minimum əməkhaqqı

Cənab Prezidentin 25 dekabrda “Minimum aylıq əməkhaqqının artırılması haqqında” sərəncamı imzalaması ölkə gündəminə bomba kimi düşmüşdü.
Sərəncam martın 1 dən qüvvəyə minəcəyinə baxmayaraq, biraz erkən tırkaya gedən, gecə gündüz ölkənin kasıb təbəqəsinin gözünə soxan televiziya kanalları , minimum əməkhaqqı 180 manat oldu gedib kef eliyin havası çox da uzun çəkmədi. Sərəncamın qüvvəyə minməsinə az qalmış marketlərdə ərzaq məhsullarının qiymətinin artması gündəmdə sərəncamı üstələdi.
Hökümət dərhal B planının icrasına keçərək Hadi Rəcəblini qabağa verdi. Həmişəki kimi ekslüziv çıxışlarla xalqın, haqqın yanında olan H.Rəcəbli verdiyi müsahibədə əməkhaqqının artmasının əhalinin rifahının qatbaqat yaxşılacağını vurğuladı.
“Tutaqki bir ailədə 2 nəfər işləyir. Bu iki nəfər də iki işdə işləsə, iki vuraq iki neçə eliyir? Dörd. Bunların da 180 manat əməkhaqqı hesablasaq, 4 vuraq 180 720 manat eliyir. Bu pulu mən bir günə zar zor xərcləyirəm.” deyərək, riyaziyyat biliyini də jurnalistə və xalqa göstərən H.Rəcəbli “əvvəllər heş kəndlərdə, qəsəbələrdə su, qaz,işıq kimi kommunal xidmətlər yoxuydu.. biz gətirdik ” deyərək müsahibəsini bitirdi.
“Əvvəllər” isə hansı hakimiyyətin əvvəlləri olduğu naməlum vəziyyətdə.

samsung galaxy s10 və fold

Dünən təqqdimatı keçirilən Samsung Galaxy seriyasının S10 və Fold modellərinin satış qiyməti artıq açıqlanıb.
Funksiyalarını eşidəndə sevinən, lakin qiymətinə gəldikdə isə dodaq çatladan Samsung telefonları indidən hər azərbaycan ailəsində müzakirələrin, ata oğul münaqişəsinin, ər arvad davasının da təməlini qoymuş vəziyyətdədi.
Daha aldığı telefonun krediti bitməyən sıravi vətəndaş, dostlarından, rəfiqələrindən bir sözlə cəmiyyətdən geri qalmamaq üçün bu telefonlardan ən azı birisini almaqda qərarlı.
Bir qədər işi çətin görsənən Həsən (19), 3-4 ay əvvəl texnologiyaya mağara adamı kimi yanaşan atasına zar zor aldırdığı telefonu necə dəyişəcəyini düşünür..intihara qədər bir çox riskli alternativləri gözdən keçirən Həsən, bu işi daha mülayim şəkildə həll etməyin yollarını axtarır.
Günelin (20) vəziyyətin nisbətən ürəkaçan səviyyədədi..atasının qəlbinə uşaqlığından şeytanca girməyi bacaran Günel bu işin çox asan başa gələcəyini , olmadı bir iki dəfə stresə düşsə, işi lap kökündən həll edəcəyinə əmin..
Fold modelinin funksiyalarından söz açmağa ürək dayanmaz, qiyməti kimi..
Samsungdan gələn açıqlamada Fold modelini Azərbaycandan alan şəxs və ya şəxsləri ofislərinə dəvət edib, bu cəsarətinə görə təbrik edib, Galaxy Buds kimi hədiyyələr təqdim edəcəklərini bildirdilər.
Hal hazırda minlərlə, on minlərlə vətəndaş hətta Samsung da artıq bu modelə pul verən şəxsi diqqətlə və dörd gözlə gözləyir..

bna

Bildiyimiz kimi keçən həftələrdə Bakı Nəqliyyat Agentliyi “Tütün məmulatlarının istifadəsinin məhdudlaşdırılması haqqında” Azərbaycan Respublikasının Qanunundan irəli gələn bəzi məsələlərin icrası ilə bağlı layihəyə başlayıb.
Layihəyə əsasən Bakı şəhərində marşrutlardan istifadə edən sərnişinlər öz inqilabi güclərini, vətənpərvərliklərini, haqsızın yanında olduqlarını göstərmək üçün sükan arxasında tütün məmulatından istifadə edən sürücünün məsuliyyətə cəlb edilməsində iştirak edə bilər. Təbii ki, bu cür qəhrəmanca və riskli hərəkətə kimlərin cəhd edəcəyi sərnişinlər arasında maraqla gözlənilməkdə. Hər şəkli qəbul etməyəcəklərini bildirən BNA, aşağıdakı vəziyyətlərdə şikayətin keçərli olacağını da vurğulayıb:
Şəklin keyfiyyətli olmasını, marşrutun qeydiyyat nömrəsini, xəttinin nömrəsini, yaxşı olardı ki, sürücünün adı, soyadı, ata adını almaqları , ən yaxşısı və qəhrəmanca dəyər verəcəkləri isə sürücü ilə selfi çəkdirməsi.
Layihəyə əmək verib bir də təlimat videosu hazırlayan BNA bu işə nə qədər önəm verdiklərini də göstərmiş oldular…
Layihə sosial şəbəkələrdə yayıldıqdan sonra bir çox müzakirələr də səbəb oldu. Sürücünün tərəfini saxlayan kim, qanunun nə qədər lazımlı olduğunu bildirən kim, ümumiyyətlə siyasətə qarışmıram deyən kim…
Müzakirələrə son qoymaq adına bir verilişdə iştirak edən agentliyin sədri Vüsal Kərimli : “Yəni mən də sosial şəbəkələri izliyirəm, orda hansısa vətəndaşın, bizim gözümüzdə sərnişinin hər hansı şikayəti olarsa, dərhal yerinə yetirilsin deyə göstəriş verirəm..qaldı ki, siqarət məsələsinə siqaretdi, içkidi bunlar cana ziyandı..ona görə heç kimə də tövsiyyə etmirəm.öz işçilərimdən sürücülərə qədər..” deyib.
BNA-nın fəaliyyətlərindən danışan V.Kərimli indiyə qədər məqsədlərinin daha çox sərnişinləri maarifləndirmək olduğunu, ancaq bunun daha yaxşı nəticələr vermədiyini, çəkdikləri əziyyətin bəhrəsini görmədiklərini, cərimə kimi alternativlərə yer verəcəklərini də söylədi.
“ölkədə hər dövlət sektorunda olduğu kimi biz də öz daxili dövriyyəmizə malik qurumuq.bizim də işçilərimiz var onlar da evlərinə çörək aparmalıdırlar.” Deyərək sözlərini bitirən sədr daha da müasir, kreativ cərimə üsullarının da yaxın gələcəkdə tətbiq olunacağını vurğuladı…

azərbaycan gənci

Dünən universitetlərin başlamasıyla rayondan Bakıya qayıdan Məhərrəm(22) olduqca fikirli vəziyyətdə. 4 il oxuduğu universitet həyatında dərslərdən çox çayxanalarda, universitetlərin klublarından çox “Game Club” larda vaxt keçirən Məhərrəm artıq bir qərar gəlmək fikrindədir. Rayonda bir qisim qohum əqrəbalarının “universiteti qurtar da tərpən görək” sözlərindən canını zar-zor qurtaran Məhərrəm bir qisim qohumlarının da “buralarda iş güc yoxdu, qaç xaricə” tırkalarıyla artıq Bakı yolundadır.
Məhərrəm axşam dostları ilə həmişəki kimi “o qız belə bu qız belə”, “qaqan istagramda bir qız tutufki”, “Niva”, “Massonlar”(listi uzatmaq olar) kimi global məsələləri müzakirə etdikləri çayxanaların birində görüşmək niyyətindədir. Müzakirə ediləcək mövzu isə çox önəmli və elmə aid olmasa da yanından keçəcək mövzudu. Artıq son kursda oxuyan və universitet bitdikdən sonra “nağayracıyııq a biz” kimi fəlsəfi düşüncələrin təməlini qoymağa başlamış vəziyyətdədi.
Dünən semestrin ilk “ie” sini (bilməyənlər üçün “qaib”) alan Məhərrəm bugünkü qarın da verdiyi ilhamla axşam qızğın söhbət gedəcəyindən əmin şəkildə məkana doğru qəti addımlarla irəliləyir. Neftçilərdə altı moyka üstü çayxana olan obyektin çay evində görüşən Məhərrəm bu müzakirənin müsbət nətəicələnəcəyindən əmin.
Dostlarla olan görüşdən ortaya atılan bir çox mövzunun müzakirəsi qəlyan tüstüsü altında gecənin gec saatlarına qədər davam etdi.
“Qaqa bilirsiz nətəridi? ən yaxşısı ayeltsə (IELTS) hazırlaşıb ölkədən qaçmaqdı..” fikrini ortaya atan və bu dərin müzakirələrə səbəb olan mövzuları yekunlaşdıran Ramiz(22), Məhərrəm və digər dostları tərəfindən alqışlandı.
Davamı olacaq ...

2019

Cənab Prezidentin 2019cu ili Nəsimi ili qeyd olunmasına aid imzaladığı sərəncam öz təzahürünü ilk aylarında göstərməyə başladı. Həmişəki kimi ədəbiyyat aləmi deyil şou biznes aləmi bu diqqət və qayğıya öz münasibətini bildirməyə başladı. ilk addımı elə də tanımadığımız, hətta ümumiyyətlə ilk görəndə “kimdi ala bu?” sifət ifadəsi yaradan Afət Fərmanqızı oldu.
Sözlərini i.Nəsiminin “Sığmazam” qəzəlinin misralarından və musiqisini isə “Tune Maari Entriyaan” dan istifadə edən müğənni buna görə YouTube da “Pəncu Şeş” mahnısının geniş izlənmə sayına çatdığını bildirdi. Mahnını oxuyan (ya da oxumağa çalışan) müğənni toy və xınalardan çoxlu təkliflər aldığını da dilə gətirdi. Televiziya verilişlərində gedən “bu qəzələ bu mahnı yaraşmır axı” müzakirələrinə, onu qınayanlara müğənnidən də cavab gecikmədi. “Mən Nəsimini musiqiylə tanımayanlara tanıtdım” deyən müğənniyə bir çox instagram izləyicisindən də dəstək gecikmədi.
Müğənniyə də bir dəstək də Yazıçılar Birliyindən gəldi. Ədəbiyyata göstərdiyi diqqət və dəstəyinə görə Afət Fərmanqızına təşəkkür edərək, bu addımın digər müğənnilər üçün də bir ilham olacağını bildirdi. Bu sayədə vətəndaşlar Nəsimi deyəndə metro yox, rayon yox, bazar yox şairin də olduğunu öyrənəcəklər.

bakı

3 ildən sonar nəhayət ki, Bakıya da bugün səhər saatlarında qar dənəcikləri düşməyə başladı. Erkən saatlarda güclənməyə başlayan qar Bakı sakinlərində, xüsusilə uşaqlar arasında sevinclə qarşılandı. Bunun ardından diqqət 17-18 yanvar tarixlərini heç gözlənilmədən və nəyə görə tətil edildiyi naməlum qalan Təhsil Nazirliyinə yönəldi. Bəlkə bir ümiddi olar, bəlkə gözlənilmədən bir qar tətili elan edilər deyərək məktəbə yola düşən məktəblilər bügün olmazsa, sabah bəlkə tətil oldu fikirləşərək məktəbin yolunu tutdu.
Gözlənilən açıqlama isə Ekologiya və Təbii Sərvətlər Nazirliyi Milli Hidrometeorologiya Departamentinin Hidrometeoroloji Proqnozlar Bürosundan (bunu yazana qədər anam ağladı ) açıqlama gəldi. Direktor Umayra Tağıyeva öncəlliklə ilk qar sevinciylə bütün Bakı sakinlərini təbrik etdi.U.Tağıyeva bu sevincin çox uzun çəkməyəcəyini 20 fevral tarixində havanın sabitləşəcəyini bildirdi. Əlavə olaraq da bugün ilk qar bəhanəsiylə xoşlandığı qıza yazmağın, 14 fevrala görə küsən sevgililərin barışmaq üçün ən yaxşı bəhanə olduğunu da qeyd etdi.
Psixoloqlar isə ayrıca qeyd edir, Bakı sakinlərinə bügunu pozitiv yaşamaq üçün yağan qara doyunca baxmağı tövsiyyə etdi. Çünki sabahdan məhəllədən tutmuş prospektlərə qədər işə gedərkən yaranan kiçiyindən böyüyünə su yığıntılarına girib neqativ enerji yığmaları iş həyatına birbaşa təsir edəcəyini bildirdilər.