miles morales

marvel aləmində yüzlərlə paralel kainat mövcuddur. bu paralel kainatların ən məşhuru isə ultimate universe-dir. nömrəsi isə earth 1610-dur. sözügedən kainatda yaşayan spider-man peter parker öldükdən sonra onun yerinə miles morales yiyələnir və kainatın hörümçək adamına çevrilir. daha sonra, age of ultron komiks seriyası zamanı wolverine keçmişə gedərək ant-man-i öldürür və aləm dəyir bir-birinə. belə olduqda, kainatlararası yırtıqlar və zamanda qırılmalar baş verir. nəticədə earth 616 (marvel ana kainat) aləminin galactus-u ilə miles morales qarşılaşır. secret wars ərəfəsində the beyonders adlı irq bütün kainatları məhv edir. latveria dövlətinin hökmdarı doctor doom kainatların qalıqlarından yeni dünya yaradır (baxma: battleworld). məhz bu hadisədən sonra komikslərin qaradərili hörümçəyi miles morales marvelin ana zaman xəttinə daxil olur. sonralar anad avengers komandasına qoşulur.

jaba

əsl adı silvino joao de carvalho-dur. jaba ləqəbi altında çıxış edən braziliyalı futbolçu. ankaragücü komandasında oynamış futbolçu, 2009-da bakı komandasına transfer olub. 60 oyuna 17 qolla yadda qalıb. 2012-də bakı-dan ayrılıb bu dəfə antalyaspor komandasına üz tutur. daha sonra 2014-15 mövsümündə yenidən bakıya dönür. bu dəfə uğursuz olur və 20 oyunda rəqib qapıların torunu bir dəfə belə olsun silkələyə bilmir.

not: vaxtilə babamla oturub baxırdım. indi nə jaba var, nə bakı fk, nə də babam...

azərbaycan liqasında oynamış ən yaxşı legionerlər

(baxma: georgi adamiya)
(bax: badri kvaratsxeliya)

marvel universe

Earth 616 (Marvel Kainatı)
Marvel kainatının başlanğıcı!

Marvel Comicsilk dəfə 1939-cu ildə Martin Goodman tərəfindən Timely Comics adı altında öz fəaliyyətinə başlamışdır. 1951-ci ildə Atlas Comics olaraq öz yoluna davam etmişdir. Nəhayət, 1961-ci ildə Marvel namını alaraq - Stan Lee, Jack Kirby, Steve Ditko və s. dahi komiks ustadlarının əvəzolunmaz səyi nəticəsində günümüzün hegemon KOMiKS şirkətinə çevrilmişdir.

ilk olaraq 1939-cu ilin aprelində Motion Picture Funnies Weekly #1-də Marvel Comics rəsmi fəaliyyətə qədəm qoymuşdur. 1939-cu ildən etibarən start götürən və əsas hadisələrdən bəhs edən kainat EARTH 616 ( DÜNYA-616 və ya KAiNAT-616) adlanır. Marvel komiks hekayələrinin kanonik olaraq cərəyan etdiyi kainat məhz Earth 616 adlanır. Digər bütün alternativ kainatlar, film kainatı ( MCU), animasiya kainatı və hətta oyun kainatları isə kanon sayılmır. Sadəcə və sadəcə, Earth 616 ilə bağlantıları olan bəzi paralel dünyalar, ölçülər və s. canon siyahısına daxildir. Earth 616 dediyimiz zaman Marvel Kainatı (Marvel Universe) nəzərdə tutulur. Earth 616 kainatının ilk rəsmi personajı isə Atlantidanın dəlisov kralı NAMOR-dur.

■ Ümumilikdə, Marvel nəşriyyatı yayımladığı hekayələrdə, hadisələrin cərəyan edən kainatlara - müxtəlif nömrələr (adlar) verərək, onları bir-birindən fərqləndirir.

Earth 616 konsepti, əslində yaşadığımız dünyanın fantastik versiyasıdır. 82 il ərzində minlərlə personaj, onlarla dövlət, planet, ölçü (boyut) və yüzlərlə hekayə yazılıb-yaradılmışdır.

Earth 616 reallığının texnologiyası bizim dünyaya nəzərən daha çox inkişaf edib. Kainatda cadu, paralel aləmlərə keçid və hətta yadplanetlilər belə mövcuddur. Hətta dünyamızın insanları UFOlardan xəbərdardır. Tony Stark kimi zəngin və superdahilər, 51-ci zona (Area 51) kimi gizli sahələri satın ala, bu ərazilərdə öz eksperimentlərini həyata keçirə bilər. Bir sözlə itib-batacağınız ucsuz-bucaqsız fantastika arqumentlərini özünə cəmləşdirən Marvel Kainatı!

lord of hell

Hell adlandırdığımız Cəhənnəm, Mephisto-nun davamıdır. Əgər Mephisto-nu öldürsən, onda Cəhənnəmi-də məhv etmiş olarsan !

Həmçinin Mephitso qavramsal bir varlıqdır. Onu məğlub etmək qaranlığı da öldürmək deməkdir. Bu isə kainatda tarazlığın pozulmasına gətirib çıxarar.

Cəhənnəm və Cənnət hər zaman bir-biri ilə rəqabət aparmalıdır. Şeytanlar və mələklər hər zaman düşmən olmalıdırlar. Yoxsa Multiverse-in zaman ilməsində qırılmalar baş verər!

P.S. Marvel Comics öz nəşr etdiyi komikslərdə şeytanlara və iblislərə çox önəm vermir. Məsələn DC Comics bu sahədə çox böyük uğurlara imza atmışdır. Təkcə Lucifer Morningstar və John Constantine komikslərində çox önəmli hadisələr cərəyan edir. Şəxsən Mephisto kimi bir varlıq Hyperversal bir tier-də qərarlaşmalıdır. Hell-in əsil liderlərindən biri və Ghost Rider-in ruhunun sahibi Zarathos-da önəmli məsələdir.

Şeytanlar mövzusunda DC daha üstündür.