kofi annan

bir suyu morgan freemana dəhşət oxşayan və 10 ilə yaxın b.m.t-nin baş katibi olmuş siyasi xadim. b.m.t.-nin ən nüfuzlu baş katiblərindən biri olub. nə ondan sonrakı pan gi mun , nə də ki , cənab pandan sonra gələn adını unutduğum portuqaliyalı onun qədər çəkili bir xadim deyil. hətta hələ də davam edən suriya hadisələrinin təzə vaxlarında, onu tərəflər arasında vasitəçilərdən biri kimi təyin etmişdilər. düzdü sonda heç bir nəticə əldə edilmədi amma yenə də adamın azdan çox siyasi xarizması olub.

philips

çox az istifadəçisi olan bir hoılandiya şirkəti. bir "hollandiya simensi" də demək olar. bəzi mallarından istifadə etmişəm. xüsusiylə qulaqcıları barədə demək istəyirəm ki, çox dözümlü və daşdöyən olurlar. baxmayaraq ki ,bəzi nüanslarda sony və beast kimi marakalara uduzur. son aldığım qulaqcığı kompaktlığı , dizyanı və keyfiyyəti məni çox sevindirir. heyif ki, səsi zəifdir gözlədiyimdən.
bəzi telefonları hətta gözləmə müddətində 170 gün enerji saxlayır. amma yenə də fikrimcə istənilən samrtfon və lcd tv sahəsində asiya ölkəri və a.b.ş.-a uduzur , xüsusən qiymət faktorunu nəzərə aldıqda.
əgər bu markanın məhsullarından almaq istəniz, bakıda music gallery mağazalar şəbəkəsində bu firmanın məhsulların çox rast gələcəksiniz.

despacito

bir latin amerika mahnısıdır. klipi youtube-da ən çox izlənən videoların artıq başında gedir. hal-hazırda izlənmə sayına görə ikinci pillədə "wiz khalifa - see you again " , üçüncü pillədə isə " psy - gangnam style " mahnısının klipidir.
"see you again" klipi paul walkerə ithaf olunduğu üçün çox aktual idi. "gangnam style" isə klipi, rəqsi və mahnısı ilə çox xarizmatik idi deyə yüksək baxış saylarını anlamaq olurdu. amma bu klipin baxış sayının belə vəhşi sürətlə artma tempi mənə çatmır açığı.
ümumiyyətlə youtubeda ispan dilli ölkələrin mahnı klipləri həmişə aşırı populyar olur. görünür ispan və portuqal dilinin bir çox ölkələri əhatə etməsinin də burada payı az deyil.

sadness

bu sifarişi verən: fövqəl insan
90ların məhşur musiqi qrupu olan enigmanın ən hit mahnısıdır. Eləcə də , Azərbaycanda da çoxları tərəfindən sevilən bir mahnıdır. Qaqaların öz babat baslı səsgücləndiriciləri olan maşınlarında səsləndirdiyi , bəzi gənclərin valkmenlərdə qulaq asdığı bir mahnı. Fikir vermişəm müxtəlif musiq zövqü olan insanların zövqünün kəsişdiyi mahnılardandır. Tanıdığım çox insan tərəfindən sevilir və bəyənilir. Mahnı ilə aşağıdakı linkdən tanış ola bilərsiniz.

(youtube: )

limbo

ən sevdiyim 100 videoyundan biridir. puzzle , macəra , janrlarını özündə əks etdirən , 2d formatında olan bir side-scrollerdir. olduqca eqzotik , az düymə basmaqla çox həzz alacağınız bir indie oyundur. janrının ən yaxşılarından hesab olunur.
oyun əsrarəngiz bir oğlanın , əsrarəngiz bir yerdə gözünü açmasıyla başlayır. personaj tamamən qara rəngədir və yalnız gözləri işıldayır. ümumiyyətlə oyun dünyası bol zülmətli , az işıqlı və bol kölgəlidir. ona görə işıldayan , parlaq və ağ elementlər arxa fonda görsənərkən olduqca xarizmatik və effektiv bit təsir bağışlayır. məhz buna görədir ki, baş personajın gözlərinin işıldamasın , eləcə də , qəhrəmanımızın və oyundakı bir çox canlıların qanlarının isə ağ rəngdə olmasını olduqca gözəl düşünülmüş hesab edirəm. oyunun sonluğu da çox yaxşı alınıb.
qazandığı mükafatlar , uğurlar , kritik rəyləri də çox yaxşı bir işin ortada olmasına işarədir. oyun çıxar-çıxmaz bir çox klonları peyda oldu. amma heç biri bu oyun qədər uğur qazanmadı. oyunu playstation 3 , pc , xbox360 , ios və android platdormaları üçün istifadəyə verilib . android istifadəçiləri üçün oyunun pulsuz demo versiyası belə var.

hamam

çimmək üçün inşa edilmiş bir tikilidir. dünyada daha çox finlandiya (baxma: fin hamamı ), rusiya (baxma: rus hamamı) , türkiyə (bax: türk hamamı )

buena vista

bu sifarişi verən: didier nisma filmlərin distributorluğuyla məşğul olan şirkətdir. walt disney company-nin tərkibinə daxildir. bu şirkətin adına ilk dəfə çox sevdiyim film olan star troopers -ə baxarkən rast gəlmişdim. bir də , dediyim kimi filmlərin çəkimi ilə deyil , distribusiyasıyla məşğuldur.

mobil suit gundam 00

mecha , fantastika , drama janrlarını özündə birləşdirən , hər biri 25 seriya olmaqla 2 sezondan ibarət olan animedir. anime 2007-ci ildə mecha janrının atası hesab olunan sunrise studiyası tərəfindən çəklib.
spoiler vermədən qısa bilgi :
il 2307-ci neft əsri artıq geridə qalmışdır. insanlıq daima gözü önündə olan günəşin tükənməz enerjisindən istifadə etməyə başlamışdır. beləki kosmosda orbital günəş elektrik stansiyası tikilmişdir. yeri bu stansiya ilə birləşdirən cəmi 3 kosmik lift var. hansı ki, hər biri bir eneeji blokuna birləşdirilib. artıq bu liftin sahibi ölkələr 1) union (keçmiş a.b.ş) ; 2) human reformist alliance (rusiya,çin,hindistan) 3) aeu (avropa ölkələri) enerji sektorunda əsas söz sahibidirlər. azadistan kimi bir çox neft ölkələri isə aclıq, səfalət və vətəndaş müharibəsi içərisindədirlər.
bu animedə bir vaxtlar zəngin olan, azadistan kimi iri bir neft ölkəsinin taleyinə nəzər yetirərkən, bizim dünyamızdakı neft ölkələrinin düşdüyü vəziyyətin heç də, azadistanın düşdüyü vəziyyətdən fərqlənmədiyi adam gün kimi aydın olur.
elmə, pul xərcləmək lazımdır , cırt-pırta yox. çünki, bilgi gücdür!!!

qambuziya

bu sifarişi verən: çernyayevski
sanki hansısa afrika ölkəsinin adıymış kimi səslənsə də , əslində bir balıq növüdür. latınca adı (baxma: gambusia)-dır. əsasən şirin su hövzələrində yaşasalar da , bəzi növləri duzlu sularda da yaşayır. avstraliya , çin, rusiya və qafqaz zonasında geniş yayılmışdır. hətta ditdililərlə apardığı mübarizəyə görə bu balıqlarçün (baxma: soçi) -də abidə də ucaldılıb.
açığı uşaqlıqda bu balığın adını mən qambuzik bilirdim. bu balıqla bağlı bir mini-xatirəm də var. deməli, bir dəfə məndən 3 yaş böyük olan məhləuşağı "cındır yaşar" -la birgə məhləmizin qamışlıq olan ən aşağı hissəsinə qambuzik tutmağa getmişik. qambuzik , qambuziik tutacayıq olley deyə-deyə gəldik qamışlığa. nəysə qamışlığın yanındakı gölməçədən bapbalaca , qara, spermavari bir canlını tutub , içi təmiz su olan bir balaca bankəyə qoyduq. evə gedib bankənin ətrafında dönür, cörək qırıntıları tökərək yedirməyə çalışırdım. sonra atam o bankədəki spermavari varlığın qambuzik deyil də, qurbağa balası olduğunu dedi. siluetini gözümün qabağına gətirdiyim yaşarı söyə-söyə bankədəki qurbağanın belə demək mümkünsə başını buraxdım.

ella rubençik

2000-lərdə şou-biznesə qatılan , elə 2000-lərdə də şou-biznesdən ayrılan azərbaycanlı müğənni. Almaniyaya köçərək orada moda sahəsiylə məşğul olan german fashion şirkətinin əsasını qurub. Bəzi müsahibələrindən görünür ki, Azərbaycana hələ də bağlıdır və sevir. Hətta yadıma gəlir verilişlərin birində qazaxıstanda hansısa erməni vətandaşla qarabağ mövzusuyla bağlı mübahisəsi düşməsi xəbəri yayılmışdı .
mahnılarının kliplərini isə bir qayda olaraq həm həyat yoldaşı, həm də rejissor olan stan rubençik çəkirdi. Rus dilli aksentə malik olduğu üçün sözləri azəricə olan mahnıların ifaları maraqlı və özünəməxsus şəkildə alınırdı.
"sev məni" və "mən səni deyə-deyə" ən sevdiyim mahnılarıdır. Hətta "sev məni" ən sevdiyim azərbaycan mahnılarındandır. Əfsus ki, youtube-da belə tapa bilmədiyim üçün linkini ata bilməyəcəm. "Mən səni deyə-deyə"-nin isə həm azəri (1) , həm də alman (2) dilində olan ifasına isə aşağıdakı linklərdən daxil olub baxa bilərsiniz.
1.

(youtube: )

(youtube: )

aztv

adının haqqını verən kanal. bir kanalda olması gərəkən müsbət nə nüans varsa bu kanalda az və ya yox səviyyəsində . cılız propoqandalarıyla yadda qalan kanal. düzdü bir çox ölkənin dövlət və ya ictimai televiziyası maraqsız olur. amma heç biri bir aztv deyil.hələ bir ara utanmaz-utanmaz balaca oğulunu da dünyaya gətirmişdi. ismi də aztv-2. sonra rəhmətə getdi uşaq.
inanın h.əliyev dövründə yenə biraz yaxşıydı. yadımdadı o vaxtı hətta molla nəsrdəddin satirik tv jurnalı adlı verilişlərini də yaymlayırdılar. şokdaydım aztv və satira, tənqid. sanki aztvnin içinə ans qaçmışdı, cıqqılı ans.
eurovisionda iştirak etmənin əsas şərti kimi ictimai tvnin gərəkli olması idi. hətta avropalılar hakimiyyətə aztvnin bağladılıb yerinə ictimai bir kanalın yardılmasını təklif etmişdilər. rəhbərlik isə aztvni bağlamadı bəzi avadanlıqlarını, zadını köçürdərək itv-ni yaratdı.
deyəcəyim müsbət şeylər arasında nə? harada ? necə? , brain ring kimi yarışmalarını misal göstərmək olar. hətta bir ara yadıma gəlir hansısa mövsümdə non-stop təkrarçılıq olmadan yep yeni filmləri dublaj edərək yayımlamışdılar.
heç bir vədlər, heç bir sərəncamlar məni bu ölkənin dəyişməyinə inandıra bilməz. yalnız aztv dəyişsə bu ölkənin dəyişəcəyinə inanacam