whistle register

insanın oxuyarkən çıxara bildiyi ən zil səs registeri. sopranodan da yüksək tembrə malik olduğuna görə hər insan bu registerdə oxuya bilmir. soprano oxuyanların əksəriyyəti əgər məşq etsə oxuya bilər bu registerdə. amma qadınlarda belə soprano o qədər çox olmadığı üçün kişilərdə daha nadir görülən registerdi. uşaqlarda daha çox olur bu amma böyüdükcə səs də dəyişdiyi üçün çox insanda bu register yoxa çıxır. təlimli və təmiz çıxarıldığda çox gözəl səslənir. çox incə səs olaraq səsləndiyi üçün whistle yəni fit adlandırılıb. amma girib videolara baxıb nə olduğunu görüb bunu mən də eliyərəm deyərək özüvüzü gücə salmıyın. düzgün texnika tətbiq olunmasa səs telləri yırtıla bilər.

yazarları düşündürən suallar

başlığa nə ad verim deyə çox düşündüm amma ağlıma düzgün bir ad gəlmədi. entryə tam oturacaq ad tapsaz düzəliş edərsiz. keçək entryə.



bundan təxminən 2 ya 3 gün əvvəl bir mağazaya kətan şalvar almaq üçün girdim. satıcı türkiyəli bir qardaş idi. bir şalvar bəyənib əynimdə yoxlamaq üçün kabinəyə keçdikdən sonra satıcı qardaşla söhbətə başladıq. mənim saçlarım uzun olduğu üçün elə söhbət də bundan başladı. qardaş, özünün də azərbaycana ilk dəfə gəldikdə ( 2005 ) saçının uzun olduğunu, sırğa taxdığını amma və lakin burada olan qeyrət fışqıran oğulların təkidlə bu nə saçdı kişinin saçı uzun olmaz və sair kimi götdən çıxma sözlərindən bezib kəsdirdiyini və peşman olduğunu dedi və üstünə də heç vaxt kiməsə baş əymə, etdiyin düzgün bir şeydirsə özünü bu cürə ifadə edə bilirsənsə yolundan dönmə, mübarizə et mən bacarmadım deyərək də əlavə etdi. bu söhbət o yana qalsın mən qardaşın danışığına fikir verdim ki qardaş bacardığca bizim dildə təmiz danışmağa çalışırdı amma yolunda getməyən bir şey var idi. o qədər bizim dildə danışmağa çalışırdı ki hətta arada rusca da sözlərdən istifadə edirdi. nə üçün belə olduğunu soruşduqda mənə çox gözəl cavab verdi. dedi ki mən burda yaşadığım vaxtda gəlib gedən hər kəslə ünsiyyətdə olduğum üçün artıq dili başa düşüb öyrənməyə başladım. tarqovuda qalıb elə orada da mağaza açdığım üçün demək olar hər kəsin rusca danışmağı ilə üz-üzə qaldım. ilk başlarda çox əziyyət çəkdim. mağazadan siqaret belə alamaz hala gəldim ki artıq əlimlə göstərirdim istədiyimi. qulaq çox-çox eşitdikcə artıq alışır insan. 2010-2011 arası rusiyaya getdim təbii ki yenə məqsəd al-verlə məşğul olmaq. səni inandırım ki orada hamını başa düşürdüm artıq kim nə deyir kim nə danışır. sadəcə danışa bilmirdim. (burası dəqiq yadımda deyil kazak dedi ya qırğız) bir dostuma dedim ki bəs mən rusca bilirəmmiş ki. başa düşürəm hamısın. o da dedi ki azərbaycanda yaşamısan axı onlar çox vaxt rusca danışır.



baxın əziz oxuyanlar, niyə biz öz dövlətimizdə öz dilimizdə danışmırıq? niyə gələn kənar şəxslərə də düzgün örnək olmuruq? allahın fransızı belə öz ölkəsində heç ingilis dilində də danışmazkən biz niyə türk görəndə türkcə, rus görəndə rusca danışırıq? heç kəs inciməsin amma belə mövzularda tolerantlıq deyə bir şey olmamalıdı. bu hörmət deyil əksinə özümüzün özümüzə etdiyimiz ən böyük hörmətsizlikdi. əgər bir ölkədə yaşayırsansa canın çıxmalıdı oranın dilini öyrənməlisən. burada yaşayan zəncilər belə bizdən daha təmiz azərbaycan dilində danışır. buna nə ad vermək olar? niyə də niyə buna səbəb nədir axı?



əlavə olaraq: türkiyənin özü belə ölkəsinə gələnlərə öz dilini mənimsətdirdiyi halda biz onlara söyüşdən başqa bir şey öyrətmirik.

və bir də heç vaxt yadımdan çıxmaz. vokalist bir sinif yoldaşım var idi xaricə yarışmaya getmişdi. gəldikdə özündən soruşduqda ki necə oldu necə keçdi zad dedi ki orada dünyanın hər yerindən ölkələrin təmsilçiləri var idi və hamısı öz çıxışında öz ölkəsinin mahnısını səsləndirərkən mənə türk mahnısı oxutdurdular...


nə deyəsən belə şeyə? üzr istəyirəm bu ifadəmə görə amma day bu qədər də götəgirənlik olmaz da.

zombi

əslində varlar, varlıqlarına inanıram amma filmlərdə çox şişirdirlər bu mövzunu. heç də filmlərdəki kimi selik tökülən, əlləri dümdüz yeriyən xiyarlar kimi deyillər. bu mövzu deyim də hardan çıxıb. indinin özündə də sivilizasiyadan uzaq, meşələrin lap dərinliklərində yaşayan hannibal qəbilələr mövcuddur. hansı ki bunlar da ilk insanlar kimi şux yeriyə bilmir əsasən qorilla kimi gəzib qaçıb eliyirlər. insan əti də yedikləri üçün bir növ vəhşi və insanlıqdan çıxmış məxluqlardırlar və onları heç vaxt normallaşdırmaq olmaz, mümkün deyil. insan əti bir dəfə belə dadılsa ondan əl çəkmək mümkün olmur. hətta timsahın belə ağzına bircə dəfə insan əti keçsə artıq yalnız insanla qidalanmağa başlayır. amma bu artıq başqa mövzudu öz mövzumuza qayıdaq. hə, dediyim kimi, sivilizasiyadan uzaq bu vəhşi insanların həyatı da zombi obrazı ilə filmlərdə öz əksini tapmışdır.

instagram

son zamanlarda instagramda sırf azərbaycanda likerlik və səhifə işlətməkdən əlavə yeni bir "iş" ortaya çıxıb. fikir vermişəm. deməli neynirlər. hamısı qızdı onu əvvəlcədən deyim. bir qədər özlərinə sərmaye qoyurlar və özlərini necə deyərlər kaprimotdan çıxartdıqdan sonra bir instagram hesabı açırlar. orada bir qədər açıq-saçıq şəkillər paylaşıb eliyirlər nəyi var izləyici topluyub like yığırlar eliyirlər amma heç kəsə qoz qoymurlar. sərmaye isə davam eləməlidi bunu unutmamaq lazımdı. bir qədər bahalı locationlar olmalıdı gedilən yerlər ki şəkillər də çəkib tag edəsən. daha sonra artıq biriləri onları bəyənir və özlərini soxuşdururlar gedir. sonra ya bütün şəkilləri silirlər ya da yeni bir hesab açırlar. bu səfərsə sırf həmən o billion dollarla şəkillər paylaşılır əsasən və şəkillərdə də artıq əvvəlkinə nisbətdə paltarda qapanıqlıq hiss olunur. və artıq mişşın kompılited. lüks həyat, ömrün axırınacan free money, i love my handsome bf və belə-belə şeylər.

payız fəslini sevmə səbəbləri

payızı sevməmək olar ala? yaydan qışa keçərkən o aradakı incə xətdi payız. rəngli yarpaqlar xəzan olub tökülür, günəş var amma səni yandırmır, hava sərindi amma üşümürsən day başqa nə istəsine insan? bir qədər boş cins şalvar, yüngül botinka, ətəyi dizdən bir əl yuxarıyacan uzun olan uzunqol köynək, tökülən uzun şarf və biker kurtkası geyinib çıxırsan çölə. bir dənə də harley davidson olduqdan sonra da dünya sənindi hissini verir hər şey. payızda qızlar da daha gözəl görsənir gözümə. payız istər-istəməz romantik fəsildi. bir qədər iron maiden - wasting love tipli mahnılar dinləyirsən, ətrafda gəzirsən əsasən də tək, ətrafıva baxırsan hər şey film kimi gəlir adama. hələ bəzən olur ki qışa yaxın olan həftələrdə bir qədər şaxta fason bir şey olur ağızdan buxar çıxır eliyir. nə bilime ala çox şey yazmaq olar payız haqqında. o tökülən yarpaqlarda neçə xəyallar məhv olur neçə yeni həyatlar sevinclə göyə püskürdülür o xəzandan və daha nələr nələr. hər bir fəslin öz yeri var amma payızı onlara dəyişmərəm. payız başqa həyatdı.

clash of clans

4 ili tamam olduğuna görə 1 həftəlik iksirlə qızıl çıxardıcıları 1 kristalla sürətləndirmək hədiyyə edib hər kəsə supercell. bilmirəm bu da ona görədi yoxsa bugdu amma ki kiməsə əsgər göndərəndə neçə leveldisə ondan 1 level yuxarı olaraq göndərilir əsgər. məsələn səndə pekka 2di amma göndərirsən orda 3cü səviyyə göstərir o da 3cü səviyyə kimi istifadə edir. çatmadı mənə açığı.

bu arada əgər sözlüyün klanı varsa sevə-sevə gələrəm. 72ci leveləm 8ci səviyyə bələdiyyə binası, full 7ci səviyyə.


qeyd/əlavə: o əsgərin 1 səviyyə yuxarı göndərmə söhbəti var imiş oyunda. klan avantalarına baxdım indi gördüm heç fikir verməmişdim. sağ olsun sherlockunmayndpalası

sözlük yazarlarının hobbiləri

keçmişdə belə bir hobbim var idi. belə ki hər axşam yatmamışdan öncə facebookda oğlan+qız=ehtiras səhifələrindən birini axtarırdım. birinin ən axırıncı postunun commentlərinə girib hər dəqiqədən bir refresh edərdim. deməli kimsə fake profil açıb gəlirdi kimi onu qəhbə çıxarırdı kimi onun tərəfin saxlayırdı sonra qaqaşdar peyda olurdu uzun-uzun ehtiraslı commentləriylə sonra fake profil üstündə bir-birin peysər çıxaranlar qardaş olurdular qəlyana getməyə vaxt təyin eliyirdilər belə belə 1,2 saat buları oxuyurdum, evdəkilər də yatmış olurdu səsli gülə bilmirdim özümü sıxıb saxlıyırdım axırda da elə gülməkdən yorulub yatırdım :d

sözaltı sözlük

sözlüyü zirvəyə qaldırmaq üçün edilməsi zəruri olan tək şey budu:


gündəmin nəbzini tutmaq.

məsələn: yeni bir xəbər eşidirsən və ya görürsən. haqqında nəsə bilirsənsə başlıq aç yox hələki məlumatın yoxdusa sifarişə yaz. yazarlar da sifarişə tez-tez nəzər salsalar gündəmdə olan bir xəbər də ora yazılsa həmən vaxt boş olan bir və ya bir neçə yazar bu haqqda entry yazar və belə belə sözlük bazası genişlənər.

təbii ki sifariş yerini də gic-gic şeylərlə doldurmamaq lazımdı. məsləhət görərdim ki hal-hazırki sifariş bölməsindəki başlıqlar doldurulsun.

bir də troll tipli yersiz başlıqlar çox açmayın. demirəm tamam kəsilsin amma hər şeyin bir həddi var. onlar da olmalıdı sözlükdə amma sözlükdə əsas məlumat bazası güclü olmalıdı.

yazdıqlarımı doğru-düzgün etsək görəcəksiz səviyyədəki dəyişimi. sözlüyü yeni səviyyəyə çıxarmaq vaxtıdı. çünki bura bizimdi, batırsaq da biz batıracıq zirvəyə qaldırsaq da biz qaldıracıq. o dur ki çirməliyin qolları yazarlar, yeni səviyyə bizi gözləyir -*