siqaret almayıb ondan bundan istəyənlər

universitetdə zəngə çıxmağa peşman edirlər adamı. ətağa bir dəfə olub təzə paçkanı açdım ortada fırlandı özümə qalmadı. özüm də başqasından istəməli oldum. elə gün olub ki, vallah deyirəm 1-2 saata 5 dənə paçka almışam bunların əlindən. problem də odu ki, elələri olmasa çəkmir amma mənim ürəyim istəyi o zibili. hələ tiplər var ki öz paçkası cibində ola ola durub mənim paçkamdan çəkir bla. düzü bunun qarşısını almağın bir yolunu da tapmışdım. kurtkanın cibinə qoyurdum paçkanı zəngə çıxanda dənə dənə götürürdüm. sonra o da yaramadı. həm də kurtka sezonu gedəndən sonra girmir o variant. hələ bir dənəsi var idi çayxanada oturmuşduq dostumun tanışıydı. 3 nəfər oturmuşduq təxminən 3 paçka siqaret var idi stolun üstündə. bu qaqaş da 2 dəqiqədən bir siqaret çəkə çəkə 2 paçkanı təkcə çəkdi sonra da qayıtdı ki bəs siqareti də atmışam. elə tərs-tərs üzünə baxmışdım ki düzəltdi ki hələ almağı atmışam çəkmək hələ qalıb.

tanrı

azərbaycanda və türkiyədə son zamanlarda işlədilməsi günah sayılan söz. əlbəttə ki bu sadəcə həmin insanların məntiqsizliyindən irəli gəlir. sonra da deyirlər ki tanrı allahın 99 adı içərisində yoxdur. amma əslində başa düşmək lazımdı ki tanrı allahın adları içində olmağı mümkün deyil çünki tanrı ümumi mənada işlənən sözdür. zevs də tanrıdı ra da digəri də. müsəlmanların tanrısı isə allahdır. yəni allaha tanrı deməyi günah sayanlar məhəmmədə peyğəmbər deməyi də, özünə insan deməyi də günah saymalıdırlar. çünki nə məhəmməd peyğəmbərin adları içində peyğəmbər var idi nə də sənin adların içində adam və ya insan yoxdur.

qapalı məkanda siqaret çəkmə qadağası

azərbaycanda hələ müzakirə belə olunmasa da qəbul olunmasını istədiyim qadağa. baxmayaraq ki, özüm də siqaret çəkənəm. zənnimcə bu qadağa çox düzgün bir şeydir və çox təəssüf hələ yalnız xüsusi yerlərdə tətbiq olunur. onsuz hamı bilir ki, passiv siqaret çəkmə aktiv siqaret çəkmədən daha ziyanlıdı. çünki siqaret çəkərkən siqaretin zərərli maddələrinin təxminən 30 faizini içinə alarkən qalan 70 faizini yenidə geri üfürürsən və geri qaytarılan 70 %-də olan maddələr daha zərərli eləcə də göründüyü kimi daha çoxdur. qapalı məkanda siqaret çəkərkən isə qalan 70 faizin də böyük qismi nəfəs yolu ilə yenidən ya aktiv siqaret çəkənin, ya da heç siqaret çəkməmiş şəxsin bədəninə daxil olur. insanda nəfəs yolunda və ya ağciyərində xərçəng və onun kimi digər xəstəliklərin yaranmasında da qapalı məkanda siqaret çəkmənin daha böyük rolu var. bundan başqa çoxumuz şahid olmuşuq ki, çayxanalarda və ya bəzi digər yerlərdə o qədər siqaret çəkilir ki bəzən tüstüdən göz gözü belə görmür. bu zaman insan bədəninin nə qədər ziyan gördüyünü də birazca məntiqi olan istənilən insan başa düşə bilər. zərərindən başqa həm də razılaşmaq lazımdiki bu yerlərdə insanın üzərinə hopan iy də çox pis və kəskin olur. insanı itici edən xüsusiyyətlərdən biri də məhz üstündən kəskin siqaret iyinin gəlməsidir.

sözlükçülərin ən sevdiyi aktyorlar

(bax: christian bale)