yoxluqdan varlığa keçid

yazarların bu barədə fikirlərini öyrənərək, bu mövzuda fərqli baxış açılarına şahidlik etmək istədiyim üçün açdığım başlıq.
Düşünülmüş və deyimlənmiş olan var olması vacibdir. Çünkü onun var olması mümkündür. Fəqət var olmayanın, heç olanın var olması mümkün deyildir.
Bu halda varlıq vardır. Var olan heçlikdən gəlsəydi gec və ya tez var olmasına hansı səbəb verilə bilərdi? Varlıq ya mütləq olaraq var, ya da heç yoxdur. Əgər indiki halda varlıq varsa deməli həmişə var olmuşdur, sadəcə forma dəyişmişdir. Əgər bir zaman yoxluqdan gəlsə idi onda niyə həmin zaman gəlirdi? Və əgər yoxluqdan gəlsəydi yoxluğun var olma potensialına malik olması lazım idi, onda isə yoxluqda varlıq olacaqdı, yoxluq isə yoxdur. Əgər yoxluq var olsaydı o var olardı yoxluq olmazdı. Varlıq vardır, yoxluq yoxdur. Deməli indiki varlıq mütləqdir, vacibdir, zəruridir və əzəli, əbədidir. Çünki varlıq yox ola, yoxluq var ola bilmir. Sadəcə forma dəyişdirir. Belə olan halda isə Big Bang nəzəriyyəsinə nəzər salmalıyıq. BigBang nəzəriyyəsi bizə hələ ki varlığın özü olaraq bilinən evrenin bir vahid sıxlıqdan partlayaraq böyüdüyünü deyir. Bəs həmin partlayan zərrəcik həmişə mi var idi? Həmişə mütləq olaraq var idisə niyə məhz o an partladı. Həmişə yox idisə ondan öncə nə var idi? Əgər ondan öncə deyə birşey yoxdursa, onda deməli həmişə var olub. Həmişə var olsa idi o zaman partlamazdı. Əgər sadəcə forma dəyişdiribsə, onu o formaya nə gətirib? Burada bəlkə də yaradıcı qüvvə var, amma yaradıcı qüvvə varsa, vardır, deməli varlıq aləmi höküm sürür. Onda yoxluq yenə də heçvaxt olmamış olur.

yazarların sözaltı ilə tanışlıq hekayələri

o vaxtı səlib yürüşləri haqqında məlumat axtarırdım və qarşıma bu saytdakı başlıq çıxdı. girdim sağolsunlar lazımlı məlumat verməmişdilər yadımda qaldığına görə. sol tərəfdə tanrıyla qarşılaşan ateistin ilk sözü başlığını gördüm tıkladım, yazılanları görüb burası buram-buram ateist kokuyor dedim və yazılanların məntiqsiz olduğu düşüncəsi ilə çıxdım. o vaxtdan tanıdım. amma qeydiyyatdan bu hadisədən 5-6 ay sonra keçmişəm.

sən köləsən, sən qorxaqsan, çünki sən ermənisən

puşkin tərəfindən deyilmiş irqçi ifadə. Bir insanın sadəcə olaraq , öz seçmədiyi səbəblərdən dolayı nəticələnən, erməni millətindən doğulması onu avtomatik olaraq kölə və qorxaq etmir. Ola bilər ki qarşılaşdığınız ermənilərin 80%-i qorxaq olsun, və ya erməni millətindən olanlar vəhşiliklər etsin, amma bu onların erməni millətli olduqlarına görə deyil. emosional yox, rasional düşünmək lazımdı bu mövzularda.
əgər qarşılaşdığınız erməni vəhşilik edirsə ((bax: xocalı soyqırımı) ) bu onun uşaqlıqdan mənimsədiyi hadisələr, aldığı təhsil, siyasi işi və psixologiyası ilə bağlı birşeydir, sırf erməni olmasına görə yox. Ermənilər təkcə qarabağda yaşayanlar deyil. Mən türkiyədə yaşayan amma "qarabağın azərbaycana aid olmasını müdafiə edən" ermənilər də görmüşəm. bu ifadəni ümumiləşdirdik də bütün ermənilərə şamil olunur, və düzgün tərbiyə almış, sağlam psixologiyalı ermənilərə qarşı haqsızlıq olur və bu haqsızlığı edən erməni yox siz olursunuz.

ne mutlu türküm diyene

yanlış anlaşılmış şüar. səhv eləmirəmsə bu ifadə mustafa kemal paşaya aiddir. (baxma: sözlük yazı qaydaları nəticəsində paşanın adını böyük hərflə yaza bilməmək)
ilk öncə, hər millət özünəxas gözəldir. ingiliscə desək every nation is unique. Amma bu hansısa millətin hansısa millətdən üstün olması anlamına gəlmir. Hansısa millətdən olan şəxs digər millətdən olan şəxsdən bilik cəhətdən, qabiliyyət cəhətdən üstün ola bilər, amma genelleşdirmək lazım deyil və fikrimcə yanlışdır.
Əgər türk milliyətli biri "ne mutlu türküm diyene" deyirsə bu o demək deyil ki şotland olsaydı mutlu olmayacaqdı. özü seçmədiyi səbəblərdən dolayı türk milliyətli olub və bundan da razıdır, bunda nə pis şey var ki? demir ki ne mutlu çeçen deyilim deyənə, və ya ne mutlu talış değilim deyene. sadəcə sahib olduğundan mutluluk duyur. Burada hansısa millətin hansısa millət və ya millətlərdən üstün olmasına dair heçnə görmürəm və bu cümləni rasist ifadə hesab etmirəm.

insanın mütləq əxlaqi cəhətdən düzgün olması vs bunun bir seçim olması

bizə həmişə deyiblər ki, "yaxşı" ol. adəm övladı da uşaqlıqdan təcrübə qazanır ki, yaxşı iş görsə alqışlanır( pozitiv nəticə), pis iş görsə cəzalanır(neqativ nəticə). Ailədən və cəmiyyətdən əldə etdiyi ümumi əxlaq anlayışını mənimsəyir və istər istəməz vicdanı yaxşılığa doğru gedir ( (bax: məsuliyyət)

graviton

(baxma: mən də sevinirəm ki azad demokratik bir cəmiyyət yaranır)
(baxma: azərbaycanda söz azadlığı tam şəkildədi, heçkim fərqli fikirə görə həbs olunmur, təqib edilmir )
(baxma: tyranny of moderators and admin )
(baxma: istefa)

yalnızlıqdan qaçmaq

bu sifarişi verən: Theeyeschico insanın özünə yadlaşma prosesi. “ancaq yalnız qalmağı bacara bilən insan insandır” demiş Kafka. insan hansı yolda olursa olsun daim özü ilə olmalıdır. Özünə ziyarət etmədən digər yollarda olmaq boşuna və mənasızdır. Yalnız olmaq təkcə bədənsəl baxımdan tək olmaq deyil, ruhən yalnız olmaqdır. Başqa insanlarda cəmlənə bilməmək. Burada qorxulu heçnə yoxdur, sadəcə qeyri-müəyyənliklərlə doludur. Qeyri-müəyyənlik isə həmişə insana qorxu gətizdirmişdir . (bax: ölüm ). Son zamanlar mən də özüm özümlə olmaqdan çəkinirəm. Bilmirəm pandemiyadandır mı, bütün günü evdə olmaqdandır mı daha çox xaricə yönəlikləşmişəm. Narkotik vasitələr, içki özünü unutmağın, özünün özün ilə təkbaşınalığından qorxmağın çəkinməyin vasitələridir.
(baxma: mən həmişə solo oxumuşam, heçvaxt xor oxumamışam- orxan fikrətoğlu )