adtapabilmedim


959   2   0   0
https://soz6.com/sds-uploads/avatars/b1294e2dc2fbfa1ecb1b8738e41d4e3e14806.png
5.nəsil yazar
reytinq xalı: 2446
entry sayı:959
karma xalı: 673
izləyənlər: 11
sifariş sayı: 15




"guy always thought it was life he was looking for. but it must have been death."




son yazdıqları| | əl əməyi göz nuru| favori seçdikləri| favori seçilənləri| bütün entryleri| lövhə

bu şəhərdə Bu dəfə əlimizə "Bu şəhərdə" səhifəsi keçdi. Onlar nə edib? Hamilə qadınların şəkilini paylaşıb yazıblar ki, Anna Akopyanın dəstəsi Qarabağdan qayıdır. Səhifənin admini də deyəsən elə onlar ağıldadır. Guya dəhşət zarafat edib. Camaat qırıldı gülməkdən. Prodüserləri də açıqlama verib ki, bəs orda narazılıq edən kişilər yox, qadınlardır. Adam bu qədərmi düşüncəsiz olar? Qadınlar haqda bir şey paylaşmısan, onları aşağılamısan, hamiləlik kimi insanı həyata bağlayan möhtəşəmliyə həqarət etmisən... Hələ durub belə deyirsən.
Qadınlar narazı olmasın neyləsin? O qədər bu qadın söhbətləri ilə dəxilsiz zarafatlar edib camaatı güldürüblər ki, zərrəcə anlayışları qalmayıb. Elə bil, qadın bunlar üçün zarafat mövzusudur. Belə də olmalıdır.
Prodüserin bu açıqlamasından sonra ərinməyib şərhləri bir-bir oxudum (2 mindən çox şərh vardı). Yalan deyir. Kişilər də narazıydı, etiraz edir və səhifənin şəkli silməsini istəyirdi. Prodüser də deyir, bəs əsgərlər qayıdanda o şəkli onlara da göstərərik, əgər biri qayıdıb desə ki, bu tərbiyəsizlikdir, biz o dəqiqə silərik.
Biz illərdir adamlara izah edə bilmirdik ki, bunların beyinləri inkişafdan qalıb, gülünüb qurtarmış zarafatları ilə əsəblərimizə toxunurlar.
Bu da sevimliniz “Bu şəhərdə”. Hələ də onları sevən, izləyən və qarnını tutub gülənlər var. Bu düşüncə, qurşaqdan aşağı, qadın üzərində qurulan yumor olduğu müddətcə, onlar da həmişə var olacaqlar. Di gedin, deyin, silsinlər o şəkli. Silirlərmi? Yox. Hamı söyür, silmirlər. Xeyri yoxdur.
(C) ayxan ayvaz
brothers 2009-cu il abş istehsalı Müharibə temalı psixoloji-dram filmi. Baş rolda tobey maguire, Jake GyllenhaalNatalie portman var.
Orduda xidmət edən Sam Cahill (tobey) Əfqanıstana yola düşməzdən əvvəl qardaşı tommy (jake) həbsxanadan çıxır. Xidmətə gedən sam orada əsir düşür və ailəsinə onun həlak olduğu deyilir. Əsirlikdə sam'in başına dəhşətli hadisələr gəlir.
Xüsusilə filmdə ordu, xidmət, müharibə kimi həssas mövzular müzakirə edilir.
"Only the dead have seen the end of war."
hər səhəri ölü erməni videosuyla açmağın verdiyi rahatlıq Ölü erməni videolarının internetdə yayılması ordumuzun şəxsi heyətinin təcrübəsizliyindən xəbər verir. Hərbçilər döyüş meydanında mümkün qədər soyuqqanlı olmalı, emosional düşüncələrə qapılmamalıdır. Qarşısındakı silahlı düşməni erməni kimi yox, məhv edilməli hədəf kimi görməlidir. Ümumiyyətlə sadəcə verilən döyüş tapşırığını icra etməlidir artıq heç nə.
Ordu quruculuğunda diqqəti şəxsi heyətə vermək lazım idi, orta təhsili belə olmayan şəxsləri maxe olaraq qəbul edəndə nəticə başqa cür də ola bilməzdi. Hələ bir də maxe'ləri müddətli hərbi qulluqçunun komandiri vəzifəsinə təyin edirlər, sanki nəsə öyrədə biləcəkmiş kimi, ala adam heç orta təhsili başa vura bilməyib, akm'in ttx'sını güc-bəla ilə deyir.
Ümid edirəm, ordumuz bütün bu mənfilərə baxmayaraq, Qarabağdan düşməni çıxaracaq.
3 noyabr 2020 ABŞ prezident seçkiləri Hər seçkidə olduğu kimi "əşi boş şeydi onsuz abş prezidenti kukladır, ciddi bir təsiri yoxdur, sistem elə qurulub ki prezidentin ciddi rolu yoxdur," deyənlərin üç-beş ay sonra həmin seçkidə seçilən qalib gələn şəxsin xarici siyasətdə etdiyi nəsə bir dəyişikliyi görüb "x seçilsəydi belə olmazdı," deyəcəyi seçki olacaq.
Çox gülməlidir "prezidentin əhəmiyyəti yoxdur" demək. Trump yerinə klinton olsaydı bəlkə də bmt ikinci qarabağ müharibəsinə görə Azərbaycan'ı işğalçı (aggressor) elan edərdi.
unudulmaz serial replikaları "Dark's nothing to be afraid of. In fact I'd go as far as saying there's nothing to be afraid of. Anywhere. The strongest person is the person who isn't scared to be alone. It's the other people you got to worry about. Other people. They'll tell you what to do, how to feel... Before you know it... you're pouring your life out in search of something other people told you to look for. "

"qaranlıqdan qorxma. hətta rahatlıqla deyə bilərəm ki, heç kimdən heç yerdə qorxmamalısan. ən güclü insan yalnızlıqdan qorxmayan insandır. başqaları barəsində diqqətli olmalısan. onlar sənə necə davranmağı, necə olmağı söyləyər... bir də baxarsan ki başqalarının tör-töküntülərini axtarıb həyatını hədər etmisən."

(bax: the queen's gambit)
v for vendetta "Remember, remember the 5th of November."
Ultra hd 4k olaraq yenidən remaster edilərək 3 noyabrda bluray formatında satışa çıxacaq film.
(youtube: )
cenk uygur the young turks'un kreatoru, türk əsilli amerikalı jurnalist.
The young turks'un digər jurnalisti erməni əsilli amerikalı ana kasparian kanalda zaman-zaman erməni propaqandasına da yer verirdi, müharibə başlayandan bəri isə Azərbaycan və türkiyəyə haqsız iddialar ilə pox atmaqla məşğul idi. Cenk uygur'un bu mövzuda səssizliyi isə türk izləyicilər tərəfindən tənqid olunurdu.
Nəhayət ki, qəhbəşüvən ana'nın cavabını yayımların birində verib:
https://streamable.com/f19dcf
(Ən zəif nöqtələri olan btm qətnamələri ilə ana'nın payını verib)
the queen's gambit bu sifarişi verən: adtapabilmedim
Netflix'in yeni mini dizisi. Baş rolda anya-taylor joy var.
Stephen king'in dediyinə görə netflix'in ən keyfiyyətli istehsalıdır. Xüsusilə şahmat ilə maraqlanan, maraqlanmayan hamı izləməlidir. Bir növü hbo keyfiyyətində netflix serialıdır, hərdən adama elə gəlir ki, hbo istehsalı izləyirsən.
Rotten tomatoes: 100%
907-ci düzəliş Abş'da prezidentliyə namizəd joe biden tərəfindən yenidən gündəmə gətirilən düzəliş. Biden, Azərbaycan ordusunun qarabağa doğru olan irəliləyişini dayandırmaq üçün trump'ın şəxsən müdaxilə etməsinin və 907'ci düzəlişin yenidən qüvvəyə minməsinin gərəkli olduğunu deyib.
Mənbə: https://bit.ly/3oGO3zZ
Əslində, qarabağ vecinə deyil sadəcə trump'a qarşı olan seçki kompaniyasında bu məsələdən də istifadə edərək, trump'ın xarici məsələlərdə zəif olduğunu deyir.
Şəxsən düşünürəm ki, trump yerinə hillary clinton abş prezidenti olsaydı; yəqin ki, abş höküməti Azərbaycan'a qarşı ciddi təzyiqlər edər, sanksiyalar qoyardı. Ümid edək ki, yanvara kimi məsələ həll olsun.
mc donalds "mc donald's azerbaijan" facebook səhifəsi azərbaycanı dəstəkləyən paylaşımlar edib, lakin erməni diasporu şikayət edib həmin postları sildirib (ermənilərin iddiasıdır).
Sonradan səhifə paylaşımların silinməsi ilə bağlı açıqlama da verib. insanların vətənpərvərlik hisslərindən istifadə edib qabağa düşmək istəyiblər amma daha da pis vəziyyətə düşüblər. Hal-hazırda səhifədə ancaq mənfi reaksiyalar görmək mümkündür.
Silinən postlar: https://bit.ly/3oCrEUo
Silinmə ilə bağlı açıqlama: https://bit.ly/3oA3s4N
no time to die Koronavirus pandemiyasına görə Bir neçə dəfə təxirə salındıqdan sonra görünür artıq istehsalçı şirkət "digital release" (birbaşa onlayn yayım) fikrindədir. Deyilənə görə filmin təxirə salınması istehsalçıya 100 milyon dollara yaxın ziyan vurub.
Dünyada pandemiyaya görə kinoteatrın bağlı olması və ya məhdud fəaliyyət göstərməsinə görə istehsalçı filmi nümayiş etdirməyə risk etmirdi. indi isə birbaşa olaraq hansısa bir streaming şirkətinə satacaqlar.
r/armenia Son vaxtlar Azərbaycan'ın cəbhədə uğurlu əməliyyatlarından və ermənistan müdafiə nazirliyinin ərazi itkilərini, "taktiki" geri çəkilmələri etiraf etməsindən sonra xaosun hökm sürdüyü subredditdir.
kimisi "iskəndər"lə şəhərləri vuraq deyir, kimisi ermənistandan raket ataq ki bizi vursunlar rusiya müdaxilə etsin deyir... Ürəkbulandırıcıdır. Məğlubiyyəti yavaş-yavaş dərk edirlər və heç bir halda qəbul etmək niyyətində olmadıqları açıqdır. Sırf "qələbə" üçün üçüncü bir qüvvəni cəlb edərək regional müharibə belə olmasını istəyəcək qədər axmaq insanlar var. Bəlkə də məğlub tərəfin belə milliyətçi çıxışları normaldır, amma ermənilər nasistlər kimi təslim olmadan bütün vasitələrdən istifadə etmək niyyətindədir. Ən son görmək istədiyim şey səhər tv'ni açanda "x şəhərinə ermənistan raket atdı" xəbəridir.
29 oktyabr editi: və təbii ki də Ən son görmək istədiyim şey reallıq oldu.
ikinci qarabağ müharibəsi Azərbaycan və Ermənistan xarici işlər nazirləri oktyabrın 29-da cenevrə şəhərində minsk qrupu həmsədrləri rəhbərliyi altında görüş keçirəcəklər.
Görünür abş, artıq müdaxilə edib. Xeyirlisi olsun nə deyək.
Mənbə: https://bit.ly/3kykLks
ilham əliyev Abş'ın fox news kanalına müsahibə verib. Maraqlı məqamlar var. Demək olar ki, bütün aspektlərdə münaqişə, azərbaycandakı siyasi vəziyyət və eləcə də gündəmdə olan məsələlər barəsində əliyev'ə suallar ünvanlanıb. Dövlət başçısı məntiqli cavablar verərək öz mövqeyini saxlayıb. Xüsusilə "azərbaycanda ailə hakimiyyəti var," deyən jurnalistə "vaxtilə amerikada da bush, clinton ailəsinin də hakimiyyəti olub," deyə cavab verən dövlət başçısı, heç bir halda sual altında qalmayıb.
Buradan izləyə bilərsiniz (azərbaycanca altyazılı):
https://bit.ly/3oq3koA
həyatın ən gözəl illərini bərbad keçirmək insan həyatının ən gözəl illəri məhz gənc olduğu dövrdür. Azərbaycan'da (və ya orta-statistik üçüncü dünya ölkəsində) Əgər ortalamadan yüksək gəlirli bir ailədə doğulmamısınızsa keyfiyyətli bir təhsildən məhrum olacaq, az maaşlı işlərdə "dolanacaq" dalınca qaçaraq gənclik illərinizi hədər edəcəksiniz. Yaxud da ki çətinliklə ali təhsil aldıqdan sonra "normal yaşayacağam artıq" deyəcəksiniz amma aldığınız təhsilin sizə yaxşı bir həyat qazandırmayacağını çox da keçmədən dərk edəcəksiniz. Ölkədə olan mənfi tendensiyalar, ailənin "iş tap" basqısı, cəmiyyətin mənfi təsirləri motivasiyanızı hər keçən gün daha da azaldacaqdır. Hətta düşünəndə ki orta-statistik birinci dünya ölkəsinin vətəndaşları sənin yaşadığın çətinliklərin dörddə birini yaşayaraq (ən pis halda) səndən daha yaxşı bir həyata sahib olur, bu isə yaşam həvəsini öldürür.
özümdən misal çəkim; ortalama altı bir universitet məzunu mən, hərbi xidmətdən sonra "şirkətlərin", "üstünlük verilir" vakansiyaları arasında itib batmışam. "X üzrə təcrübəlilərə", "xanımlara", "rus, ingilis fluentlərə", "kodlaşdırma bilənə" kimi. Hər şeyi bəlkə də başa düşərəm amma seksist vakansiya nədir axı, insan heç özünə hörmət eləməz görəsən? Uyğun sahə üzrə Pulsuz təcrübəçi qəbulu tapmaq samanlıqda iynə tapmaq kimi bir şeydir. inkişaf etmiş ölkələrdə təcrübəçilərin ortalama altı maaşı var, amma bizdə "paid internship"lər. Bir tərəfdən isə qardaşım, anam "iş tap da nə qədər müftə bizdən yeyəcəksən?" demələri də məni lap dibə çəkir. Artıq cv göndərməyin başın buraxıb kassir, satıcı kimi tez bazar qəbul olub 300 manat maaş alacağım işlər axtarıram. Gənc yaşımda Məni həqiqətən də yaşama bağlayan heç nə yoxdur, nə əks cinslə münasibətim (olmayacaq da), nə normal yaşam tərzim var. bəlkə də səhv məndədir, özümü daha çox inkişaf etdirə bilmədim, hərbi xidmətdən sonra oxuyub-öyrənmə adətim pozuldu, rus dili öyrənmədim, təcrübə qazanmadım, əks cinslə münasibət qurmağa çox da cəhd etmədim və s. Dost-tanış arasında "joke" (zarafat) kimi qəbul edildim həmişə. Psixoloqum mənə "niyə özünü bu qədər dəyərsiz hesab edirsən?" Demişdi bir seansda; ona mənim dəyərli nəyim var axı demişdim, yəni öz dəyərli tərəflərimi aşkara çıxarmalıydım. Hələ ki heç nə alınmayıb və deyəsən elə belə də bitəcək hər şey.
1 2 3 4 5 6 7 8 9 10 11 12 13 14 15 16 17 18 19 20