azərbaycana və ya azərbaycanlılara xas xüsusiyyətlər

şöhrətpərəstlik və bundan irəli gələn həsəd (paxıllıq) hissi.
xanım bir ziyalının çox maraqlı fikrini oxumuşdum: "azərbaycanlılar kasıb olmaqdan daha çox kasıb görünməkdən qorxurlar". adamlar tanıyıram ki, kreditə girib arvadına kürk, özünə vertu telefon alıb! və ya "binə" bazarından geyim almasını gizlədənlər var. özünün olmasa da, qaynının cipi ilə öyünən, itə də borcu olduğu halda arsızlığından qalmayıb gündə bir yerdən qlamur foto paylaşanları demirəm hələ.
şöhrətpərəstlikdən doğan paxıllıq da var xalqımızda. qohum-əqrəbada bir nəfər irəli gedən kimi hamı oturub onun büdrəməsini gözləyir. və ya bir balaca özünə şərait quran insan üçün "görəsən hardandır əə bunda bu qədər pul" söhbətləri başını alıb gedir.

boşanmaq

evliliyin bitməsidir. evliliyin bitməsi qadın və kişi arasında bütün münasibətlərin bitməsi və ya düşmənçilik deməkdirmi? cəmiyyətimizdə təəssüf ki, əksərən belə olur. insanımız əksərən anlaqsız evləndiyi kimi anlaqsız da boşanır. boşandıqdan sonra da tərəflər iki düşmən olaraq qalırlar. hətta bir çox hallarda uşaq varsa onun tərbiyəsi və təminatı ilə tərəflərdən yalnız biri məşğul olur. bəs nədir bu boşanmanın səbəbləri:
1) tərəflərin bir-birini tanımağa fürsət tapmadan eyni damın altında yaşamağa başlaması;
2) tərəflərdən birində (və ya hər ikisində) empatiyanın, qarşılıqlı güzəşt və kompromisin olmaması;
3) evliliklərin bəzi hallarda kənar məqsədlərə qulluq etməsi (karyera, biznesdə yüksəliş və ya "evdə qalmış" dayıqızı (psixi problemi olan əmioğlu) ilə məcburi evlilik kimi);
4) istehlak cəmiyyəti və vəhşi kapitalizmin vüsət alması, bunların fonunda maddi problemlər. məsələn; "qonşunun arvadı yunanıstan şubası geyir, iphone x işlədir" kimi düşük səbəblər (əzizlərim sizə qəribə gəlsə də belə hallar var);
5) ailəyə kənar müdaxilələrin olması. gənclərin hər işinə valideynlərin qarışması, ənənəvi intriqalar...
6) ailə institutunun tədricən dağılması. kişinin ailə başçısı, qadının ailənin özəyi olma məsuliyyətini dərk etməməsi;
7) internet, mobil kommunikasiya, sosial şəbəkələrin mövcud inkişaf səviyyəsi. whatsapp, facebook yazışmalarının, smartfonlardakı fotoların səbəb olduğu o qədər boşanma var ki.
lakin bütün hallarda, bir şeyi nəzərə almaq lazımdır ki, "uğursuz evlilikdənsə uğurlu boşanma yaxşıdır". həmçinin, "ər evi-gor evi" deyib zırramanın biri ilə həyatını davam etdirməyə məcbur qadınların, "xalxın arvadı, camaatın kişisi" ilə başlayan cümlələrin sədası altında hər yediyi yemək zəhərə dönən kişilərin varlığını da unutmayaq bu mövzuya toxunarkən.

24 iyun 2018 türkiyə seçkiləri

eyni gündə keçiriləcək prezident və parlament seçkiləridir. bu seçkinin əsas önəmi ondan ibarətdir ki, türkiyə respublikası parlament üsul-idarəsindən prezident üsul-idarəsinə keçir. prezidentlik uğrunda əsas mübarizə hazırki prezident r. t. erdoğan ilə müxalif chp-nin namizədi m. ince arasında olacaqdır. namizədlərdən hər hansı biri 50%-dən artıq səs toplaya bilməzsə prezident 2-ci turda müəyyən ediləcək.
600 yerlik parlament uğrunda mübarizə hakim akp+mhp+bbp'dən ibarət "cumhur ittifaqı" ilə müxalifətdə olan chp+ip+sp+dp'dən ibarət "millet ittifakı" arasındadır. kürd əhalinin dəstəklədiyi hdp ittifaqlarda yer almamaqla seçkidə iştirak edir.
ilkin ehtimallara görə prezident 2-ci turda müəyyən ediləcək. həmçinin akp-nin parlament üstünlüyünü itirəcəyi ehtimal olunur.
zənnimcə seçkilərin ən yadda qalan və maraqlı siması muharrem incedir. möhtəşəm seçki performansı ilə yanaşı əhatəli seçki vədləri ilə də yadda qalan olmuşdur. həmçinin mhp-dən ixrac olunmuş, keçmiş daxili işlər naziri, milliyətçi meral akşener də seçkilərin ciddi fiqurlarındandır. hazırda həbsdə olan, hdp-nin həmsədri selahattin demirtaş və mərkəz sağ-islamçı saadet partiyasının namizədi temel karamollaoğlunun şansları daha az qiymətləndirilir.
hazırki prezident erdoğanın asanlıqla qələbə qazanacağı inandırıcı deyil.