meral konrat

təhminə və zaur filmindəki halı ilə mənim gözəllik kriteriyamı müəyyən edən qadın. bir qadının gözəl olub-olmadığını onunla müqayisə edərək müəyyən edirəm

yeddi oğul istərəm

son səhnəsinin dolu filminin də son səhnəsinə ilham verdiyini düşündüyüm film

arxadan vurulan zərbə

"ə, bu nə maşındır, başqa maşın tapmadın?"

qaynana

bu filmdəki ideyanı təkcə gəlin-qaynana münasibətlərinə aid etmək olmaz, insan bir çox məsələdə itirənə qədər əlindəkinin qədrini bilmir

yarımçıq xatirələr

ssri sevgisi ehtiva edən film. qarabağ mövzusunda çəkilmiş film hesab etməzdim

ağ atlı oğlan

birinci qarabağ müharibəsi mövzusunda müxtəlif filmlər çəkilsə də, bu filmin özünə məxsus yeri var məndə. əslinə qalsa aktyorluq cəhətdən bu film məncə dolu, fəryad və s. kimi filmlərdən geri qalır amma filmin elə bir aurası var ki, adamı istər-istəməz depressiyaya salır. bunda filmdə istifadə olunan musiqilərin də hər halda təsiri var. və bir də filmdə bir balaca reallığa uyğun olmayan səhnələr var, şişirdilmiş səhnələr də deyə bilərik. amma ümumi olaraq izləniləsi filmdir.

dolu

birinci qarabağ müharibəsi mövzusunda çəkilmiş ən yaxşı film

axırıncı aşırım

elə bir filmdir ki, baxanda mənfi obraz tapmırsan demək olar ki. həm kərbəlayi ismayılın, həm də abbasqulu bəyin tərəfini tutursan. sonda hamının abbasqulu bəyin dəfninə getməsi və kərbəlayinin tək qalması da sözsüz ki filmdəki ssri təsirini biruzə verir.

təhminə

musiqisi insanın həyat enerjisini çəkən film.

(youtube: )

qəm pəncərəsi

cəlil məmmədquluzadənin bütün əsərləri dəfələrlə oxunacaq, qətiyyən aktuallığını itirməyən əsərlərdir. bu da onlardan ikisinin əsasında çəkilib. filmi izləyərkən 19-cu əsrin sonlarındakı azərbaycana səyahət edirsiz və heç çətin olmur bunu etmək. niyə olmur? çünki burdakı məsələlər hələ də mövcudluğunu qoruyur.

qatır məmməd

haqqında çəkilən film ssri dövrünə təsadüf etdiyindən axc-ə qarşı mövqe özünü göstərir. digər tərəfdən varlıdan alıb kasıba paylamaq məsələsi insanda simpatiya yaratsa da ermənilərin azərbaycanlılara qırğınlar törətdiyi bir dövrdə onlarla əlbir olmaq, azərbaycan xalq cümhuriyyətinə qarşı çıxmaq bir yana, bolşeviklərin hakimiyyətə gəlməyi üçün çalışmaq düzünü desək bir xəyanətdir.