türkiyədə iş imkanları

olmayan imkanlardır. çünki rəsmi idarədə heç bir müdür xarici tələbəni özünə işçi olaraq götürüb onunçün dövlətə vergi vermək və ya onun çıxardacağı problemlərlə baş etmək istəmir. işləmək mümkündü təbii ki, cafedə, daşımacılıq şirkətində və ya dil bilirsizsə tərcüməçi olaraq 1,2 gün. amma rəsmi dövlət və ya özəl şirkəti yaddan çıxarın. mən düz 2 ay bu yolda mübarizə aparıb axırda vaz keçmişəm. ilkində tam 1 ay məni idarənin remontu bitsin başlıyacan deyə fırladıblar * halbuki onlara tam lazım olan işçiydim , ikincidə məni idarəyə görüşməyə çağırıb özləri gəlmiyiblər * dəhşət travma almışdım o gün .
ikinci toxunmaq istədiyim məqam yayda antalyada işliyəcəm xəyallarıdır ki, hər tələbə türkiyəyə ayaq basdığı gündən bu istəklə yanıb tutuşur. onu da unudun. 100 tələbədən 2sində alınır o. öz də ağır şərtlərlə. bayırda yatmaq, 12 saat işləyib 20 tl almaq kimi ağır şərt. 1 ay sonra böyrəyiniz çürüyə bilər.
qısaca deməyim odu ki, axtarın iş bəlkə bəxtiniz gətirər taparsız amma, çox böyük ümidlə başlamayın bu axtarışa.

türkiyədə təqaüd imkanları

ən bilinən 2 yolla mümkündür.
1. xaricdə təhsil üzrə dövlət proqramı. bu proqram bütün türkiyə universitetlərini əhatə edir. siz uni versitetin bütün tələbini yerinə yetirib özünüz qəbul olursuz, daha sonra qəbul sənədi ilə təhsil nazirliyinin tələb etdiyi digər sənədləri onlara təqdim edib müsahibədən keçirsiz. layiqli olduğunuzu düşündükləri təqdirdə sizə ayda 900$ kimi bir təqaüd, universitetinizin illik ödənişini və gediş dönüş təyyarə biletinizin pulunu verirlər.
2. türkiyə bursları adənda təqaüd proqramı. burda etməniz lazım olan şey sadəcə sayta girib ixtisas şəhər seçib şərtlərlə tanış olmaqdı. əsas tərəfi sizi onların universitetə yerləşdirməsidir. yəni əsas şərt sizin universitetlərdə qeydiyyatınızın olmamasıdır. özləri göstəricilərinizi nəzərə alıb əvvəlcədən online olaraq bildirdiyiniz 10 universitetdən birinə yerləşdirəcək. sayt http://www.turkiyeburslari.gov.tr/

türkiyədə təhsil

neçə dəfə sözlükdə haqqında maraqlanan görmüşəm ona görə ətraflı entry yazmağa qərar verdim.
1. türkiyədə bakalavr təhsili.
deməi bakalavr təhsili universitetə görə dəyişir. özünüzə sadəcə attestatla qəbul edən uni də tapa bilərsiz, sat, ielts istəyən uni də. böyük şəhərlər və özəl universitetlərin şərtləri və xərci daha çoxdur. ortalama yös və attestat işinizi görə bilər.
2. türkiyədə magistr təhsili.
deməli ilk öncə ildə 2 dəfə keçirilən ales imtahanına gedin. həm türkiyəni görərsiz, həm ilk addım budur. ordan gələn bala əsasən universitetlərə baxın. elə universitet var keçid balı 55dən aşağı olan alesləri də qəbul edir, eləsi var 70 istiyir. balənəva uyğun universiteti seçəndən sonra universitetin tələb etdiyi sənədləri yığmağa başlıyın və ilkin başvurunu edin. bir çox unidə bu məlum tarixlərdə online olur. sonra sizi mülakat deyilən imtahana çağırırlar. bəzi unilərdə bu şifahi olur, bəzilərində yazılı. mülakatın çətinlik dərəcəsi həmin ildə əvvəlcədən müəyyənləşdirilmiş vakant yerlərə görə olur. 5 yerə 3 nəfər sənəd veribsə, "merhaba. nasılsın? azeybaycanda işler nasıl?" deyə soruşurlar, yox əgər 3 yerə 5 nəfər sənəd veribsə, onda həmin ixtisasla əlaqəli sualları döşüyürlər. onu dəqiq deyim sizə, əgər başqa ixtisasda magistr etmək məqsədilə mülakata getmisizsə, mənim bakalavr ixtisasım bu deyildi deyə bu sualı bilmirəm demək kimi bir şansınız yoxdu, desəz bir baş mülakatdan kəsildiz varsayın. mülakatdan da çıxandan sonra, iş qalır gözləməyə və universitetin saytında adınızın qəbul olanlar siyahısında çıxmağına.
3. doktorantura təhsili.
birinci onu deyim ki, qətiyyən türkiyədə doktora etmiyin. həyatınızın səhvini edərsiz. 4 il dedikləri doktorantura 6 ilə uzanır və ilk çətinliyi qəbul olmaqda, 2ci çətinliyi 2 il sonra dövlət imtahanını verməkdə, 3cü çətinliyi isə disertasiyada yaşayacaqsız ki, buna görə özünüzü dəfələrlə söyə bilərsiz, çünki türkiyədə sizə dossent dərəcəsi verənəcən doğulduğunuza peşman edəcəklər. bunun dəfələrlə canlı şahidi olduğum üçün belə əmin danışıram. nəysə deyək ki, qərar verdiz ki, mənim məqsədim türkiyədən dossent çıxmaqdı. onda ilk olaraq 75+ ales, 5+ ielts (ekvivalenti toefl və ya yds ola bilər) , 85+ akademik ortalamanı hazır edib sənədləri göndərirsiz universitetə. yenə də sizi yazılı və şifahi melakatlar gözlüyür. burda xaricilər arasında rəqabət az olur düzdü, amma unilər də cəmi 1 yer ayırır hər il hər ixtisasda xarici tələbə üçün. o yeri qapdız qapdız, qapmadız keçmiş olsun.

gəlir dağılımı

bir ölkədə yaradılan milli gəlirin o ölkədə yaşayan fərdlər arasında paylaşılmasıdır.
gəlir dağılımı toplumun rifahının güzgüsüdür. bu dağılım pozulduğu zaman ölkədə rifah azalıb deməkdir. bu rifah da hərənin ortaya qoyulan maldan istədiyi qədər almaq şansının olmağı deyil. öz payını özünün müəyyən etməyin varlı kapitalist bir vəziyyətin nəticəsidir. ona görə də milli gəlirlən və onun bölüşümündən danışarkən, varlıları və onların istehlak etdiyi lüks istehlak mallarını çıxaraq danışmaq lazımdır.
ölkədə gəlir dağılımı 2 mərhələdə həyata keçir.
1. kapitalist cəmiyyətdə milli gəlir işçi və kapitalist arasında bölünür (bu təməl dağılımdır)
2. yuxarıdakı 2 qol üzərindən bölüşüm. 1ci qol əməkçi sinifin təbəqələri arasında, 2ci qol kapitalist sinifin müxtəlif təbəqələri arasında bölüşüm.

ehtiyat

könüllü, özəl ortaqlıq və məcburi olmaq üzərə 3 növü vardır ehtiyatın.
1. könüllü ehtiyat. bu ailələr tərəfindən sərbəst olaraq yığılan pullardır ki, onların istəyinə uyğun olaraq müxtəlif tip yatırıma çevrilə bilər. məsələn ev alınar, pul banka qoyular, hissə sənədi alınar və s.
2. özəl ortaqlıq ehtiyatları. bu top ehtiyat şirkətin mənfəətində yaradılır. bununçün xüsusi səy göstərilmir yəni şirkət mənfəətindən istehlaka xərclənən qism çıxıldıqdan sonra yerdə qalan pul avtomatik olaraq ehtiyat kimi saxlanılır. (təbii ki bu prosses inkişaf etmiş ölkələrdəki qanunla işləyən şirkətlər üçün keçərlidir)
3. məcburi ehtiyatlar. bunlar dövlətin yığdığı vergilərdən, sosial sığortalardan ibarətdir.