şarvili

20 qoldan ibarət ləzgi xalq dastanı. hadisələr "kas buba" adlı xalq ağsaqqalının dilindən nəql edilir. eposun baş qəhrəmanı şarvili - mübarizliyi, igidliyi, qorxmazlığı simvolizə edir. mahaçqalada eposun baş personajının şərəfinə ucaldılmış abidə var və 1999'cu ildən bəri dağıstanın axtı şəhərində "şarvili bayramı" keçirdilir. qusarda isə küçələrdən biri məhz dastanın adını daşıyır.

ferencvaros

1899'cu ildə yaranmış macarıstanın ən titullu futbol klubu. 29 dəfə macarıstan çempionu, 22 dəfə ölkə kubokunun qalibidir. macar futbol tarixində yeganə "qızıl top" mükafatçısı olmuş florian albert məhz bu klubda çıxış etmişdir. hal-hazırda komandanın ev oyunlarını keçirtdiyi stadion oyunçunun adını daşıyır. 2011'ci ildən bəri macar parlamentinin deputatı gabor kubatov klubun prezidentidir.

club bolivar

1925'ci ildə yazıçı və musiqiçilərin yaratdığı boliviyanın ən titullu futbol klubu. məşhur inqilabçı simon bolivarın şərəfinə adlandırılmışdır. 22 dəfə boliviya çempionu olmuşdur. paytaxtın digər klubu "the strongest" ilə əzəli rəqabəti mövcuddur.

penarol

1891'ci ildə paytaxt montevideoda əsası qoyulmuş dünyanın ən titullu futbol klublarından biri. 50 dəfə uruqvay çempionu, 12 dəfə isə uruqvay kubokunun sahibi olmuşdur. 3 dəfə klublararası dünya çempionatının, 5 dəfə isə libertadores kubokunun qalibidir. əzəli rəqibi olan "nacional" ilə oyunları dünyanın ən məşhur 10 derbisindən biri hesab olunur və "el classico" adlanır. illərlə uruqvay yığmasının heyət özəyi bu klubun futbolçularından təşkil olunmuşdur.

flamengo

1895'ci ildə yaradılmış və o vaxtdan bəri əsas liqanı tərk etməyən, statistikaya görə ölkə əhalisinin 24%'lik hissəsinin azarkeşlik etdiyi braziliyanın ən məşhur futbol klubu. oyunlarını "marakana" stadionunda keçirdən flamengo 33 dəfə rio de janeyro ştatı, 6 dəfə isə braziliya çempionudur. 1 dəfə libertadores kubokunun, 2 dəfə ölkə kubokunun qalibi olmuşdur.

newell's old boys

1903'cü ildə rosario şəhərində fəaliyyət göstərən ingilis ali məktəbinin məzunu klaudio nyuell tərəfindən yaradılan argentina futbol klubu. təmsil etdiyi şəhərin digər komandası "rosario central" ilə əzəli rəqabət içərisindədirlər. 6 dəfə ölkə çempionu olmuşdur. lionel messi məhz bu klubun futbol məktəbinin yetirməsidir. bir zamanlar heyətində batistuta, orteqa, maradona kimi futbolçular da çıxış etmişdir.

manuel de falla

ispaniyalı bəstəkar, pianist. 2 opera müəllifidir. 20'ci əsr ispaniyasının ən məşhur incəsənət xadimi hesab edilir.

(youtube: )

eli mardock

2004'cü ildə yaradılmış amerikalı indie rock kollektivi. ümumi 3 albomları var.

(youtube: )

nazim hüseynov

1969'cu ildə doğulmuş milliyyətcə ləzgi olan azərbaycan tarixinin ilk olimpiya çempionu. 1992'ci ildə barselonada baş tutan olimpiya oyunlarının cüdo üzrə yarışında ardıcıl olaraq 4 dəfə rəqiblərinə ippon'la qalib gələrək yarımfinala yüksələn idmançı, bu mərhələdə son dünya çempionu yapon cüdoçu tadanari koşinoya, finalda isə hyun yuna qalib gəlmişdir. 1992'ci il parisdə, 1993'cü il afinada keçirilən avropa çempionatlarının qızıl medalçısı, dünya çempionatının gümüş mükafatçısıdır.

laura lippie

fransada bir çox musiqi festivallarının qalibi olmuş ifaçı. diskoqrafiyası iki albomdan ibarətdir.

(youtube: )

carol anne mcgowan

folk-noir tərz treklər ifaçısı olan gözəl səsə malik irlandiyalı musiqiçi, bəstəkar.

(youtube: )

scientific dreamz of u

techno/acid-house/industrial psixodelik tərz treklərə sahib kollektiv.

(youtube: )

nneka

almaniyada soul/reggae tərzləri üzrə musiqi fəaliyyəti göstərən nigeriyalı musiqiçi. ümumi 6 albom müəllifidir. 2008'ci ildə çıxardığı "walking" adlı single'ı yaradıcılığının trekopiki hesab etmək olar.

(youtube: )

kocani orkestar

balkan brass adlanan tərz repertuara malik makedoniyalı musiqi kollektivi.

(youtube: )

stelvio cipriani

1937'ci ildə romada doğulmuş italyan bəstəkar. 1960-70ci illər ərzində 60'dan çox italyan filmində bəstələri soundtrack kimi səslənmişdir.

(youtube: )

marta

qadın futbolunun pele'si adlandırılan, 5 dəfə dalbadal dünyada ilin futbolçusu mükafatını qazanmış braziliyalı qadın futbolçu. 2004'cü ildə 20 yaşadək qadınlar arasında keçirilən dünya çempionatının yekununda 19 yaşında olarkən qızıl top mükafatını qazanaraq qadın futbolçular arasında ən gənc yaşda bu mükafatı qazanan oyunçu kimi tarixə keçmişdir. 2007'ci il qadınlararası dünya çempionatında "qızıl buts" laureatı olmuşdur. afina və pekin olimpiadalarında yığma komanda tərkibində gümüş medalların sahibidir.

alex morgan

gözəlliyi ilə məşhur 27 yaşlı amerikalı qadın futbolçu. yığmanın heyətində dünya və olimpiya çempionu adına sahibdir. dəfələrlə ölkəsinin ən yaxşı futbolçusu mükafatını qazanmış, 2012'ci ildə isə qadınlar arasında "qızıl top" mükafatına namizəd göstərilən 3 futbolçudan nəfərdən biri olmuşdur.