tokay məmmədov

Azərbaycanın Əməkdar incəsənət xadimi, Respublikanın Xalq rəssamı, SSRI Rəssamlıq Akademiyasının müxbir üzvü, professor, SSRi Dövlət Mükafatı laureatı Tokay Həbib oğlu Məmmədov 1927-ci il iyulun 18-də Bakıda anadan olmuşdur. i. Y.Repin adına Leninqrad Boyakarlıq, Heykəltəraşlıq və Memarlıq institutunu bitirmişdir.
1970-1972-ci illərdə Azərbaycan Rəssamlar ittifaqı idarə Heyətinin sədri olmuşdur.
Heykəltəraşlığın müxtəlif janrlarında (monumental abidə, portret, büst, barelyef və s.) əsərlər yaradır.
T.Məmmədovun ilk əsərləri (“Bakı komissarları”nın, “Partizan Mixaylo”, “S.Vurğunun portreti”, “Nizami Gəncəvi»”və s.) dinamikliyi, ifadəliliyi, plastik formaların orijinallığı ilə fərqlənir.
Monumental heykəltəraşlıq T.Məmmədovun yaradıcılığında mühüm yer tutur.
Ü.Hacıbəyovun (tunc, qranit -1960), M.Füzulinin (Ö.Eldarovla birgə tunc, qranit -1962 ), M.Əzizbəyovun (tunc, qranit - 1977), i.Nəsiminin (i.Zeynalovla birgə - tunc, qranit - 1979) və b. plastik ahəngdarlığı, obrazın psixoloji vəziyyətinə münasib forma seçilməsi baxımından dünya heykəltəraşlığının ən yaxşı nümunələrindəndir..

Tokay Məmmədovun 1960 cı ildə yaratdığı Üzeyir Hacıbəyovun heykəlin hündürlüyü 2,9 metrdir və tuncdan tökülüb.Heykəl bəstəkarın adını daşıyan Bakı Musiqi Akademiyasının önündə ucaldılmışdır.Memarı isə Q.Muxtarov olmuşdur.

saminlər

Samin etnik qrupu

Samin etnik qrupu Holland müstəmləkəçilərinə qarşı mübarizə apararaq Kendeng dağlarına çəkilərək illərdir orada yaşayan, indoneziya dövlətini, xüsusilə də texnologiya, təhsil və digər millətlərlə ünsiyyəti, əlaqəni qəbul etməyən etnik qrupdur. Samin adı buradakı Ploso Kedhirendə 1859-cu ildə doğulan Samin Surontikonun adı ilə bağlıdır. Onun dəyərlərinə sadiq qalıb bu günə kimi yaşadırlar. Osamin Surontiko sıx tik ağacları ilə əhatələnən Randublatung kəndində XIX əsrdə yaşamışdır. Onun arqumenti belə idi:”Külək, su, torpaq, ağac dövlət tərəfindən yaradılmayıb və dövlət onları sahiblənə bilməz!” Onun bu arqumenti tezliklə böyük hərəkata səbəb olmuşdur. Beləliklə hollandlar onların ərazilərinə baxmağa gələndə onları qovmuş, qətiyyən dədə-baba torpaqlarına görə hollandlara vergi, cərimə ödəməmiş və onlar üçün işləməmişdilər. Saminlərin elm və təhsil haqqında düşüncələri: insan həyatını yaşamalıdır, zövq almalıdır. Onun təhsili və təlimi hər zaman şiddətə və vəhşiliyə qarşı olmalıdır. Müqavimət göstərmək üçün onlar sakit qalmalı, mövqey müdafiə etməli və ya tərəf tutmalı və mübahisə etməlidir.

Saminlərin “PANDOM URiP” təliminə əsasən bəzi prinsiplər var. Bunlardan Angger-angger Pratikel, ( özünü aparma və davranışı ) insanlara qarşı kobud olmağı, nifrəti, qısqanclığı, paxıllığı, hirsi, əsəbi, əsəbləşdirməyi, qumarı, acgözlülüyü, icazəsi olmadan digərinə toxunmağı qadağan edir və qəbul etmir.

Angger-angger Pangucap, ( Danışıq qanunu ) Danışan insan öz danışığını 5, 7 və 9 nömrələri arasına yerləşdirməlidir. Belə ki, insan ağzından çıxan sözlərə diqqət yetirməli, digərlərinin qəlbinə toxunacaq sözlər istifadə etməməlidir.

Angger-angger Lakonana, ( Hərəkət qanunu ) insan səbrli olmalı, hərəkətlərinə fikir verməlidir.

Saminlər üçün bu təlimin 4 prinsipindən başqa yerli təhsil ilə bağlı daha 4 prinsip də var.

1) Pangganda- burada ganda sözünün mənası iy, ətir deməkdir. Həm yaxşı ətir, həm də pis ətir var. Əgər ətir yaxşıdırsa, davam etməli, pisdirsə tərhal tərk edilməlidir.

2) Pangrasa-özündə iki şeyi ehtiva edir. Doğru hiss və yanlış hiss. Əgər hiss doğrudursa davam etmək lazımdır, günahkar hesab edirsinizsə və yanlış olduğunu düşünürsünüzsə tərk etmək mütləqdir.

3) Pamgrungon-mənası eşitməkdir. Özündə iki şeyi ehtiva edir. Yaxşı və pis eşitmək.Əgər eşitdiyiniz yaxşıdırsa davam etməli, pisdirsə tərhal tərk edilməlisiniz.

4) Pangawas-mənası görməkdir. Özündə iki şeyi ehtiva edir. Yaxşını və pisi görmək.Əgər gördüyünüz yaxşıdırsa davam etməli, pisdirsə tərhal tərk edilməlisiniz.

azərbaycanda həkim olmaq

"Bacımı qadın problemi bağlı həkimə apardıq. Həkim bildirdi ki, ginekoloji müdaxilə lazımdır, elə də ciddi bir şey yoxdur. 10 dəqiqəlik bir işdir. Bitən kimi də evə gedərsiz. Dəfələrlə həkimlə danışdım və bildirdi ki, narahat olmağa əsas yoxdur, maşında oturub gözləyim, on dəqiqəyə özü gələcək. Bacımı bizdən alıb apardılar .

10 dəqiqə bir saat oldu, xəbər çıxmadı. Heç kim də heç bir məlumat vermir. Bir də dedilər ki, baş həkim sizi çağırır. Getdik , əvvəl bir on dəqiqə nəsə danışdı. Nə biz, nə də özü anlamadı nə dediyini. Axırda əlqərəz edib dedi ki, həkim səhvən (bilmirəm bu səhvən necə olur) xəstəmizin şah damarını kəsib bəs qanı dayandıra bilmirik. Həyəcanlanmayın, panika yaratmayın . Qan gedir, xəstə də gedir çalışın qan tapın. Hansı anaya bunu deyəsən və normal qəbul edə? Anam bir yanda ürəyi sıxıldı qaldım ortada tək bilmirəm hara, kimə qaçam.
Qan bankına göndərdilər həkimin köməkçisi ilə qan alıb gəldik. Səhər 11də başlayan əməliyyat axşama yaxın 16:00-da bitdi. Dəhlizdə hamı qaçır, qaçan hamı da əməliyyatxanaya girir. Yaşadığımızı heç kimə nə arzulamıram, nə də heç kim bunu təsəvvür edə bilməz. Artıq bir güclə damarı bərpa ediblər guya. iki gündür də reanimasiyadan çıxartmırlar.
Bu gün bacım biraz özünə gəlib, onda da tez deyiblər ki, qan bankına borc var gedib valideyinlərin ödəsin, bir də gəlib həkimi görüm baxım etsinlər. indi burda qan borcu ödəyirik. Hansı ki, həkimin səhvinə görə az qala bacımın həyatını itirəcəkdik. Və üstəlik də buna təşəkkür kimi həkimə 650AZN-lik görüm-baxım etməliyikmişik.

© Çinarə Ömray

smart customs

Dövlət gömrük komitəsinin və ya hər hanısa bir dövlət orqanının görüb görə biləcəyiniz ən bərbad, adamı əsəbi edən, rəzalət, biabırçı xidməti proqramı və ya app-i.

Hər dəfə asan login adı qoyduqları kabinetə giriş yöntəmindən iatifadə etmək lazımdı, hətta arxa fonda proqram 1 dəqiqə istifadəsiz qalanda yenidən sizdən giriş etməyinizi istəyir və bu da bəyənnamə əlavə edən adamın əsəbini tarıma çəkməkdən başqa birşey etmir. Hələ robot olmadığımızı təstiq etmək üçün olan bölməni demirəm.

1 ay öncəsinə görə çoxdu düzəltmələr, amma hələ ki, lazımi yerə çatmadığını düşünürəm, hələ ki, giriş və istifadə rahatlığı barədə bu qənatə gəlmək olar.

olimp

Olimp və ya Keşiş dağı Yunanıstan ərazisində yerləşən dağ silsiləsidir.

Olimpin ən yüksək nöqtəsi dəniz səviyyəsindən 2917 metr yüksəklikdə olan Yunanıstanın ən yüksək zirvəsi olan Mytikas dağıdır.

Qədim Yunan mifologiyasında Olimp Zeusun rəhbərlik etdiyi tanrıların yerləşdiyi müqəddəs bir dağ sayılır. Bu mifalogiyaya görə də yunan tanrılarına "olimpçilər" deyilir.
Olimpin şimal hissəsində Makedoniyalıların müqəddəs yeri - Dion, yəni Zeus şəhəri var idi.
Qədim dövrlərdə Olimp silsilələri Makedoniyanın sərhədi fəzifəsini yerinə yetirmişdir.

Olimp yalnız tarixi və mifoloji bir simvol deyil, həm də təbii bir abidədir. 1938-ci ildə Olimp Yunanıstandakı ilk milli parkının bir hissəsi oldu. Burada 1700 bitki növünə rast gəlinir ki, bu da Yunanıstanda tapılan bütün növlərin 25%-i deməkdir. Faunasında 8 növ suda yaşayan canlı, 22 növ sürünən, 32 növ məməli və 136 quş növü vardır.

şevron

Şevronlar hərbi nişan kimi Orta əsrlərdə ortaya çıxdı. "Şevron" Fransız sözü olub "X" hərfinə bənzər dülgər tikililəri mənasını verir.

O dövrdə Fransada xaç şəkilli şevronlar populyar idi və parad yürüşlərində iştirak edənlərin paltarlarına tikilirdi. Hərbi geyimlərə və digər rütbəli şəxslərdə sağ qola tikilir(taxılırdı).

Vaxt keçdikcə tikmə deformasiyaya uğradı və "V" hərfinə bənzəməyə başladı.
Vaxt keçdikcə, əhalinin bütün təbəqələri hərbi V şəkilli bu simvolu şevron adlandırmağa başladılar.
imperator Napoleon Bonapartın sayəsində, bu gün istifadə edildiyi formada olan şevronlar bütün dünyada tanındı. Bu ənənə kök saldı və "şevron" sözü hərbi V formalı bir simvol(rəmz) mənasına gəldi.

indi bu tip şevronlar hərbçilərin çiyin hissələrində yerləşir.

Müasir bir şevronun klassik bir nümunəsi olan "kursovka" da hərbi akademiyaların və məktəbləri kursantlarının parad formaları üçün də istifadə olunur.

apple music

Apple məhsulları üçün musiqi platformu.

Aylıq 16 manata keyfiyyətli musiqiləri rahat yükləmə imkanı verir.
Apple məhsullarında musiqini itunes storedan başqa yerlərdən və proqramlardan yükləyəndə o effekti vermir həmişə, apple music istifadə etmək üçün ən əsas səbəb isə Azərbaycanda spotifyın işləməməsidir.

Apple music ilk 6 ay pulsuz yoxlama versiyası irəli sürür.

Abunəsiz də mahnıları pcdən apple musicə sürətli transfer etmək mümkündür. Bunun üçünsə pcdə itunes proqramının olması kifayətdir.

Qeyd: pc-ə yüklədiyiniz musiqilərin səs keyfiyyəti 320 kbps olması mütləqdir. Musiqiləri internetdən yükləyəndə buna diqqət edin.