Injohny


36   4   0   0
Injohny 2.nəsil partizan
reytinq xalı: 4293
karma xalı:1992
entry sayı:36
izləyənlər:25
sifariş sayı:1

son yazdıqları| | əl əməyi göz nuru| favori seçdikləri| favori seçilənləri| bütün entryleri| saxlanılanlar| lövhə/blog


son həftə yazdığı ən əjdaha entrylər:


yazarların paylaşmaq istədikləri şeirlər +16 əjdaha avatar
Gözlərindən öpərəm dodaqlarından sənin,
Şirin sözlər asaram qulaqlarından sənin,
Saçını oğurlayıb daraqlarından sənin,
Saxlayaram cibimdə.
gizli-gizli qoxlaram.
Yandıraram gecələr, gəlirsənmi yoxlaram...

Əllərindən tutaram,
biləyindən öpərəm,
Saçlarının gül qoxan küləyindən öpərəm,
Məni müqəddəs bilən ürəyindən öpərəm,
Öpərəm ki,
biləsən mən müqəddəs deyiləm,
Nə var məndən qaçmağa,
mən ki qəfəs deyiləm...

Qırmızı kəmturş şərab badələrə süzülər
Zarafatlar uzanar, ürəyim üzülər...
Barmaqlarım tələsər,
düymələrin çözülər,
Içimə bir od düşər,
titrəyər ayaqların,
Süd yolunda dincələr qurumuş dodaqlarım...

Ürəyimin parası,
gözümün bir tikəsi,
Məni yaman qorxudur dinməmək təhlükəsi.
Mən özündən razının, eqoistin yekəsi,
Sən zəriflik tanrısı,
qadının ötəsisən
Bütün xoş şeylər kimi səndəmi bitəsisən ?

yazarların paylaşmaq istədikləri şeirlər +10 əjdaha avatar
bacarsaydım mən sənə elə şeir yazardım
heç kəs heç vaxt heç cür belə şeir yaza bilməsin
bacarsaydım səni ürəyimə elə cızardım
heç kəs heç vaxt heç cür səni ordan poza bilməsin
bacarsaydım səninçün səsləri dəstələyərdim,
mahnı bəstələyərdim.
sözləri mənim adım musiqisi sənin səsin
qulaq asan hərkəsin qoy ürəyi titrəsin
elə musiqi olsun ki bütün ürəklərə yatsın
elə musiqi olsun ki, bütün donmuş ürəklərdə
ancaq,ancaq və ancaq
sevgi hissi oyatsın,
ən birinci də səndə.
bacarsaydım , dünyanın bütün varını sənin,
ayağının altına xalı kimi sərərdim.
istədiyin ölkənin,
istənilən yerinə aparıb gətirərdim.
hər zirvəyə çıxardıq, hər dənizdə üzərdik
hər səhranı gəzərdik,
hər yerdə sevişərdik.
hər yeməyin, hər içkinin, hər şeyin
dadın biz bilərdik.
sevgi ilə əhatə edərdim səni.
bacarsaydım sənin üçün zamanı dondurardım.
saat əqrəblərinə böyük qıfıl vurardım
zaman axmasın qoy!
heç kəs həsrət ilə dönüb, keçmişə baxmasın qoy!
həmişə indi olsun.
həmişə gələcək olsun
həmişə sən olasan
həmişə saçların olsun
dodaqların boynumda 
başın çiynimdə olsun


sənin ömrünə zaman təsir edə bilməsin
gözəl çizgilərini vaxt heç zaman silməsin.
həmişə belə gözəl qal.

bacarsaydım ölümün özüylə yarışardım,
əzrayılla tutuşub,ölüncə vuruşardım,
qoy, canını almasın.
o haqsız siyahıya səni heç vaxt salmasın.
məni unutduğun tək
o da səni unutsun.
tutub əzraili bərk bərk
qoymazdım səni tutsun.
ilk əbədi yaşayan insan edərdim səni
hər gün ömrümün sonuna dək
sənə sevdiyimi deyərdim.

bacarsaydım əgər söz kitabından
bir kəlimə çıxarardım
bir kəlmədə pozardım
sevgi sözünə xətt çəkib sənin adını
sevmək sözünün yerinədə öz adımı yazardım

...amma dediklərimi bağışla bacarmıram




heç vaxt xoşbəxt olmayacaq insanlar +16 əjdaha avatar
Aşağıdakını yazan şəxsdir.

Gözlərimi qapatdım ki, gizlənəsən, ağlıyaq
"Alma" desəm gələcəkdin,
"Alma" dedim, gəlmədin.
Hanı birgə əl sallayıb öpəcəkdik qürubu
axşam düşdü, ay göründü, su duruldu,
gəlmədin...

Söylə indi kainatın hansı məhbəsindəsən?
Söylə görüm bulud varmı,
yağış varmı orda da?
heç olmasa, ax insafsız...
əllərin də yoxdu ki,
axşam-axşam darıxanda
adam tuta, ovucunu bir gul kimi qoxlaya...

Heç unuda bilmədim ki saçlarının rəngini
o qədər çox sevərdim ki saçına söz düzməyi;
indi mənim dünya boyda bağlı ayaqqabım var
səndən sonra
tərgitmişəm ayaqyalın gəzməyi.

Üstüm, başım, ev-eşiyim, sər-səliqəm, sahmanım
Nə gülməsi, nə qəh-qəhə, əcəb ağıllanmışam;
Aya da vaxt ayırıram, günəşə də yetirəm
amma yenə dolmur zaman,
sən gedəli bomboşam....

Hamı, hamı - uşaq, böyük, hamı mənnən razıdı
gecələrin sükutunu pozmaq nədi, bilmirəm;
Axşam düşdü, salam məleyk, ən birinci evdəyəm
küçələrdə veyil-veyil gəzmək nədi,
azmaq nədi, bilmirəm.

Sən gedəli əməllicə düzəlmişəm, gördüyün
Məni pozan sən imişsən,
hamı belə danışır;
Bircə sənin o gözlərin, o gözlərin olmuya
xəyalıma gələn kimi bütün nizam qarışır.

Hər şey, hər şey qaydasında,
amma belə qəribə
günlər gəlir keçir, gedir,
yadda qalmır amma ki.
Sən gedəli...
necə deyim, qoy lap düzün deyim də:
Sənsiz adam olmaq olur,
Sənsiz olmur amma ki...