri qaytara bilir.
weight scale estimator - telefonun altına kağız yerləşdirib, üzərinə əşya qoyduqda əşyanın çəkisini ölçür.
Relax Rain - yuxu probleminiz varsa, proqramda olan videolar stressinizi azaldaraq yuxuya getməyinizə yardımçı olur.

imadəddin nəsimi

1369-cu ildə şamaxıda dünyaya gələn ədib ictimai lirikanın yaradıcılarından hesab olunur. anadilli fəlsəfi şeirin ilk nümunələri nəsiminin qələminə məxsusdur. 1394-cü ildən etibarən ustadı nəiminin yolundan davam edərək hürufiliyə yönəlmiş, nəimi öldürüldükdən sonra hürufilik təliminin tanınmış simalarından birinə çevrilmişdir. bu səbəbdən yaradıcılığında nikbin gözəlləmələrdən uzaqlaşaraq, siyasi-fəlsəfi motivli əsərlər yaratmağa başlamışdır.
şairin yaradıcılığında həm təriqət, həm də dünyəvi şeirlər özünəməxsus yer tutur.
yaradıcılığı ilə bağlı qısa məlumat versək;
- yalnız əruz vəznində və lirik növdə yazıb.
- əsərlərini sırf türk və fars dillərində qələmə alıb.
- qəzəl, qəsidə, rübai, müstəzad kimi bir çox şeir formasından istifadə edib.
ümumiyyətlə, bütün əsərlərində fəlsəfi fikirlərin mühüm yer tutduğunu söyləmək olar.

hürufilik təlimi əsasında irəli sürdüyü  panteist ideyaları səbəbilə, ədib 1417-ci ildə hələb şəhərində edam olunub.

"Düşdü yеnə dəli könül gözlərinin хəyalinə,
Kim nə bilir bu könlümün fikri nədir, хəyali nə?"-*

repressiya

"1937-ci ilin repressiya qurbanlarından olan Ümgülsüm Sadıqzadə. Məhəmməd Əmin Rəsulzadənin əmisi oğlu, tanınmış yazıçı Seyid Hüseynlə evli olmuşdur. Həyat yoldaşı ilə birlikdə repressiya qurbanı olmuşdur."

Bir solğun çiçəyəm, bir sarı yarpaq
Candan şikayətkar, canandan iraq,
Çıxdım ki, yollardan alayım soraq,
Xəbər verən yoxdur, sorma dedilər!

Ayrılınca hilal qaşlı yarımdan,
Mən yaslara batdım, geymədim əlvan,
Düşünüb o ulduz gözləri hər an,
Ağlarkən özünü yorma dedilər!

Könül şikayətin kimə söyləsin,
Qəlbimin dərdini kimlər dinləsin?
Səni sevən, sənsiz ömrü neyləsin?
Dalınca qaçarkən, varma dedilər...

Mənim göylərimdən günəş çəkildi,
Parlaq həyatıma zülmət töküldü:
Vərəmli qəlbimə oxlar tikildi,
Qoy axsın qanları, sarma dedilər!

Günəşim bir daha doğmayacaqmı?
Vəhşi qaranlığı boğmayacaqmı?
Kölgələri şəfəq qovmayacaqmı?
Sordum, ümidini qırma dedilər. ©

müəllim olmayanlara müəllim deyilməsi

"Bəy" söylə, "yoldaş" de, "vətəndaş" çağır,
Hər yetən insana "müəllim" demə.
Bəlkə, heç pedaqoq deyildir fağır,
Müəllim olmayana "müəllim" demə.
Həkimə "həkim" de, polisə "polis".
Nə vaxtdan müəllim olub mühəndis?
"Müəllim" deməsən, inciyər rəis?
"Cənab" de sən ona, "müəllim" demə.
Bilsən, dil nə çəkir sənin əlindən,
"Müəllim" kəlməsi düşmür dilindən.
Utan, xəcalət çək müəllimindən,
Ayıbdır, çobana "müəllim" demə.
Söz yersiz olanda qiymətdən düşər,
Mənası dəyişər, zinətdən düşər.
Müəllim özü də hörmətdən düşər,
Avama, nadana "müəllim" demə.
Sən də, Bayram Novruz, sözü dürüst de,
Yaxşıya yaxşı de, pisə də pis de.
Şair de, müxbir de, lap jurnalist de,
Hər yazı yazana "müəllim" demə!
©Bayram Novruz

məsləhətli teleqram botları

sizin üçün ən yaxşıları yığmışam, sözlük əhli-*
buyurunuz.

ilyricsbot - mahnı adını bota daxil etdikdə, mahnının sözləri ekrana çıxır.
YTranslateBot - istənilən mesajı istənilən bir dildə birbaşa söhbət qutusuna tərcümə edir.
TexifyBot - yazılı şəkil göndərdikdə, şəkildəki yazıları mətn formasında geri göndərir.
wiki - hansısa söhbətdə mesaj panelinə @wiki yazıb, ardınca məlumat almaq istədiyin zadı daxil etdikdə, wikipediadan olan məlumatları əldə edirsən.
VirusTotalAV_bot - faylların viruslu olub-olmadığını yoxlaya bilirsən.
apkdl_bot - play store'dan istədiyin proqramın linkini atıb, onu apk şəkildə əldə edə bilərsən.
linkgrambot - bota youtube'dan arzu etdiyin videonun linkini atıb, mp3, mp4 kimi yükləyə bilərsən.

əlavə olaraq sosyal medialardan video/şəkil yükləmək üçün botlar:
SaveAsBot - instagram
FBVideoBot - facebook
ttsavebot - tiktok

deyək ki, bütün bunlar səni qane etmədi?
elə isə, @BotFather ilə öz ideal botunu yarada bilərsən-*

yazarların paylaşmaq istədikləri şeirlər

Adı Leyladı.
"Görüş bölgəsi"ndə qarşılaşdıq.
ilk həmləylə məni gözlərinin qaranlığında itirdi.
Kirpiklərinin əsarətində yaralandım.
əvvəl özümü,
Sonra qollarımı itirdim.
Beləcə ilk dəfə sarıldım o müqəddəs gecəyə.
ilk dəfə sevincdən ağladım.
Sonra "kişilər ağlamaz" deyən o adam yadıma düşdü, güldüm.
ilk dəfə doyunca öldüm,
müharibədə ölən bütün uşaqların əvəzinə.

Adı Leylaydı.
boyu xoşbəxtliyə çatmırdı.
Çəkisi məndən iki məğlubiyyət az olardı.
Baxışıyla öldürürdü,
əli silaha yatmırdı.
Yerişi əsgər yerişi kimi mətin,
danışmağı həyəcan siqnalı,
susmağı səfərbərlikdən çətin.

Adı Leylaydı.
qadınların göz yaşını gizlətdiyi yaşa çatmışdı.
Bəxtinin itirdiyi rəngi hər gün saçlarında tapırdı
gəncliyi uşaqkən başa çatmışdı.
Qırmızı dodaqları bir müddət ayırdı bizi.
Sonra mən hücuma keçdim
sərhədləri aşdım.
Hər ikimizin dili altında yüzlərlə söz şəhid oldu
indi heç kim qürurunun tətiyini çəkmir ki, aramızdakı atəşkəs pozulsun.
Axı biz işğalçı deyilik
razılaşdıq, sülh olsun
Leyla, eşidirsən?
təki bircə biz savaşaq yer üzündə sülh olsun.
©pərviz arif

fatma xala

bir cəlil məmmədquluzadə əfsanəsi-*
hadisələr fatma xalanın əri ilə birlikdə at belində gedərkən, başmağının yola düşməsi ilə başlayır. qadının əri atdan düşüb başmağı axtaran ərəfədə, at sürət götürərək fatma xala ilə birlikdə köhnə sahibinin(məşədi nurəlinin) evinə doğru yol alır.

əsər, həmin dövrdə azərbaycan qadının cəmiyyətdəki mövqeyi haqqında aydın təsəvvür yaratmağa xidmət edir.

əsərdən bir dialoq:
"molla qurbanqulu belə danışırdı:
-arvad nədi, həyətdən küçəyə çıxdı nədi, hələ bir para binamus müsəlmanlar övrətlərini yanlarını salıb aparırlar qohum-qardaş evinə.
kəndlilərin biri üzünü molla qurbanquluya tutub dedi:
- a molla, and olsun bizi yaradan məxluqə, mən bircə dəfə də, ayıb olmasın sizdən də, cəfərin anasını* bəli, yoldaşını yox, məhz oğlunun anasını heç bir yerə aparmamışam.
o biri kəndlilər də and içdilər ki, bir belə günah iş görməyiblər.
molla qurbanqulu başladı:
- övrətinki odur ki, qatasan evə, qapısını qıfıllayasan.
məşədi nurəli üzünü tutdu mollaya və dedi:
- a molla, yaxşı fərmayiş ərz edirsən, bəlkə lazım oldu, məsələn, arvad gedib çeşmədən su daşısın, onda pəs qapını qıfıllayandan sonra axı arvad dəxi eşiyə çıxa bilməz ki, məsələn, gedib su gətrisin.
molla qurbanqulu ucadan cavab verdi:
- pəh, axmaq-axmaq danışmağa pul verməmisən? övrət nədi, küçəyə çıxıb su gətirdi nədi. suyu canın çıxsın özün daşı. övrətə də etibar var ki, qoyasan çıxa küçəyə? övrətinki odur ki, qatasan dama, qapısına qıfıl vurub açarını qoyasan cibinə."

yazarların paylaşmaq istədikləri şeirlər

Yaxşı yadımdadı,

O gün anam yenə xəmir yoğurdu,
O gün atam evə duz aldı, gəldi.

Boyum da çəkimə yaxşı düşürdü.
O vaxt şəkildə də yaxşı düşürdüm.

Necə maraqlıdı, özümdən başqa
Bütün uşaqları yetim bilirdim.
Qırışlı xəmiri düz edir deyə
Anamın əlini ütü bilirdim.

Sonra nə oldusa, ara qarışdı,
Sonra birdən-birə ütü qırışdı...

Sonra birdən-birə anam qocaldı.
Bir dəfə o qədər işləmişdi ki,
Bir dəfə o qədər yorulmuşdu ki,
Həmin gün gecəni yatdı, durmadı.

Həmin gün ulduz da tez sönəcəkdi,
Həmin gün günəş də tez batacaqdı.
ilk dəfə anamdan tez oyanırdım,
ilk dəfə anamdan gec yatacaqdım.

Həmin gün süfrəyə duz da dağıldı.

Günəş gizlənəndə, yaxşı bilirdim,
Ay da ulduzları tək sığallayır.
Analar adamı bərk qucaqlayır,
Atalar adamı bərk sığallayır.

Yaxşı yadımdadı,

Bir gün anam yenə xəmir yoğurdu,
Bir gün atam evə duz aldı, gəldi.
Həmin gün süfrəyə duz da dağıldı,
Həmin gün dağıldıq, biz də dağıldıq..

yazarların linçə səbəb olacaq fikirləri

(baxma: cinsiyyət dəyişdirmiş biri ilə münasibət qurmaq )

belə bir şeyin varlığını öyrənəndən sonra uzun illər boyunca çox qəribsəmişdim. çoxluqla yaş faktorunun təsiri idi yəqin ki.
indilərdə isə aşırı normal qəbul eləyir, hətta rəğbət bəsləyirəm. çevrəmdə belə bir dostumun/tanışımın olmaması, bu şəxslərdən biri ilə tanışlıq yarada bilməmiş olmaq məni bir miqdar üzür.
tanışlığı qoyun qırağa e, belə biri ilə şəxsi münasibət qurmaq mənə möhtəşəm bir şey kimi gəlir. hə, elə gəlir, çünki möhtəşəmdi.
sənin yaşadıqlarını vaxtilə yaşayıb, sənin keçirdiyin hisslərə bələd olan biri olur həyatında. hansısa bir vəziyyət qarşısında ağzından tökülən "anlayıram" sözcükləri yalandan yox, həqiqətən anladığından qaynaqlanır, sənin nəyə ehtiyacın olduğunu soruşmamış bilir. qısacası, səni ən az sənin qədər tanımağı bacarır.
yəni ki, çox böyük şansdı, a yoldaşlar.

qız olmağa nə var ki

az öncə eşitdiyim bu fikri səsləndirən bütün boşboğaz şəxslər üçün açılmış başlıq.

"azərbaycanda qadın olmaq" haqqında danışsam, başqa mövzulara qapı açılacağı üçün, hara gedirsən get, qadın olmağın dəyişməyən "bəsitliyini" göz önünə sərəcəm.

indi təsəvvür elə ki, qadın olaraq dünyaya gəlirsən və ortalama olaraq 9-15 il sonra nə olduğu başa salınmadığı üçün, bilmədiyin bir şeylə üzləşirsən. əslində, hələ uşaq yaşlarında ikən uşaqlıq illərin sona çatır. daima özünə nəzarət etmək məcburiyyəti yaranır, zamanla əyləncə anlayışına nisbətən uzaq düşürsən, idman dərsləri ən sevilən dərsin idisə, artıq kabusun olur. valideynin səni bu hadisəyə öncədən hazırlamış olmur deyə nəticədə qorxu, həyəcan, stress keçirərək regllə tanış olursan. ilk illərində "duyğusal dəyişikliklər" özünü çox biruzə verməsə belə, yaş artdıqca fərqi sezməyə başlayırsan. sözün həqiqi mənasında hər ay 3-5 günlük başqa birinə çevrilir, normal gündə səni əsəbləşdirməyəcək hadisələrə əsəbləşir, çox boş səbəblərdən ağlayırsan. hətta bəzən səbəb olmayanda axtarıb, tapırsan. "kirpiyim qısadı", "divar əyridi", "saatım işləmir" deyib, ağlanarmı? reglsənsə, ağlanar. hələ ki ağrılı keçirirsənsə və ağrıkəsici bir fayda eləmirsə, saatlarla müdaxilə edə bilmədiyin ağrıyla boğuşursan. bu yetəri qədər drammatik deyilmiş kimi, həmin gün çölə çıxmaq məcburiyyəti də üstünə gələndə, bəlkə də həyatının ən çətin anlarından birini yaşayırsan. həm gərginlik, həm fiziki ağrılar, qamətini əyəcək dərəcədə yorğunluq, təpədən vuran günəşlə 2 qat olan halsızlıq və duyğusal çöküntü elə bil sənə cəhənnəmdən teaser verir.
həyatında baş verən hadisələrin yaratdığı stress səbəbilə bəzən düzənsiz regllər keçirirsən. düzənsiz olmağın da ayrı stress yaradır və beləcə kısır döngüyə girirsən. ömründə sadəcə bir neçə dəfə 9 ay regl olmamaq şansın ola bilir, onun da sonunda ağrılı bir şəkildə doğuş həyata keçirməli olursan.
bu və saya bilmədiyim bir çox hadisələri uşaqlıqdan etibarən, uzun illər boyu təkrar-təkrar yaşayırsan.
ta ki menepoza girənə qədər.


hə, indi de görək, nə var ki qız olmağa?