sözaltı etiraf

əziz sözlük, bu mənim bu başlıq üçün olan ilk etirafımdır. mən doğulduğum və hardasa 3-cü sinifə qədər oxuduğum qəsəbədən digər qəsəbəyə köçəndə sosial həyatım dəyişmişdi. orada azda olsa, "dost" deyə biləcəyim insanlar var idi. 3-cü sinifdən bugünə qədər tək olduqda öz-özümə danışıram. bəli, düz oxudun. öz-özümə danışıram. bunu nə evdəkilər, nə də ən yaxın dostlarım bilir. danışdıqlarım isə ya hansısa dostumla və ya qeyri-tanış bir şəxslə ola biləcək situatsiyanı improvizə etməkdir, ya da özümdən fantastik bir hekayə uydurmaqdır. əziz sözlük sakinləri, hər halda mənim dəli biri olduğumu düşünürsən. amma bunların mənə çox xeyri dəydi. məsələn, son 1 ildir ki, insanlar diksiyamın gözəl olması və səsimin yormadığından danışır. mən özüm müxtəlif mövzularda mətn,hekayə və məqalələr yazıram. öz-özümə danışmağım fantaziyamı daha da gücləndirir. bu aralar ürəyim çox doludur və sən hər halda mənim gələcək etiraflarımı oxuyacaqsan, əziz sözlük sakini.
bu yazını yazarkən məni müşayiət edən adaşım Vaqif Mustafazadə-yə minnətdarlığımı bildirirəm.
(bax: dəli)

öyrənildiyində təəccübləndirən məlumatlar

azərbaycan musiqi sənayesində məhsul yerləşdirmə və ya product placement ilk dəfə aygün kazımova-ın sevgilim,süz adlı mahnısında olub. mahnı gəncə şərab-ın məhsulu olan sevgilim şərabı üçün yazılıb. mahnının sözlərini məhşur marketoloq teymur məmmədov yazıb. musiqisini isə vaqif gərəyzadə bəstələyib.
product placement - klip və ya filmlərdə istehlakçıya, yəni müştəriyə gizli reklamın ötürülməsi deməkdir.

bir ölkənin geridə qalmışlığını görmə yolları

bir ölkənin geridə qalmışlığını həmin ölkənin vətəndaşlarının intellekt səviyyəsindən tutmuş adət-ənənələrin indiki dünyamızın standartlarına və məntiqə uyğun olub-olmadağından bilmək olur. ölkənin televiziyalarında əgər semiçka çırtlayan xalalar-ın söhbəti ilə doludursa, demək vəziyyət çox acınacaqlıdır. adi youtube trendlərinə baxanda belə bilmək olur ki, vəziyyət çox acınacaqlıdır. ölkənin gündəmini zəbt etmiş şəxs və ya şəxslər kimdir. burdan da bir çox şeyi anlamaq olar. ölkənin inkişafda və ya çöküşdə olduğunu onun insanına baxaraq, təyin edə bilərsən. çünki, hər birimiz ölkəni ayaqda tutan bir sütunuq. sütunlar əgər keyfiyyətsizdirsə, ayaqda tutduğu obyekt məhvə məhkumdur.

(baxma: az demaqoqluq elə)
(bax: demaqoq)

öyrənildiyində təəccübləndirən məlumatlar

himnimizin sözlərinin Əhməd Cavad tərəfindən yox, Cəmo Cəbrayılbəyli tərəfindən yazılması məni təəccübləndirmişdi. himnin sözlərində əfrad sözü istifadə olunub. bu sözün mənası isə hüququnu bilən şəxs deməkdir. deyilənlərə görə, Səməd Vurğun -un oğlu Vaqif Səmədoğlu ilə Əhməd Cavad-ın oğlu arasında centlmenlik müqaviləsi olub. beləcə sözlər Əhməd Cavad tərəfindən yazıldığı yayılmış oldu. Bu faktı isə Jamal Ali-in OK podcast-ında eşitmişdim.
Podcastı dinləmək üçün:
Podcast - Jamal Ali

robert de niro

Bakılı Oğlanlar kvn komandasının əfsanəvi kapitanı Anar Məmmədxanlının Robert De Niro haqqında olan xatirələrindən:

Moskvada tanış olduq. Gecə dostlarımız içib sərxoş oldu. Robert de Niro ilə mənim vəziyyətim yaxşı idi. Mənə Moskvanı gəzmək istədiyini dedi. Onu şəhərin görməli yerlərinə apardım. Səhərə yaxın dedi ki, sizin ölkədə bu vaxt nə yeyirlər? Cavab verdim ki, xaş. Dedi mən də xaş yemək istəyirəm. Saat 6 olardı, onu Moskvada Qubadan gəlmiş dağ yəhudilərinin açdığı bir restorana apardım. Hamı məni görüb öpüb-qucaqladi ki, xoş gəlmisən. O boyda aktyoru qoyub məni belə qarşılmaqlarına görə bir az utandım. Ağzımı açıb demək istəyirdim ki, bəs bu, dahi aktyor Robert de Nirodur, birdən xaş bişirənlərdən biri qayıtdı ki, fərqi yoxdu kimdi, sənlə gəlibsə o da bizim qardaşımızdı, əyləşin.

(bax: xaş)

tarixi fotolar

Bakılı Oğlanlar KVN komandasının əfsənavi kapitanı Anar Məmmədxanlı və məhşur aktyor Robert De Niro. Moskva, 2000-ci illər.