qismət rüstəmov

xx

gözlərindən öpərəm, dodaqlarından sənin,
şirin sözlər asaram qulaqlarından sənin,
saçını oğurlayıb daraqlarından sənin,
saxlayaram cibimdə, gizli-gizli qoxlaram,
yandıraram gecələr, gəlirsənmi yoxlaram...
əllərindən tutaram, biləyindən öpərəm,
saçlarının gül qoxan küləyindən öpərəm,
məni müqəddəs bilən ürəyindən öpərəm,
öpərəm ki, biləsən mən müqəddəs deyiləm,
nə var məndən qaçmağa, mən ki, qəfəs deyiləm.
qırmızı kəmturş şərab badələrə süzülər,
zarafatlar uzanar , ürəyimiz üzülər,
barmaqlarım tələsər, düymələrin çözülər,
içimə bir od düşər, titrəyər ayaqlarım,
süd yolunda dincələr qurumuş dodaqlarım...
ürəyimin parası gözümün bir tikəsi,
məni yaman qorxudur dinməmək təhlükəsi,
mən özündənrazının, eqoistin yekəsi,
sən zəriflik tanrısı, qadının ötəsisən
bütün xoş şeylər kimi sən dəmi bitəsisən?

kirayə

demək olar ki, xüsusən tələbə oğlanlar üçün ən çətin işdir kirayə ev tapmaq. hansı maklerin ofisinə ya da ki, neftçilərdə olan kirayə evlər bazarına gedirsən deyirlər tələbə oğlanlara ev vermirik. maklerlərin çoxu bina evi deyir amma gedirsən baxmağa görürsən həyət evi imiş. ya da ünvanı deyildiyi yerdən çox uzaqda olur.
bir başıma gələn hadisəni deyim . elə keçən səfər oldu kirayə ev axtaranda. bir dayday gəldi kirayə ev adıyla bütün bakını gəzdirdi sonra apardı gəncliyə . özü də gördü heçnə çıxmır. axırda da dedi : süftə olaraq 1 manat verin. dedim bir manatı əvvəlcədən istəsəydiniz verərdik day bu qədər niyə gəzdirirdiniz.

alternativ olaraq bu saytlardan kirayə evlər tapa bilərsiniz.
unvan.az/
emlak.az/

uşaqlıqda aliminium mis və butulka satmaq

yadıma gəlir uşaq vaxtı məhlə uşaqları ilə konkret bu işin içində idik. mən playstation üçün satmırdım çünki fond puları və dəftər pulları bəs edirdi playstation oynamağa. çalışırdım mis butulka puluna ya top alım ya da ki velosiped sürüm doyunca. ən maraqlı hadisə isə belə olmuşdu . deməli, bircə dənə də duşes butulkası olsa idi tam 1 şirvan edirdi butulkaların qiyməti. məhlədə də 1 butka var idi. balaca olduğum üçün əyilib butkanın polkasında 1 düşes butulkasın götürdüm. məqsəd boş butulka şüşəsi idi amma dolu olaraq götürdüm düşesi də içdim. hələ də yadıma düşəndə buna gülürəm. keçək aliminium və misə. nəhayət, məhlədəki bütün aliminium və misləri satandan sonra xəbər tutduq ki, bəs vağzalda aliminium kabelləri var. gedib vağzalda olan kabelləri kəsib başladıq yandırmağa. onu da satıb babat pul qazana bilmişdik.
aliminiumun kilosu 3 memmed 1 nizami idi.
mis 6 memmed.
xırdalan butulkası 250 qız qalasına.
duşes butulkası 150 qız qalasına.
araq butulkaların nadir halda götürürdülər .

yazarların paylaşmaq istədikləri musiqilər

"Dalida - Bang Bang " - ilk dəfə "Les Amours Imaginaires" filmində eşitdiyim və zövq aldığım musiqi .

(youtube: )

(youtube: )