yazarların ən sevdiyi anime personajları

(baxma: kujo jotaro)
jojos bizarre adventures'in əsas obrazlarından biri. uzun plaşlı və qəribə papaqlı bu 17 yaşlı gənc star platinum adlı stand'a(zehnin qüvvəsinin antropomorfik formaya bürünməsi) sahib olmuşdur. ən sevdiyim xüsusiyyəti anime boyunca digər obrazlar hadisələrə həddindən artıq reaksiya versələr də, o soyuqqanlılığını qorumağı bacarır. çox yaxşı qəlbli biri olsa belə, böyüyüb ailə qurduqdan sonra soyuqqanlılığına bura da yansıdır. qızı jolyne ölümlə üz üzəykən o dünyanın o başında iş həyatının önəmli olduğunu vurğulayıb ortalıqda görünmür. sonralar arvadıyla boşanmış və jolyne buna görə böyük travma almışdır. soyuqqanlılığı çox vaxt zəfər əldə etməsinə səbəb olsa da, bəzən ailəvi münaqişlərə səbəb olub. və öz qızının başına gəlmiş fəlakətdən qurtarmağa çalışarkən enrico pucci tərəfindən ikiyə yarılaraq öldürülmüşdür

bu obrazı sevmə səbəbim məni yansıtmasıdır. normalda bəzi personajlara aşiq olub onun kimi olmağa çalışırıq. amma iş burasındadır ki, o mənə oxşayır. anime boyunca eləbil özümə baxırdım. o soyuqqanlılıq, o qaşqabaqlılıq. və ən əsası soyuqqanlılığına görə bəzən sevdiyin insanlara dəyər verməyi unutmaq..

tısbağa

çox hissəsi yavaş hərəkət edən zirehli heyvan növü. yumurtlama yoluyla nəsil artırırlar. ən sevdiyim heyvan növüdür özü, illər boyu fərqli cür tısbağalar yetişdirmişəm. siz hər nə qədər onu göz önündə görmək istəsəniz də, o mütləq gizlənməyə yer tapacaq. suda yaşayan növünü böyük akvariumda saxlamağınız tövsiyyə olunur. çalışın yeri dar olmasın. üstəlik çıxıb istirahət etməsi və qurulanması üçün platforma yaradın. sadəcə suyla doldurmayən akvariumu. ilk başlarda sizdən qorxacaq, yem yeməyəcək və hərəkətsiz dayanacaq. biraz vaxt verin onlara. onsuzda normaldada elə hərəkətli heyvan deyil lakin sahibini yaxşı tanıyır zamanla. tısbağa yaxud balıq yemindən əlavə təbii qidalarla da bəsləyin. mən yay vaxtı milçəkləri öldürüb akvariuma atırdım diri udurdu. birdə bunlarda qış yuxusu söhbəti var. bu məsələyə görə çox tısbağanın ölümünə səbəb oldum. bir dəfə quruda yaşayan növü var idi məndə həyətdə baxırdım ona. havalar soyuyanda getdi girdi siçovulların yuvasına yatdı. siçovullarda onu gözəlcə parçalayıb öldürdülər. gərək bu siçovullarada ayrı entry yazım. əllərindən çox çəkmişəm. quru tısbağalarının meyvə tərəvəzlə arası yaxşıdı. çalışın susuz qoymayın onları. özlərini evlərində hiss etsinlər deyə çox stressli məkanda saxlamayın və həssas davranın

sonic the hedgehog

mavi kürk və tikanlara sahib bu antropomorfik kirpi qırmızı ayaqqabılarıyla səsi aşacaq sürətlə qaçaraq, ətrafdakı qızıl üzükləri toplayıb əzəli düşməni olan dr.eggman və onun ixtiralarıyla mübarizə aparır və chaos emeralds ları əldə etməyə çalışır. çünki dr.eggman'də eynilə onun kimi xaos zümrüdlərini əldə edib güclənmək və öz hakimiyyətini qurmaq istəyir. bu yeddi zümrüdü əldə etmək istəmələrinin səbəbi, ona sahib olan şəxsə böyük miqdarda güc bəxş etməsidir. bütün bunlara baxmayaraq sonic hər dəfə zümrüdləri toplayır və formlarından biri olan super sonicə çevrilib üstün gücü əldə edir və robotniki darmadağın edir. abırsız kimi eggman yenedə əl çəkmək bilmir. ən yaxın dostu cüt quyruq tülkü miles tails 'la sonradan tanış olmuş və knuckles the echidna'nı məğlub etmiş və yaxınlaşmışdır. oyunun çıxdığı ilk andan bu günlərə qədər sonic fərqli cür çəkim tərzlərinə sahib olmuşdur. son çıxan oyunları həqiqətən pis vəziyyətdədir. əvvəlki oyunların dadını vermir. sırf pul qazanma məqsədiylə hazırlandığı deyilə bilər. sadəcə xəyal qırıqlığı. gələn təklif və istəklərə nəzərən filmi çəkilmişdir. sonici real həyata uyğunlaşdırma cəhdi ilk səfərdə bəyənilməmişdi və gülməli görünürdü. ikinci çəkilən halı daha xoşa gələn olaraq qəbul edildi və film böyük qazanc əldə etdi. bundan ilhamlanaraq yaradıcılar filmin ikinci və üçüncü hissəsinidə çəkməyə qərar verdilər. hər şeyə rəğmən sonic yekdi və uşaqlığımın qəhrəmanı olaraq qalacaq

sezar salatı

təcrübələrimə əsasən zapar anında yunan salatından sonra hazırlana bilən ən asan salat. əsasən krivetkalı və toyuqlu olaraq iki versiyası mövcuddur. işlədiyim yerlərin hər birində fərqli cür hazırlansa da, əsas elementləri dəyişilməzdir. iceberg kahısı sezar sousuna bulanaraq yavaşca, zərər verilmədən qarışdırılır və servis ediləcəyi qabda koma halda yığılır. qızardılmış toyuq filesi uzun formada 4-5 tikəyə bölünüb o komaya ikiyə bölünmüş iki cherry tomatoyla birgə söykədilir. əgər krivetkalıdırsa qızardılıb düzülür. krivetka tez qızaran şey olduğu üçün diqqətli olunmalıdır. üstündən suxarı səpilir, ən başına da rəndələnmiş az miqdarda parmezan pendiri səpilib servis edilir. amma baş açmıram ki camaat bunun nəyinə pul verir. ən mənasız salatdı mənə görə

yazarların hazırda harada olub nə etdikləri

istirahət məqsədiylə rayona gəlmişəm guya. indidə həyatı sorğulayıram. fərqli bir topluluğun içinə düşmüşəm. soyuducudakı yumurtaların arasında qalmış yarım limon kimiyəm. oturub toy kasedlərinə baxırıq. mənə deyirlər sən nə vaxt tərpənirsən? səbəb? bunlar oynamağa toy axtarırmış. zarafat etmirlər. ciddi-ciddi deyirlər. qızını mənə vermək istəyən bibi var idi. qızı məndən 10 yaş balacadı. deyir böyüyəcək alarsan. eləbil məhsul zad alıram. başqa taliplərdə var imiş. deyəsən şəhərdən gələnlərə böyük adam kimi baxırlar. arada çıxıram gəzirəm belə maraqlı yerdi. insanları çox istiqanlıdı. arada ayaq uydurmaq üçün onların ləhçəsindən istifadə edirəm. bu dəfə inək zad otarmağa getməsəmdə, ağac doğramağa göndərdilər. ağacla biryerdə əlimidə doğradım. balta eləbil m.ö qalıb. günəşin altında gəzməkdən irqim dəyişdi.